هاي
اليوم جيتكم في قصة قصيرة واول مرة انديرها والقصة حقيقية واني درتها لانه اترت فيا القصة وبنعطيهلكم بأسلوبي ☹💜
القصة مش حنحطلها اسم لانه نبيكم بعد تقروها تحطو اسم انتم وحنشوف اكتر اسم راكب مع القصة
حيدر : تعالوا نعرفكم عليا اني حيدر ولد تقدروا تقولو صايع 🤦♀️ بصدق هكي بنات شارعي كلهن مكلمهن واني نقرأ ثالثة تانوي كنت مش قايم حد من ارضه والبنات لعبة بين ايديه متوقعتش في يوم بنت اطيحني وتكسرني ويصير فيا هكي بسبب بنت كان في بنت بنت مقدرتش نوصلها حاولت بس مقدرتش بحكم هي معندهاش لا نقال ولا شفرة قعدت انراقب فيها شهرين يمكن وجت الصدفة انها تقرأ معايا في نفس الثانويه هي كانت تقرأ أولا ثانوي مقدرتش نكلمها لانها معطتنيش وجه اصلا وطبعا هي نجحت في الاولى ثانوي اما اني سقطت في الثالثة ومع بدايه السنه الجديده حسيتها بدت تبتسملي وفي حركات غرام بينا بجديات كنت حاس ب فرحة مش طبيعيه
في يوم :
حيدر : مشيت لوحدة من البنات الي نعرفهن......... هنادي تعالي شويه نبيك
هنادي : شن في ؟؟
حيدر : بنطلب منك حاجة
هنادي : اتفضل
حيدر : شفتي البنت هذيكا ...........واشر عليها
هنادي : اي سوزان خيرها ؟؟
حيدر : تعرفيها ؟؟
هنادي : اي جوها حلو البنت افقي بس
حيدر : كويس ........وطلعت النقال من جيبة وعطاهلها...........بري اعطيها هذا وقوليلها تكلمني حتى يوم واحد بس
هنادي : تم .........وخدت النقال ومشت تقنع في سوزان تأخده
سوزان ؛ منبيشي ي هنادي رديهله
هنادي : قالك يوم واحد بس هييي ☹🥺ع خاطري
سوزان : اففف هاتي........وخداته وحطاته في شنطتها
تم الدوام
حيدر : طول بعد روح اتصل ب سوزان وكان هو يحكي ويعرف بروحه اما سوزان كانت ساكته
سوزان : بعد فترة من سكوتها .................اسمع اني بابا صعب وخوتي حتى هما ومعندناش بنات عندهم نقالات او يديروا علاقات ولهاذا بكرا حنردلك النقال مع هنادي
حيدر : لا خليه عندك
سوزان : لو يشده بابا عندي وربي يقتلني
حيدر : انتي اقفليه ولما تفتحية خليك بعيده ع عيلتك واتصلي بيا نحكوا
سوزان : تفكر
حيدر : هييي الموضوع ميبيش هذا كله وافقي بس
سوزان : تمام موافقة
حيدر : كنت فرحان واخيرا كلمتها سيبت قرايتي وقررت انكون روحي وانخدم وندير حوش ليا ولسوزان
تعرفوا حسيت بفرحة مستحيلا حد يحس بيها حسيت بفترة قصيرة انها دنيتي 😻♥️وانها سندي وكل شي في حياتي
مكانوش في هلبا مشاكل في حياتنا بس بصدق كنت نحبها حب ميعلم بيه الا ربي كانت كل شي في حياتي
بعد اربع شهور
هما انتقلوا لحوش جديد وصادف انه يكون جنب حوش جدي وطبعا علاقتنا معاهم كانت منهيه ع خاطر مشكلة صارت بينا ماكناش نمشولهم اصلا
في يوم
حيدر : تي خيرك بس ؟؟ علاش البكاء هذا كله بطلي بكاء وخبريني شن فيه ؟؟
سوزان : تبكي .........خالك خطبني
حيدر : فجأة حسيت الدم وقف في عروقي حسيت روحي خسرت كل شي كنت حاس بوجع مش طبيعي بس لفكرت انه خالي خطبها بس لفكرت انها بتكون لغيري
سوزان : موقفتش بكاء وسكرت وبعد نص ساعة اتصلت من جديد
حيدر : فهميني شن صار ؟؟
سوزان : اليوم جتنا خالتك ومرت خالك خطبوني لخالك وبابا طول وافق قال منحصلوش حد خير منهم الناس هذيما
حيدر : وربي نقلب الدنيا ولا يأخدك غيري.....♥️🔗
سوزان : تبكييي ...............لا بالله عليك لا لو عرف بابا وربي يقتلك ويقتلني اهدي واني حنحاول نقنع ماما تقنع بابا يغير رأيه 💔
حيدر : تمام
سوزان : مشيت لماما وقلتلها منبيشي وانها تقنع بابا بس بابا قعد متمسك بقراره ومباش يتراجع كلمت عماتي وخالاتي يقنعوه بس مرضاش
حيدر: معاش قدرت نتحمل نخسرها قدام عيوني وقررت نكلم خالي اتصلت اول مرة مردش وتاني مرة رد
خالي : رقمك معاش نبي نشوفه يتصل بيا (ع خاطر المشكلة الي صايره بينا)
حيدر : كنت نبي نفصل بس اذكرت كلامها وبكاها تراجعت وسكرت الخط
ثلاثة شهور في ثلاثة شهور هي اتزوجت خالي
خسرت حبيبتي قدام عيوني ي ناس
خسرت سندي ي ناس
البنت الي حبيتها وحبتني خليتها تتزوج غيري واني نتفرج
الكسرة واعرة 💔
المهم
ربي يهنيك ي خالي 💔
.
.
.
.
.
.
.
.
.
.
.
#النهايه
حطوا اسم يمشي مع الروايه وكميه الحزن الي فيها 💔
نكتب فيها واني نبكي 💔
