العروس الهاربه

البارت العاشر

هادي:عايزه ايه تاني فكري في كلامي كويس وخدي قرار صح
يارا:انت عايز تتخلي عني وتخلص مني يا هادي زي مابابا عمل انت عارف انا رافضه ليه ايه اللي يعرفني أن ميكونش زي امجد ويجي يوم يضغط عليا ويخليني اتخلي عن كل احلامي بحجه اني اراعي البيت وبعدين لو اطفال وانا هبقي فين من كل ده مجرد كماله اثاث موجود في البيت اتملكني وقدر يطفيني بحجه جوازنا
هادي بدهشه:ايه يابنتي التفكير المعاق ده لدرجاتي امجد اثر عليكي ده كان مريض نفسيا أنا مكونتش موافق عليه وكلمت بابا وكان مصمم وعشان يبعدني عن الموضوع سلمني الشغل هنا،هسالك حاجه وتجاوبيني بصراحه انتي فضلتي مخطوبه لامجد شهور وتعرفي سليم من شهر وشويه وتقريبا اغلب الوقت مع بعض انتي شايفه انو هو شبه امجد في اي حاجه
يارا بتردد:مش عارفه أنا حقيقي خايفه من اني اخد قرار اندم عليه
هادي بتنهد:يارا محدش هيقدر ياخد القرار غيرك زي ماقرارتي انك مستحيل تعيشي مع امجد لأسباب كتير وهربتي هيبقي قرارك برضو انك تحاولي تنسي امجد وتبتدي حياه جديده الدنيا مش علطول بتدينا فرص متضعيش سليم من ايدك عشان متندميش
يارا بتنهد:انهارده بليل هقولك قراري النهائي ياهادي
                       ..............
حور بقلق:يارب مكونش اتاخرت بس لقيت المحاضره ابتدت فخبط وفتحت الباب انا اسفه يادكتور علي التاخير فاتفاجئت انو امير
امير بجديه:مش معني أن دكتور جون معتذر وواخد اجازه انك تتاخري علي المحاضره ياانسه
حور بعفويه:أنا اسفه جدا يادكتور وكنت عامله انو هيطردني بس دخلني
امير بجديه:اخر مره حد يتأخر لأن مش هسمح لحد يدخل بعدي انهارده كان استثناء بس عشان اول مره اديكوا
بنت بدلع:يعني حضرتك اللي هتدينا علطول بدل دكتور جون
امير بجديه:اه انشاء الله
حور يتنهد:بعد فتره كانت المحاضره خلصت يلا يامي ولاناويه تفضلي
مي بإعجاب:الدكتور امير ده قمور خالص ايه ده
حور بضحك:طيب يلا ياختي نطلع من هنا عشان تعبت من سهوكه البنات اللي حواليه ياعيني عليه
مي بعفويه:منكرش أنهم اوفر وحركاتهم زياده الصراحه يلايابنتي علي الكافتيريا
حور بتنهد:يلاياختي كنت عايزه امشي من وشه وخرجت بسرعه اووووف الحمدلله
مي باستنكار:انتي بتهربي من حاجه ومالك من ساعت مابتشوفيه بتبقي عايزه تمشي من قدامه
حور بتنهد:أنا اعرفه امير يبقي اخو جوز اختي واتصدمت انو دكتور هنا وحكتلها ازاي قابلته وايه اللي حصل مش حابه أن حد يعرف أننا نقرب بعض عشان انتي عارفه بقي كلامهم وكده
مي بعفويه:بقي القمر ده يقربلك ومضايقه انتي غريبه ياحور
حور بعفويه:منا لوحد عرف كل بنت هتقعد تتقربلي عشان تاخد رقمه واللي هتخليني أكلمه عشانها ومش هخلص دول ناس رايقه في ايه يابنتي سبيني اكمل وبلاش تخبطيني وبعدين هما اوفر الصراحه وكل دكتور بيبقي حابب دلعهم وعينه زايغه لكن لولقوا حد يوقفهم مش هيتصرفوا كده
امير بجديه:خلصتي ياحور كنتي بتقولي ايه بقي علي الدكاتره
حور بصدمه:امير قصدي دكتور امير لالف لأنظر له احم مكنتش اقصد حاجه يعني عادي كنت برغي مع صحبتي ههه
مي:طيب امشي أنا بقي وابقي حصليني علي الكافيتريا ياحور وهربت الحمدلله
امير بجديه:لعلم أنا قادر أوقف كل واحد عند حده وكنت قادر اني مدخلكيش لانك اتاخرتي ومش من عادتي أن أدخل حد بعدي بس دخلتك المرادي عشان محبتش احرجك
حور بتوتر:احم اسفه بس ده ميمنعش أن اللي قولته ده رأي برضو ومش هيتغير يادكتور امير ورحت سيبته واتجهت لكافيتريا
                         .............
مريم بعفويه:صباح الخير ورحت حطيت بوكيه الورد جنبه اخبارك ايه دالوقتي
هادي بابتسامه:كويس الحمدلله شكرا علي اللي عملتيه معايا يامريم بس انا حسك انك سيحتي اللي حصلي لكل الشركه اوعي تقولي اه
مريم بضحك:يوه بقي متعدش أمه لا اله الاالله عرفت خلاص ده انت معاك مريم يعني مبسكتش خالص فضايح حته اسال يارا
هادي بتنهد:اه شكرا علي نشر الأخبار يامريم
مريم بضحك:العفو بس انا مقولتش لحد يعني بزمتك لوقولت لحد كانت الدنيا هتبقي هاديه كده صدقتني بسرعه مفيش كان حد موجود اصلا غير الأمن بس عمتا الف سلامه عليك والمفروض تاخد بالك أن صحتك فوق كل شئ يعني الشغل كتر يولع عادي المهم صحه الانسان وحياته وبعدين خد اجازه وقضيها مع عائلتك
هادي بتنهد:الله يسلمك بس انا حياتي كلها شغل وحكايه أن اروح اقضي وقت مع عائلتي فده مستحيل بالنسبالي الشغل احسن
مريم باستغراب:الشغل احسن من عائلتك ياهادي
هادي بجديه:أنا عارف انك شايفه أن اللي بقوله غلط بس انا صعب اتواجد مع عائلتي يعني أنا مبرجعش البيت بسبب ماما واللي زاد أن معجبنيش اللي بابا عمله مع يارا مكنتش تستاهل ده كان طلبها بسيط وان هي تحقق حلمها وبابا مقدرش يفهم ده لاسف كسر حاجه جواها صعب تتصلح
مريم بتنهد:أنا عارفه أن اللي مرت بيه صعب في الفتره الاخيره بس انا متاكده أنها اقوي من كده وهتقدر تتخطاه وتكمل وعمر ماكان الهروب راحه ياهادي
هادي يتنهد:لامريح لاني بعيد عن كل حاجه
مريم يتنهد:اممم سليم عمل زيك كده من سبع سنين بسبب المشاكل سيبنا البيت بس متحلش اي حاجه هو كان حابب يهرب من اللي حواليه وبسبب جدو هيرجع بس الموضوع برضو متوقف علي يارا انها مش هتروح معاه
هادي بعفويه:أنا معرفكيش انتي واخوكي من فتره طويله بس انتوا كل يوم بتثبتولي انكم كويسين أنا الفتره اللي فاتت مكنتش بتعامل معاكي كويس وكنت بضغط عليكي بحجه اني مديرك مع ذلك انقذتيني امبارح فشكرا
مريم بعفويه:منكرش اني كنت مش طيقاك وبشتم فيك وبدعي عليك من هنا لبكره بس انت مش شخص وحش لدرجه اللي كنت متخيلها
هادي بدهشه من صراحتها:انتي مش حسه انك بتمدحيني بزياده
مريم بضحك:بجد أصل مبحبش اكدب يعني عمتا احنا بره المكتب فبراحتي بقي
هادي بضحك:اتعودتي عليا اوي يامريم عمتا انا حابب اننا نكون اصدقاء ايه رأيك
مريم بعفويه:امممم موافقه ياعم
                     ...............
علي بليل،يارا:دخلت مكتبه وحطيت القهوه وقعدت قدامه علي المكتب نتكلم بقي
سليم بضحك:دقيقه في أيدي حاجه هخلصها لقيتها بتنام وهي قعده روحي يا يارا نامي احسن انتي كده مش جايه تكلمي خالص
يارا بتنهد:لامش هروح اديني قعده مش همشي غير لما نتكلم
سليم:تمام يايارا عايزه ايه
يارا بعفويه:تمام أنا عارفه اللي عملته امبارح وردود أفعاله مكنتش حلوه نهائيا ومقدرش أنكر ده بس انت عارف أن الفتره اللي فاتت كانت صعبه عليا ومازالت مش بسبب وجودك بس بسبب أن كل حاجه اتغيرت فاجئه فضلت فتره اهرب من الواقع وانكر جوازنا بس متغيرش حاجه الوضع ساء وتعبت من الهروب أنا معنديش مشكله اعيش معاك ياسليم لحد ما نرجع لبيت هنا لاتنهد مينفعش اكون انانيه برضو ومفكرش في جدو وصحته
سليم بعدم استيعاب:انتي بتكلمي جد يعني انتي موافقه تيجي معانا
يارا:اه انت بس مالك مستغرب كده ليه ياسليم
سليم:لانك من يومين تقريبا كنتي رافضه انك تعيشي معايا وكان الموضوع من المستحيلات ايه بقي اللي اتغير وخلاكي اعترفتي بجوازنا وقررتي تعيشي معايا كمان
يارا بعفويه:احم كنت تايهه ومضايقه ومتعصبه الحقيقه ومكنتش عارفه اعمل ايه وغالبا كل ده طلع فيك فااسفه وممكن تقول رجعت لوعي نوعا ما وفي الاخر مهما انكرت فده مش هيغير حقيقه جوازنا لاتنهد بس متخلنيش اندم علي قراري ده ياسليم لاني مش هقدر اتحمل صدمه تانيه الفتره ديه
سليم بابتسامه:تمام يا يارا اوعدك أن مخلكيش تندمي علي قرارك ده وشكرا انك فكرتي في الموضوع تاني بس فيه مشكله جدو تعبان شويه كنت المفروض اروح انهارده بليل واجلتها لبكره الصبح انتي هتقدري ولااجلها لبليل
يارا بعفويه:مش فارقه معايا ياسليم الوقت اعمل اللي يريحك ويكون في مصلحه جدو،بعد فتره كنت روحت اتجهت لشقتي وهو لشقته وسؤال يدور في عقلي ياترا قراري كان صح بس ايا يكن مش هرجع فيه قعدت احضر في الشنطه فاتفاجئت بحور متجه نحوي افتكرتك مرجعتيش
حور بعفويه:لارجعت بدري انهارده بس انتي محضره شنطتك وهتروحي فين
يارا بتنهد:قررت اروح اعيش مع سليم ياحور تصرفي من الاول كان غلط اه جوازنا كان بسرعه وبطريقه غريبه بس هتفضل الحقيقه انو جوزي وكمان مش حابه تكون انانيه واسبب لغيري مشاكل اكتر من كده او اكون سبب في تعب جدو
حور بابتسامه ممزوجه بعفويه:اممم حلو انك عقلتي واخيرا وحدتي قرار بس واللي يشجع اي واحده تاخد قرار زي ده أن جوزها بيحبها مثلا
يارا بعدم استيعاب:اوف تاني ياحور الموضوع ده حب ايه بس أنا وسليم مبيناش اي حاجه
حور:بس ديه وجهه نظرك انتي بس معتقدش أنها نفسها وجهه نظر سليم نظراته ليكي بتقول حاجه تانيه خالص تبين انو بيحبك مثلا وده ممكن يفسر تصرفه لما قرر يتجوزك وخد قرار سريع عشان متبعديش عن هنا لانك تهميه يا يارا من رأي انو هو شخص كويس جدا وبيحبك اه ممكن كان ليكي احلام مختلفه بس زي مشجعتك تهربي لأن ده الصح أنا بشجعك في قرارك اللي خدتيه وهفضل معاكي وبدعمك انك تمشي في نفس الطريق
يارا بابتسامه:ربنا يخليكي ليا انتي وهادي وتفضلوا جنبي علطول بالمناسبه اخبارك ايه في الجامعه لواحتجتي مساعده انا موجوده
حور بضحك:اه ماشاء الله انتي موجوده سليم موجود امير بالمره واضح أن هينفخني منه لله
يارا باستغراب:امير مين
حور بضحك:ينهار ازرق نسيتي قريب جوزك سليم اللي كان في المستشفي طلع دكتور في الجامعه وهو اللي هيديني شوفتي الحظ الزفت انتي محظوظه بتدربي تحت ايد جوزك يعني هيرحمك ويدلعك عشان انتي مراته لكن أنا هتنفخ🥺
يارا بسخريه:سليم ويدلعني ياحبيبتي سليم بيفصل بين حياته الشخصيه وشغله يعني لوغلطت في حاجه بينفخني عادي وبيتعصب عليا في المستشفي كل ثانيه اصلا وهنا عادي برضو ده كل مايسمعوا صوت عال في المستشفي يعرفوا انو سليم بيهزقني اهم حاجه السمعه يابنتي اللي راحت تحت الارض بسببه وتقولي مدلعني😅وبعدين مش فاهمه ايه مشكلتك مع امير عملك ايه
حور بضحك:هموت اهدي يايارا مش كده😂لاهو معمليش حاجه بس عادي يعني كنت بهزر مش اكتر محدش يقدر يضايقني أو بعملي حاجه اصلا اختك استرونج اندبنت ومن قد الدنيا😂💪
يارا بضحك:اه اومال مشفكيش بتعيطي كمان يومين يااسترونج ومن انتي😂😂
                          .............
تاني يوم،يارا بتنهد:كنت جهزت الصبح وسلمت علي حور ونزلت وسليم نزلي شنطتي كنت قاعده جنبه في العربيه بس شردت في ذكريات قديمه ففتحت الموبايل وجبت صور قديمه بتجمعنا كلنا ياه امكن مكنتش حياتنا سعيده كليا بس علي الاقل كنا مع بعض سندت راسي علي زجاج السياره وغفوت من غير مااحس
سليم بابتسامه:لقيتها نامت فهزتها براحه يارا احنا وصلنا ابقي كملي نوم جوه
يارا بتنهد:هااا أنا مش عارفه نمت أمتي لأبعد خصلات شعري لوراء ونزلت من العربيه وبصيت حواليا كانت فيلا متوسطه الحجم شكلها راقي تحاط بحديقه وبها نفوره مياه تزينها مشينا شويه لحد ماوصلنا لباب فلقيته مسك ايدي وبعد شويه حد فتح
هدي بابتسامه:حبيبي اخيرا جيت ورحت حضنته متعرفش انت وحشتني قد ايه مش مصدقه انك جيت
سليم بعفويه:وانتي كمان وحشتيني ياماما هدي اعرفك بيارا
هدي بابتسامه:مراتك مش كده هو أنا يمكن اكون زعلانه منك لانك اتجوزت من غير ما تقولي ومعرفش ليه عملت كده بس بمانك جيت فهحاول اسامحك بس مراتك زي القمر لاحضنها اهلا بيكي ياحبيبتي بينا لابتعد وانظر اليه اه نسيت صح ادخلوا أنا خليتهم يوضبوا اوضتك ياسليم
زينب بجديه:سمعت كلام هدي وشوفت الشنط انت هتفضل هنا ياسليم وكمان معاك ديه
سليم بجديه:اه هنفضل هنا وحطي في بالك أن ده بيتي ولما سبته من سبع سنين كان بمزاجي واديني رجعت وياريت تحترميها ياعمتي لأنها مراتي ماشي
زينب بسخريه:مش مضطريه احترم واحده معرفهاش وحته جوازكم من غير ماتعرفوا حد يخلي الكل يشك في طبيعه علاقتكم قبله وإن ايه اللي حصل بينكم خلاك تجوزها من غير ماتعرفنا
هدي بصدمه ممزوجه بانفعال:زينب كفايه انتي بتقولي ايه مينفعش تغلطي في حد متعرفهوش وبعدين انا واثقه في ابني كويس مستحيل يكون اللي بتقوليه يكون صح
هدي باستخفاف:مانتي مش أمه ياهدي عشان تكوني واثقه لدرجاتي كده متعرفيش هو ممكن يعمل ايه سليم مستحيل يكون ابنك
هدي بانفعال وتماسك ظاهري:ممكن اكون مش أنا اللي خلفته بس انا اللي ربيته وعارفه بقول ايه يازينب يارا دالوقتي بنتنا ولازم نحترمها لأن هنا في البيت ممنوع نقلل من احترام اي حد يدخله مابالك لوده كان بيت الشخص نفسه مش ضيف
زينب بجديه:امممم مستعده انفذ قواعد البيت ده بس لما سليم أو مراته يفسرولنا سبب جوازهم في السر من غير ماحد يعرف ونعرف بالصدفه بجوازهم فايه اللي انتوا عايزين تخبوه علينا وخايفين نعرفوا
يارا......
يتبع