السلام عليكم
قراءه ممتعه
الاء ....
خلص اول اسبوع كله تجهيزات ما شفت يوم بي راحه بالشت بالاسبوع الثاني حجزت البدلات وصالون ما صبغت شعري عفته
صار يومين زعلانه من احمد لان يحجيلي علئ ياسمين اني عبالي يجذب عليه بالبدايه بس سمعت صوت بنيه يمه بساع زعلت يخابر وما ارد عليه يدزلي رسائل اشوف وما ارد
اليوم امي راحت ويه فاديه بيت عمي حتئ تشوف زهراء وهم تودي فاديه لهله لان حمزه بالشغل بابا عزمه صديقه علئ العشه وراح العصر اني قفلت الباب وكعدت ادرس بالصاله خاله يمي ماعون حلويات وكرزات وعصاير ومشغله مسيقئ هادئه والكتب كل كتاب علئ صفحه صاير والاوراق متخربطه بقيت مركزه علئ دراستي اندكت الباب طلعت ركض مكيفه لان انتظر صديقتي فتحت الباب جان اشوف احمد كل ملامحي تغيرت من شفته لان جنت فراحانه ومن شفته لا باوعلي بستغراب وكال
احمد ' جنتي تنتظرين شخصز
الاء ' لا عبالي صديقتي خير ليش اجيت
احمد ' خل انطب ونسولف
الاء ' محد اكو بالبيت
احمد ' عادي اصلا جاي علئ مودج
طبينه جوه راد يفت للصاله رفضت لان هوسه واذا شافه انجلط بس عاند وياي وطب للصاله شاف الهوسه ابتسم
احمد ' والله اجواء مسويه
الاء ' اكيد كلت ما عندي شي شويه ادرس وهاي اجواء دراستي
احمد ' حلو خوش سوين
الاء ' اي ما كلتلي علئ شنو اجيت
احمد ' خل نكعد ونحجي
راح شال الكتاب من الكرويته وكعد رحت كعدت يمه واباوع عليه اريده يحجي
احمد ' لا تباوعين هيج
الاء ' هسه احجي
احمد ' تمام ليش من اخابرج ما تردين
درت وجهي
الاء ' اسأل نفسك مو تسألني
احمد ' علئ مود البنيه الي حجت
الاء ' يعني انته تعرف بعد ليش جاي تسأل
احمد ' شوفي البنيه زميلتي وجنه بالمطعم
الاء ' لااا وفوكاه مطلعه لمطعم وجاي يمي تحجيلي
احمد ' لا تفتهمين غلط جنه ندرس ويه مجموعه مو بس هاي البنيه ولسوء الحظ اسمه ياسمين
الاء ' ودراستك ويه بنات
احمد ' داكلج ويه مجموعه يعني مو بس بنات اكو شباب
الاء ' اي
احمد ' بس هذا مو يمنع ما تردين عليه من اخابرج
