💕أنت قلبي٢💕

الحلقة ٥٤

#انت_قلبي٢
#بوسي_مصطفى
______________
الحلقة ٥٤

في منزل محسن..
محمود يدخل جري وهو بينادي
بابا... يا بابا..
محسن من جوه : في ايه يا واد يا محمود؟
محمود : الحكومة في البلد.
محسن : الحكومة!!
محمود : ايوه وفي ظابط ومعاه عساكر عند الأرض بتاعتنا
ومرات عمي طارق وجوز عمتي نرمين و راجل كمان معاهم اول مرة اشوفه..
واقفين مع الظابط هناك عند الأرض.
محسن : روح أدي خبر لعمك سعيد.
محمود : حامد راحله على البيت.
محسن : طيب هدخل اغسل ايدي..
هاتلى الجلبه دي..
محمود : حاضر...
باب البيت يخبط.

بعد شوية... عند الأرض
سعيد : خير يا حضرة الظابط
ازيك يا مرات اخويا ازيك يا بشمهندس.
وائل : الحمد لله.
سعيد : لا مؤاخذة مين الاستاذ اصلي مش واخد بالي؟!
هنادي : ده الأستاذ مجدي المحامي يا ابو حامد
جاي ومعاه الشرطة علشان استلم ارضى و داري.
محسن جاي من الخلف وبغضب : ارض ايه ودار ايه
اللي جايه تستلميهم يا بنت كامل؟!
ليه كان حد قالك إن الولاد العمدة بيتختموا على قفاهم
مع إنك عملتيها مع واحد منهم.
بس مش كل الطير اللي يتاكل لحمه يا مرات اخويا.
هنادي : كويس قوي انك لسه فاكر اني مرات اخوك..
الضابط : اسمع يا  محسن انت  سعيد
الأرض دي بالحدود والمساحة اللي موجوده في العقد هنا ملك ل السيدة هنادي كامل (باقي الاسم)
ومازن طارق حامد ومريم طارق حامد.
والمنزل المكون من تلات طوابق
في الجهة الغربية من القرية اللي على بعد خطوات يعني
من الأرض دي ملك ل السيدة هنادي كامل (باقي الاسم)
بموجب عقد بيع وشراء
من السيدة امينه عبد التواب (باقي الاسم)
و الاختام هنا سليمه ميه في الميه وبناءا
عليه من حق السيدة هنادي وأولادها استلام الارض
والمنزل بعقود البيع دي.
محسن : مزوره يا باشا.
مجدي : أنا محامي وبقول لحضرتك ان العقود مش مزوره.
وسليمه مليون في الميه.
محسن : وانت بقى المحامي بتاعها؟؟
مجدي : ايوه زي ما قالت لحضرتك.
سعيد : ايوه بس الارض دي ميراثنا من امنا.
هنادي تبقى مرات اخويا واخويا توفي قبل امي ب كتير.
مجدي : والست حبيت تكتب حاجه لولاد ابنها.
دا ملكها و كان ليها الحق تبيع وتشتري عادي..
محسن : لا مؤاخذة يعني حضرتك شكلك محترم
وابن ناس يعني..
ايه اللي يمشيك مع البنت دي
دي طريقها مش سالك.
مجدي : نعم !!
وائل : أخرس يا ك... ..
ولو ان الك.... وفي عنك..
وقرب وائل يضرب محسن.
الضابط وقف ما بينهم.
الضابط : محسن أنا ممكن اجرجرك على القسم حالا
ويتعملك محضر سب وقذف
وتتحول ل النيابة وتبقى قضية
تتسجن فيها..
فخليك محترم كده وسلم الأرض والبيت ل مرات اخوك
من غير شوشرة..
علشان لو عملت ايه رجلك مش هتخطي  المكان ده.
سعيد : حقك عليه يا ام مازن
معلش بس حكاية العقود دي غريبه شوية.
وائل : مش غريبه يا سعيد وأنت
عارف الموضوع دا من قبل وفاة الحاجه بلاش بقى اللف والدوران اللي مش هيوصلكم ل حاجه
لإن العقود سليمه زي ما اتفضل المحامي وقالك.