السلام عليكم
قراءه ممتعه
مثل جاهل
يضم اهدومه للعيد
هيج اني
غلاتك ضامها ابروحي💗
حلا ....
اخذت الصنيه ورحت اشرت ال مراد حتئ يجي يتريك بس صاحلي وكلي تعاي اني طبيت كلت صباح الخير وكعدت يمه اكو بيهن صارن يضربن بسامير
فوزيه ' والله وكت بنيه تنام بيت اشخاص من دون اهله
سعديه ' اي والله الحمدلله ما عدنه هاي الشغله لان احنه بناتنه محترمات نفسهن ومربيهن احسن تربيه مو مثل هسه بنات هذا الوكت
فوزيه ' ولا وكل صلافه يكعدن ياكلن ويه الولد
احمد ' خاله شنو السالفه
فوزيه ' والله ما اعرف شلون مستحملين هيج نماذج
حلا ' والله حجيه اني هم ما اعرف شلون مستحملين
فوزيه ' حجيه بعينج ولج شايفتني بكد بيبتج وشيباتي براسي
حلا ' وشبيه بيبيتي هم جانت بشبابه حلوه وكبرت وشيبت محد يبقه علئ شكله الاولي كلنه نتغير
سعديه ' انتي صدك ما تستحين ولا تخجلين
ردت اكابح بس مراد ندسني
مراد بهمس ' حلا اسكت
حلا ' هوه شنو اسكت
مراد بهمس ' طنشي لا تحجين
بقيت ساكته وهنه داسن بطني فرد مره
فوزيه ' والله بنات لا مستحه ولا خجل ويباوعن بكل صلافه
سعديه ' الله يبعد عدهن عنه بنات هذا الوكت كلهن نفس الرعونيه واللسان الطويل
فوزيه ' ما عدهن حترام ولا اخلاق صوج الاهل ما تعرف تربي
بقيت اسمع اريد شخص يحجي عليهن ماكو اكل بحركه بس حتئ اسكت روحي باوعت علئ الموجودين ماكو لا باجي ولا عمو بس احمد ومراد وثنينهم ساكتين
فوزيه ' شوف جنه مهرفله عبالك عده سباك
بلعت الكمه واني غردت
حلا ' صالج ساعه بس تحجين وذبين حجي احترمتج بس لان بكد امي ما حبيت اجاوز عليج واني اعرف كلامج كله عليه ويأج جيبين طاري اهلي علئ لسانج واذا تربايتج زينه علئ نفسج وعلئ بناتج مو عليه واني هنا بعلم الكل وما طابه بيت غريب بيت عمي
محد رد عليه هيه شافت هيج غردت
فوزيه ' بالله هسه تكولين علئ نفسج متربايه هذا لسانج اطول منج بعشر مرات بس مو صوجج صوج الاهل ما يعرفون التربيه والاخلاق
حلا ' لا تحجين علئ اهلي اهلي ربوني وتعبو عليه وما منتظرين منج تعلميهم واذا انتي تعرفين تربين ربي بناتج
