ذكرياتي.

الحلقة ١١

#ذكرياتي
#بوسي_مصطفى
_____________
الحلقة ١١

طول الطريق وهيثم بيحاول يهدي رانيا اللي كانت منهارة.
رانيا / قلقانه اوي يا هيثم علي ماما.
هيثم / اتصلي مره تانيه يا رانيا
رانيا وهي بتبكي / بتصل ماما مبتردش

هيثم / طب حاولي تاني
تتصل رانيا..
مبتردش برضه سوق بسرعة علشان خاطري يا هيثم
ماما قعدة لوحدها في البيت

هيثم / عندك رقم حد من الجيران
رانيا / لأ مش فاكره إن عندي رقم حد
بس هدور برضه في التليفون يمكن يكون معايا
رقم حد منهم.

بعد شوية
هيثم / هاااا لاقيتي حاجة
رانيا /لا معنديش أي رقم حد من الجيران .
هيثم/ هحاول انا كمان يمكن حد يرد علينا.

هيثم يحاول يتصل
مفيش رد قلقوا عليها اكتر هيثم سايق بسرعة
وصلوا البيت...

هيثم ل رانيا / هاتي المفتاح اللي معاكي

رانيا / أنا معرفش المفتاح معايا في الشنطة ولا في البيت؟

هيثم / طب دوري كويس
رانيا تدور مش لاقيه المفتاح

هيثم اخد الشنطة يدور مفيش برضه

هيثم / طب ارجعي شوية
رانيا / هتعمل ايه؟

هيثم / هعمل ايه يعني هكسر الباب

دخلوا جوه بلهفة وعينهم بتدور في الشقة ..

وصال واقعة في الصالة جنب التليفون هيثم يشيلها يدخلها العربية
ورانيا حاضنه مامتها وبتعيط
هيثم سايق بسرعة وصلوا المستشفي

رانيا بعد ما اخدوا والدتها جوه علشان يفوقوها
قاعدة متوترة جسمها بيرتعش الجو برد قرب منها هيثم
وخلع
الجاكت علشان تلبسه وطبطب علي ايدها و هو بيحاول يهديها 

خرج الدكتور  وقالهم
إنها غيبوبة سكر وهتقعد في المستشفى.
كام يوم ولازم مرافق معاها ويكون ست.

هيثم / مينفعش راجل يا دكتور؟ انا جوز بنتها.

الدكتور / لا مينفعش دا قسم خاص ب السيدات.

رانيا / انا هقعد مع ماما روح انت يا هيثم.
هيثم / هقعد شوية
وبعد كده هروح اجيبلك لبس وأكل.
____________
بعد شوية....
هيثم داخل البيت

حنان / في ايه يا ابني مامت رانيا اخبارها ايه؟

ميار نازله من فوق دخلت وهيثم بيحكي لمامته
علي اللي حصل.
ميار / كويس اني لاقيتك.
هيثم بضيق / خير عايزة ايه؟
ميار / كنت خارجة رايحة ل ماما.
هيثم / نعم؟!! مين غير ما تقوليلي!!
ميار / ما أنا بقولك أهو.
هيثم / لا مش هينفع اليومين دول تروحي لمامتك.
ميار / ليه بقي مينفعش؟!
هيثم / علشان هتقعدي بالولاد.
ميار / نعم ولاد مين؟
هيثم / ولادي هيكونوا ولاد مين؟!
ميار/ وامهم فين ولا هي تخرج تتفسح وأنا اقعد بولادها!!