💕أنت قلبي٢💕

الحلقة ٥٥

#انت_قلبي٢
#بوسي_مصطفى
_______________
الحلقة ٥٥

هند ببتسامة بتحاول تداري الحزن اللي باين في عيونها : مبروك يا هشام.. مبروك
يا عروسة.
هشام نظر ل ياسمين اللي لسه هتسأل مين دي؟
هشام بهمس : هقولك بعدين.
متشكر اوي يا هند.
تمد ياسمين ايدها وتسلم على هند اللي متعرفش غير اسمها.

يشاور هشام ل امل.
امل : نعم يا هشام.
هشام : روحي هاتيها علشان الليلة تعدي على خير يا امل.
امل : حاضر.. حاضر..

وراحت امل ل هند..
وبتسلم عليها : عقبالك يا هند.
هند : متشكره يا ماما امل.

ياسمين : ماما!
هشام : هقولك بعدين.
ياسمين : انا مش فاهمه حاجه.
هشام : حوار كده بس خلاص انتهى لكن لازم اوضحلك الأمور كلها حاضر بس مش دلوقت يعني.

واخدت امل هند بعيد شوية.
امل : تعالي اقعدي هنا يا هند.
هند : متشكره اوي انا جيت بس ابارك ل هشام وشادي طبعاً
بس حضرتك اخدتيني ومحلقتش اباركله.
امل : معلش ما اخدتش بالي.
هند : مفيش مشكلة
حضرتك خايفه اكون جايه افركش الموضوع أو اعكنن عليهم.
لا بالعكس أنا فرحانه جدا ل هشام و مش زعلانه.
لإن اللي زيه ميتزعلش عليه.
امل : و ليه الغلط دا يا هند
حبيبتي دا نصيب.
هند : قصدك دا خسه ونداله منه مش اكتر!!
حضرتك خايفه تقولي إن ابنك مطلعش راجل
ولا قد كلمته
بعد إذنك.

وتركت هند امل وخرجت.
هشام : كانت بتقولك ايه البنت دي؟
امل واقفه مزهوله من كلام هند ليها
و كمان معرفتش ترد عليها.
هشام : امل أنا بكلمك يا حبيبتي.
امل : خلاص يا هشام مش مهم اهي راحت ل حالها.
تعالي نقعد نستريح.

شادي يقرب من هشام.
هشام : نعم عايز ايه؟؟
شادي يهمس ل هشام : يا ابني انا جاي افرفشك
عارف ان قلبك كان هيوقف لما شوفت هند وخوفت
تعمل مشكلة.
بس اهي خرجت خلاص.
تعالي نرقص ونهيص.

وقام هشام مع شادي يرقصوا والشباب عملوا دايره
حواليهم
وبيصقفوا ليهم.

وقامت نورهان وأمل اخدوا ياسمين وليلى..
بعيد شوية عن الشباب.
إلا إن ليلى و ياسمين رفضوا يعملوا أي حركة.
نورهان : هههههههههههه ايه العيال دي ياامل
نرقص احنا ولا ايه؟!
ههههههههههههه
امل : علشان اخوكي يطلقني انتي مش شايفه بيبص
ناحيتنا ازاي.
نورهان : طب صقفوا يا بنات ولا دي كمان متعرفوهاش
على فكرة هنداري عليكم متقلقوش.
ههههههههههههه
امل : ما هما الشباب قايمين بالواجب.
خليهم يقعدوا.
تعالي يا ليلى..
واخدت امل ليلى قعدتها.
و نورهان اخدت ياسمين قعدتها.

ياسمينه ل نادين : مالك يا نادين؟
نادين : مصدعه يا ماما وعايزة اروح.
ياسمينه : حاضر يا حبيبتي
لما بابا يجي هقوله يروحنا.

كان عمر قاعد مع كمال.

قسمت : ايه يا بنتي مالك؟
رقيه : مفيش.
قسمت : لا انتي مش طبيعيه الليلة.