ليته لم يولد

﮼البارت،الثامن

ليته لم يُلد. البارت الثامن

.....دانية رسول.....

كافي

صباح مشرق ويوم جديد خليت الچاي على نار
هادية حتى لا يفور بسرعة وانسى باوعت الكل
نايم لاني اكعد من الصبح احضر الچاي للابويه
قبل لا يروح امي تتاخر بالنوم لذلك هو شرب
بسرعة وطلع من البيت

اما اني بديت احضر العجين وتوجهت للتنور مالتنا وبايدي طشت خاله  بيه العجين وبدات اخبز الخبز واني مبتسمة كعدت الصبح حتى لا يحتر  الجو  هيج احسن
الشمس هستوها طالعة بعدها

ورى شوية سمعت صوت دكه باب قوية نفضت الطحين مني وكمت حتى افتحها تفاجئت لمن شفت اخت نصار جايه عليه اسمها حميدة الوحيدة الي ممتزوجة من خواته الباقيات كلهم متزوجات باوعت  عليها 

وصفنت بعدين كتلها  تفضلي شرايدة ؟؟ هي دفعت الباب بقوة ودخلت وتخصرتلي وكالت بغيض.

ـ اي كافي خاتون تريد تاخذين اخويه مو بس على جثتي يا متستحين عبالج اخلي اخوي ياخذ  وحدة مسحسلة مثلج  تهي بهي هذا الناقص والله تالي متالي ناخذ كافي

كافي : هييييي انتي شبيج جاي متحلفة عاجبتج عركة البارحة وتريدين تعيديها ها ؟ لو طاكه فيوزاتج مو انتي الي تجين وتتجراين وتحجين عليه بنص بيتي افتهمتي لا والف لا باعي حبيبتي تلمين چوالاتج وتطلعين برا البيت زين يلى شوفينا عرض جتافج درت وجهي عنها

سحبتني من ايدي بقوة وكالت كافي سمعي كلش زين اذا تزوجتي اخويه فحسبي حسابج مرح اخليج تشوفين الراحة ولا يوم بحياتج ماشي ! لذلك لا تتلوكين وتسوين هاي حركاتج لان رح تندمين هواي وتتحسرين ف الافضل سحبي نفسج من هسة قبل فوات الاوان  وفكري على كيف بالي كلته ترى اني اعرف كلشي اعرف الساقية والوعود والكلام الي بينكم فلا تحاولين تنكرين اذا توصل ترى افضحج كدام الكل ماشي بس اكلج شغلة صغيرة ترى نسودها لعيشتج ومنرحم حجت هاي الكلمات وطلعت برا واني كعدت على بالكاع وصفنت وادور الكلام براسي تملكني الخوف كلت لازم

احجي لنصار عليها  ما اسكت الها رجعت كملت الخبز ولفيته وطلعت برا رحت للمحل مالته وباوعت عليه نظرة مطولة واشرت راسي على جهة الساقية وهو اكيد فهمني رحت اني وهو اجى بسرعة ورايه ابتسم
نصار : ها كافي شبيج خوما صاير شي؟

تنهدت. كافي : نصار اليوم تدري اختك جتي عليه وتغلط وتسب وتكول اذا تزوجتي اخويه اسود عيشتج وبديت احجيله كلشي صار وختمتها معقولة يا نصار مرح نكمل ولازم نفترق معقولة  رح ننهى كلشي بهاي البساطة كلي نصار كلي مداعرف بشنو افكر وشلون اتصرف معقولة تروح تكول الابويه اني محتارة ماعرف شنو اسوي حتى مداميز بين الصح والغلط اعرف نفسي مغلطانة وممسويه شي
غلط بالعكس حتى كلامنا بيه حدود فليش اخاف منها
بس المشكلة انها ممكن تكوم  تلفق كلام من عدها