السلام عليكم
قراءه ممتعه
حلا ... بقيت عند بيت عمي مراد مخلص كل يومه يدرسني بس اخلي يعصب وحشش عليه البنات راحن مابقن لان هنه هم عدهن امتحانات وكلهن مهددات اليوم السبعه مال الاء طبعا اني وياه رحنه للصالون تسريحه ومكياج علئ اخر حبايه لبست ثوب اسود قصير حد الركبه يجي من الركبه تور وينزل علئ الصدر مخصر ونهايته كلوشه بسيطه خابرت علئ انس
انس ' ها طركاعتي شتردين
حلا ' يمه فديته الي يتغزل بيه
انس ' حمت الواكه شتردين
حلا ' روح للبيت اسبحه والبس القاط مالتك وتعال
انس ' ليش اليوم عرسي واني ما ادري
حلا. ' ههه هسه روح وتعال عليه
انس ' اني بالشغل روحي العبي ويه فادي
حلا ' انس حباب والله تره ما اسويلك مساج تعال عليه حباب
انس ' امري لله تردين تعطر لو اجي من دون عطر
حلا ' اكيد تتعطر وسوي شعرك وتعال عليه
انس ' ماشي وين انتي هسه
حلا ' بالصالون ويه الاء
انس ' ها خوش عود اجي عليج هناك
سديته منه وكعدت نص ساعه الاء كملت خابرت احمد حتئ يجي لان يردون يطكون صور لبست صايه والشال خابرني انس
انس ' وينج
حلا ' لبست القاط
انس ' اي
حلا ' اخذ صوره للاثبات ودزه علئ السريع
سمعته يستغفر ودزلي صوره صدك لابس القاط
حلا ' يمه فديتك هسه طالعه
انس ' فضيه
سديته ورحت ل الاء
حلا ' انس وصل
الاء ' شيسوي هنا
حلا ' بس انتي اطكين صور اني هم
الاء ' تغارين انتي
حلا ' يله كومي رمش احمد
كمنه وطلعنه شفتهم لابسين القاط رحت يم انس
انس ' هاي شمصخمه بوجهج
حلا ' اهبش
انس ' اي تهبشين شتردين مني
حلا ' نصور
انس ' عيدي ما سمعت
حلا ' ناخذ صور اني وياك
انس ' اي تعاي انطيني تليفونج
حلا ' تره المصوره موجوده
انس ' ولج جتئ ربع دينار ما شايل
