💕أنت قلبي٢💕

الحلقة ٥٦

#انت_قلبي٢
#بوسي_مصطفى
__________
الحلقة ٥٦

هايدي ل ملك اللي كانت مدمعه.
مالك يا حبيبتي؟
ملك : عارفه يا مامي أنا بتمنى ايه دلوقت؟
هايدي : بتتمنى ايه يا حبيبتي و أنا احققهولك.
ملك : بتمنى إن حضرتك مكونتيش تتجوزي عمو صلاح.

صلاح من خلف الباب وبدهشه وغضب وهو ينظر ل ملك.
ايه يا بنت هايدي شكلك اتجننتي ولا ايه؟!

هايدي : ليه يا حبيبتي بتقولي كده هو عمو صلاح ضايقك في حاجه؟
ملك : كان نفسي اعيش معاكي وبس أو اعيش معاكي
انتي وبابي.
هايدي : و أنا اعمل ايه بس يا ملك؟ ما انتي عارفه كل حاجه يا حبيبتي.
انا حاولت كتير مع باباكي لكن هو كان متمسك بقراره إنه يطلقني واللي ساعدته سهر طبعاً.
هو في واحدة بتبقى عايزة تسيب ولادها؟ مش بمزاجي
يا حبيبتي كنت عايزة اعيش زي أي ست.
لكن مسبونيش في حالي ووقت ما طالبت اخدكم عندي
وقفت قصادي.
ملك : أنا بكرهها يا مامي اوي.
هي السبب في كل اللي احنا فيه دا دلوقت.
هايدي : مخبيش عليكي يا ملك
أنا كل أما ارجع بذكرياتي ل الماضي وافتكر زمان
اقول إني كنت غبيه علشان محافظتش على بيتي
وسيبته يتخرب على عكس سهر اللي طلعت انصح مني
بكتير وعرفت تاكل بعقل باباكي متزعليش مني.

صلاح بيكلم نفسه : عال اوي يا ست هايدي وكمان بتحني
ل أيام زمان
ولحبيب القلب بتاعك وبنتك بتحرضك عليه كمان..
تمام... كده اوي..
انتي وبنتك اللي جيبتوا لنفسكم.. وبكره اندمك على كل حرف قولتيه يا هايدي..
وبنتك هتبقى التمن اللي هتدفعيه..
بقى أنا ااكلك واشربك و ألبسك واعيشك عيشه مكونتيش تحلمي بيها.. و انتي عايزة الزمن يرجع بيكي علشان تروحي لحبيب القلب!!
طيب إن ما وريتك انتي وبنتك يا هايدي مبقاش صلاح.

ملك : مامي انا هنزل بكره اروح بيتنا بابي وحشني اوي.
هايدي : خلاص يا ملك براحتك..
ملك : مش عايزة حضرتك تزعلي.
بس أنا هروح علشان اشوف جامعتي والنظام هيبقى ايه
حضرتك عارفه الدراسة قربت ولازم اخد فكرة عن الجامعة.
هايدي : تمام يا حبيبتي وأنا موافقه..
بس لما تحبي تروحي كلميني عايزة اروح معاكي
دا لو معندكيش مانع يعني.
ملك : يا خبر يا مامي!! ياريت حضرتك تيجي معايا بجد
انا خوفت اقولك يعني علشان لازم تستأذني من عمو صلاح.
هايدي : و هو يا حبيبتي مش هيمانع..
تعالي بقى نتغدا علشان انا واقعة من الجوع.
_________

في محلات نادين...
نادين (بنت ياسمينه) بتزعق.
وحضرتك بقى جايبني هنا علشان اقابل البيه؟!
طب كنت قولتلي.. عرفتني.. مش تاخدني كده
وتقولي اخرجك تشمي شوية هوا..
هي دي بقي الخروجة؟!
سيف : ما هو لو تحطي لسانك جوه بؤك وتسمعيني ل النهاية
بدل ما انتي واخده نفسك كده على الحامي من غير ما تفكري.
هو أنا يعني هجيبك هنا ليه؟.. غير علشان مصلحتك.
نادين : وانا قولتلك اللي فيها يا سيف وسمعت حضرته كمان
وهو مصمم على رأيه.. انتهينا بقى.
مش كل شوية نفتح الموضوع دا.. انا زهقت.
(داخل حمزة المحل وبيخبط على باب المكتب زي ما قاله سيف).
سيف : ادخل يا حمزة.
نادين بتأفف وبتاخد شنطتها وخارجه : ياريت تقوله إني قفلت الموضوع دا خلاص خليه يريح نفسه بقى.
ويشوف مستقبله بعيد عني.
حمزة وقف قدامها : رايحه فين يا نادين؟
نادين : رايحه في داهيه انت مالك؟!
حمزة : على فكرة أنا لو مبحبكيش مش هستحمل كل دا علشانك.
غربتي دي هتبقى كمان علشانك يا نادين.
نادين : علشاني انا؟!
انت بتكدب عليه ولا على نفسك.. اسمع يا حمزة
أنا اخدت قراري خلاص.
و لو حتى قررت تقعد في مصر اللي بينا انتهى
علشان أنا اتأكدت خلاص إنك ممكن تبيع أي حاجه علشان نفسك.
سيف : ما تفهمي انتي كمان.. هو أي حاجه وخلاص
شكلك بتتفرجي على أفلام عربي كتير.
عيشي الواقع يا نادين و بلاش كلامك اللي هتندمي عليه بعدين.
نادين : خلاص طالما دا الواقع.. سيب شغلك
واتفضل سافر معاه.. ولا مش هتقدر يا سيف؟
حمزة : سيف وضعه غير وضعي يا نادين
انا لسه ببدأ من الصفر..
و لو قعدت هنا مش هعمل حاجه.. متطلبات الحياة بقيت
صعبه وانا إمكانياتي متسمحش يا بنت الناس
ما هو اما أاجل الجواز دا خالص دلوقت
ل أما اسافر وانتي تستحمليني.. هما تلات سنين يا نادين
تلات سنين بس وهنزل اعملك كل اللي انتي عايزاه.
نادين : وانا مكونتش عايزة كل دا.. قولتلك راضيه ب أي حاجه. طالما مع بعض.
انت اللي مش عايز تتعب هنا اعملك ايه؟!
حمزة : اتعب هنا كام سنه يا نادين؟؟ بصي كده حواليكي
شوفي الدنيا بقيت عامله ازاي.
أنا متمسك بيكي ل آخر لحظه ومش عايز اخسرك
ياريت تفكري كويس قبل فوات الأوان.
نادين : انت بتهددني خلاص يا حمزة انتهينا.
بعد اذنك يا خالو.. والحركة دي متكررهاش بعد كده.
سيف : اوعدك مش هكررها يا نادين علشان حمزة مسافر الاسبوع الجاي.
نظرت نادين ل حمزة وهي مدمعه : بالتوفيق.. سلام.
وخرجت نادين من المحل.
حمزة : شايف يا سيف.. نادين بتعمل معايا ايه؟
سيف : أنا عملت اللي عليه معاها يا حمزة فخلاص بقى
متشغلش بالك وسافر كون مستقبلك طالما دي رغبتك
حمزة : أنا فكرت في العرض اللي عرضته عليه
واني أقدم في الشركة اللي انت شغال فيها
بس بصراحه الناس كلمتني وأنا مش عايز ارجع في كلامي
حاول انت تتفاهم مع نادين.
وأنا هبقي اكلمك من هناك اشوف عملت ايه.
سيف : تروح وتيجي بالسلامة.
_____________