💞الحلقة الثامنة عشر : القســ1م 💞
وساعت عينها على كبرها وتحل فمها من غير لا تشعر ...قعدت لحظات تخزرلها وهي موش حاسة باطرافها ...بحلقت فيه بعين حزينة ،ماكنتش متوقعة حاجة كي هكا ،كانت غارقة وتقطع في الروح وهو جاء بها السهولة عطاها الحل ،هبطت راسها وهبطت معاه دموعها كي المطر" خافو ربي ...انا غلطت صحيح لكن موش معناها نكون لعبة بين يديكم كيف ماتحبو وتشتهو "
باقي على حالو تقول ،كالم ودمو بارد " شكون نحن ايلي جمعتنا " كبس ع اطرف الفرش بغل كبير " اذا تقصد في ولد الفاضل بالرجب ...فنقلك اسحب كلمتك خير "
يعرف انها اونسانت ...ومن احمد ايلي اسمو باش يبقى يتبع فيه حياتو الكل طالما هي معاه ...لكن لازم يكون هو في كفة واحمد في كفة ،مالازمش تجمعهم الزوز ...نفخ بقوة ودفن راسو بين كفوفو " قرر يا تولين ...فيسع لازم تقرر ...مادام مازلت في اول الطريق ومازالت كرشك موش باينة ... "
رجعت لبكاها وغلبها ضعفها " انت تعرف اني مجبورة نوافق ...ماعنديش حل اخر...وحدة كيفي وصغير حرام في كرشها طبيعي توافق ... علاش تستغل فيا لمصلحتك علااااش "
رجع النفس متاعو " في حياتي مانحبش الخسارة سوى صفقات والا عباد...." بلع ريقو " احمد في بالو "
"لا "
"وامو "
"ايه "
فرك شعرو وهو يحاول يهرب بعينو من دموعها " من ها اللحظة تنساه وتنسى عايلتو ....وانت معايا ...لا ناز ...لا احمد.....لا عرض ازياء...انت ليا انا ...وليلي في كرشك "
"ماتستناش مني حتى شي ...ورقة صداق تكفي "
"ماتستناش مني صبر طويل ...بالنسبة ليا ورق الصداق ماتكفيش "
بهتت فيه " شنوة تحب تقول..."
تنهد "يمشيش مخك لبعيد ...الحاجات ايلي نحب عليها موش ايلي في مخك ...وتوا ....لازم تعطيني وعد انك تنساه ...انت مستحقة بو لولدك "
دمعت عينها" لكن ولدي عندو بو "
سيطر على انفعالو " باهي...وشنوة منعك من انك تقلو مالا انك حبلة بولدو "
قعدت تخزرلو من بعد.هبطت راسها ...انك تتكسر وتمشي كرامتك فتات...حاجة صعيبة وتجرح ...مجبورة تقبل ....
حاولت تسيطر على دموعها قد ماتقدر " انا ...لازم ...نشوف امي "
"شكون من امهاتك ...ايلي جابتك والا ربتك "
حلت فمها ما ردتو ...شنوة يحب يقول بكلامو ...يعني هو يعرف كل شي عليها ...حتى انها متبنية !؟...كيفاش عرف ...اذا هي ماعندهاش بارشا ملي اكتشفت حقيقتها المرة ...كيفاش هو يعرف ؟! ومن وقتاش
رعشت شفايفها وهي تسأل " انت تعرف امي ايلي جابتني ؟!"
مط شفايفو " لا ....اما نعرف امك ايلي ربتك...واذا هي ايلي تقصد فيها وتحب تقابلها ...نقلك باهي ...خلي الساعة تخرج من السبيطار وبعد يعمل الله دليل "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Historia Corta★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
