احببت شيطانة ملائكية (/ بقلمي اسيل الكيالي/)

صدمات

بداية البارت
.
.
.
.
.
.
.
.

أعلن المطار عن وصول طائرة العقبة

نزلت سيلين التي كانت تمشي بثقة و كان ايمن بانتظارها

سيلين : ايمن هون بنتظاري لا انا هيك راح يزيد غروري

ايمن : امشي يا هبلة ع الفكرة الكل بستناكي

سيلين : ع فكرة ايمن زمان عنك الك شوقة والله

ايمن : الحق عليكي ما كان صارلي اكم يوم راجع حضرتك شلفتي

سيلين : شلفت يا مهندس عييييب الصراحة .... وين راح نروح هلا بأي بيت

ايمن : الصبايا بالبيوتي سنتر  و راح نيجي ناخدكم من هناك

سيلين : لو سمحت ع البيوتي سنتر

ايمن : سواق ابوكي مهو انا ...... ع جميع الحالات في مشوار اول ........ كيف فكيتي الجبس

سيلين : يا عمي انا رياضية و عضمي بشبك بسرعة أحسد تفضل أحسد

ايمن : جاي بالغة راديو

سيلين : وين عبود

ايمن : رن علي و طلب مني اجيبك و اوصلك ع مكان المشروع

سيلين بحزن :  اها

ايمن : لا لا لا تزعلي اليوم عرس تلت أرباع الشلة حتى الزفة و الفاردة راح يكونوا من بيتنا مشان الكل

سيلين : حلو انكم اتفقتوا هيك

وصلوا سيلين و ايمن و وجدوا تيم و خالد و وسام بالخارج

ايمن : يا رب يا ساتر ابو جرافة شو بتعمل هون

تيم : والله ما انا عارف

سلم وسام و خالد  على سيلين

سيلين : يا عرسان شو بتعملوا هون

خالد : احنا هون بسبب المجنون يلي جوا

خرج عبود و كان ينظر ل سيلين بشوق : اقول لا تسب

وسام : طب أنجز يا عم ورانا اشغال

مسك عبود يد سيلين : يلا ندخل

دخلوا و كانت ديكورات المكان كامل ولا يوجد بها أي خلل نسخة طبق الأصل ل تصاميم سيلين

سيلين بفرحة : كيف صار هيك

عبود : كل هاد مشان ما اشوفك زعلانة و اشوف الضحكة هاي مستعد اهد الدنيا

حضنت سيلين عبود أما هو حضنها بشوق فهو تعذب اسبوع كامل بغيابها

تيم : ع فكرة شركة التأمين أفلست

خالد : بيستاهلوا ... بس المهم مشروعنا كمل

وسام : و بياخد العقل

ايمن : يا هيك الشغل يا بلا

تيم : شو شباب مش صار لازم تروحوا ولا بدكم تهربوا من العرس