لِم اللي باقي من كسور قلبك، وإهرب لاي بلد يتقالك فيها غريب
إزاي تسيبك وإنت بتحبها؟ الحُب دا أمره عجيب
وأنا عارفة بإنك طيّب خالص ولا مرة بيطلع منك عيب .
الموجة عالية وأنا خايف أكون عايم،
وبخاف لدخول الميّة ف رئتي، اشرق
أنا راجل وعمري يوم م حبيت أشكي
لكني بصرخ بس وأنا بغرق
أنا ف الأصل مش عايم ولا بغرق
ولا ف البحر دا أنا ع الشط
والشمس حامية فبدأت اعرف
وعرقي كان زيادة دَمعْ
بينزل جري من عيني
ومش عين واحدة، لا دول كانوا الجَمعْ .
العالم همجي ومسعور
ودا قاله الطحان من فترة
بيعُض الكل وأهو ماشي بالدور، وهنرجع لللأرض الصحرا .. أصلنا مألوف
الناس بتموت أصلًا م الخوف
متقولش أنا عايز أعيش وحدي أو أكون محدوف
بعيد ع الناس .. فين الاحساس!
البعد عن الناس فعلًا رحمة
لكن لو غِبت عن الزحمة
هتبقى وحيد .
الوحدة ألعن من رصاص الحَرب
الوحدة ألعن من عذاب الحُب
الوحدة ألعن مننا
الوحدة ألعن لما تبقى لوحدك، وإحنا كُلنا .
*Farah Atef 🖤 (5_9_2020) 12:55 A:M*
