#بقلم_خديجه_وليد
#اتنمي_لكم_قرآءه_ممتعه
#فوت_و_كومنت
فى قصر سليم الأنصارى يتم التجهيز لحفل زفاف ضخم انه حفل زفاف شهاب وحبيبه فى غرفة كبيره تشبه صالون تجميل وبها مرآه كبيره وفستان أبيض وتجلس حبيبه امام مرآه اخرى وامامها مستحضرات تجميل كثيره وخبيرة تجميل تضع لها مساحيق التجميل
حبيبه: خففى الميك أب على قد ماتقدرى
الخبيره: ماتقلقيش انا ضد الاوڤر ومع الميك الهادى
دلفت عشق واقتربت من فستان اسود اللون بأكمام واخذته لترتديه وثم خرجت وكانت شمس وقمر يقفون بجانب حبيبه
عشق: ها اى رأيكوا
الجميع نظر اليها بإعجاب
الخبيره: وااو اول مره اشوف حاجه بالجمال ده
حبيبه: هتخطفى منى الأنظار ههه
بعد القليل من الوقت بدأ الإحتفال ونزلت حبيبه ومعها الفتيات وشهاب يقف عند السلم وهو ينظر لها بإبتسامه وامسك يدها واتجهوا الى الوسط وبدءو فى اول رقصه وكان الجميع ينظر لهم بسعاده
قمر: عمر اهلا بيك فرحت انك جيت
عمر: ازاى ماجيش يعنى
قمر بإبتسامه: ازيك يا اونكل ازيك يا طنط
احمد ومنى: تمام الحمد لله
سليم مقاطع: اهلا بيك ياعمر
عمر: اهلا بيك يا فندم .. اقدملك ماما وبابا
سليم: اهلا بيكوا
احمد: اهلا بيك انا احمد
سليم: ومين مايعرفش احمد الشاذلى شهاب بيحكيلي عنك كتير وانك اهم منافس ليه بس ماكنتش اعرف انك والد عمر
احمد: دى مصر اوضه وصاله يا راجل مش غريبه الصدف دى
"لا يعلمون باقى المفاجآت التى ستقابلهم"
قمر: ودى طنط منى
سليم: اهلا بيكى
قمر: امال فين غرام ماجتش ليه
عمر: مارضيتش تيجى
رشا مقاطعه: مش تعرفونا
سليم: رشا مراتي ودول والد ووالدة عمر حكتلك عنه
رشا: ايوه انت الى ساعدت بنتى
عمر: ايوه
رشا: متشكره اوى
عمر: على اى ده واجبى
رشا: اهلا بيكوا
منى: اهلا .. امال فين ساره
رشا: وقفه مع حبيبه هناك اندهيلها يقمر
......
عشق: طلبتونى
سليم: تعالى سلمى على الضيوف
عشق: اهلا ومدت يدها لتسلم على احمد الذي كان ينظر لها بطريقه لم تستطيع تفسيرها
وسلمت على منى التى ضمتها تحت تعجب الجميع فا عشق لم تسمح لأحد ان يفعل هذا معها من قبل وثم وقفت بجانب سليم الذى وضع يده على كتفها
عمر بهمس: قمر عايزك
قمر: عايزني ف اى
عمر: ف كلمتين تعالى
واخذها بعيدًا عنهم وعن صوت الموسيقى
قمر: فى اى
عمر نظر لها بإعجاب: هو انا قولتلك انك طالعه حلوه اوى انهارده
قمر: تقصد انى ماببقاس حلو ف باقى الأوقات
عمر: لا طبعا انتى حلوه ف كل حالاتك
قمر بخجل: شكراً
عمر: احم .. بصى انا عارف انه مافاتش كتير على تعرفنا ببعض بس انا من ساعة ماشوفتك وانا اتشدتلك مش عارف ليه بقيتى تشغلى تفكيري طول الوقت بس الى اعرفه انى ماقدرش اعيش من غير وجودك جمبى بعد كده قمر انا بحبك
قمر نظرت له بذهول ولم تستطيع النطق
عمر: مش عارف انتى بتبادلينى نفس الشعور ولا لا بس بطلب منك فرصه .. تقبلى تتجوزينى
قمر تنظر له بذهول
عمر: لو رفضتى انا هحترم قرارك بس هطلب منك نفضل صحاب والصداقه دى ماتروحش .. ردى عليا لو رافضه انا مقدر كلامك
قمر وهى ما زالت تنظر له بذهول: موافقه .. انا موافقه
عمر نظر لها بسعاده واقترب وضمها بشده وظلا يضحكان بسعاده
أنت تقرأ
أسيرة الماضي
De Todoالمحاوله من اجتياز حاجز الماضي، ليأتي بدون سابق إنذار مفتاح هذا القفص الذي يأسرني.
