ماضي لا ينتهي

الحلقة ٦٩

#ماضي_لا_ينتهي
#بوسي_مصطفى
______________
الحلقة ٦٩

في التليفون 📞
راوية : قبل ما تعاتبي فادي
وتقولي سلم ومسلمش يا أميرة
تقولي الأول صاحب البيت استقبل ضيفه ازاي؟
ولا هو مسخنك بكلمتين علشان تقولي كده؟!
أميرة : يا ماما محدش قالي حاجه الموقف كان قدامي.
راوية : ومتنفضتيش ليه زي ما انتي بتتكلمي دلوقت وقولتي الكلمتين اللي قولتهوملك دول
لجوزك ليه؟
أميرة : خلاص يا ماما حقك عليه.. بس برضه فادي غلط
في سيف
ولما يشتمه بمامته اكيد مش هيقدر يصفى كده بين يوم وليلة.
راوية : تصدقي أنا مبقتش عايزة اسمع صوتك خالص..
متكلمنيش تاني انتي سامعه.
أميرة بتبكي.. ومامتها قفلت التليفون.
ماجدة جريت راحت عندها.
ماجدة : فيه ايه يا أميرة مالك؟
أميرة وهي بتمسح دموعها : يلا يا ماجدة نلم الحاجه دي ونروح.
ماجدة : حاضر بس طمنيني عليكي.
أميرة انهارت ب البكاء.
_______________

في شقة راوية...
نعمه : ليه بس كده يا راوية؟
راوية : زهقت وتعبت يا نعمه
من القصص بتاعتهم دي
الواحدة بتربي وتكبر العيال علشان يريحوها ولا يتعبوها بالشكل دا؟
نعمه : معلش بنتك وبتتدلع عليكي..وفادي كمان يعديها علشان اخته... ولما يعتذر يعني مفيهاش حاجه.
راوية : فادي غلط أنا مقولتش حاجه.. بس هي مش شايفه غير غلط اخوها..
وهو يقعد هناك يثبتها بكلمتين وهي تيجي تكلمني كده.
نعمه : هههههههههههه
حلوة يثبتها بكلمتين دي
ههههههههههههه
مش جوزها يا راوية لازم تخاف عليه.
راوية : يااختي انتي كمان هي ناقصه دماغك دي يا نعمه.
نعمه : هههههههههههه
و ابو فادي مكانش بيقولك كلام حلو برضه ولا ايه؟
ههههههههههههه
راوية : يااختي دا كان زمان
اديني قعدت اربيهم ونسيت نفسي..
وبنتي جايه تكلمني قال خايفه على مشاعر جوزها.
نعمه : متزعليش نفسك بكره يتصالحوا يااختي المصارين
في البطن بتتعارك.
ودول اخوات سبيهم بس شوية وهتلاقيهم رجعوا لبعض.
_________

في شقة معتز.
ايمن : و ادي راسك ابوسها كمان يا حياة.
حياة : خلاص يا ايمن انا مش زعلانه.
ايمن : يعني مرضيه دلوقت؟
حياة : لا خلاص مفيش حاجه.
ايمن : والشقة موجوده اهي تحت اتصرفي فيها زي ما انتي عايزة.
تبيعي تأجري تسبيها زي ما هي براحتك خالص.
معتز جاي بالشاي..
معتز : اتصالحتوا ولا ايه النظام؟
ايمن : حياة قلبها كبير ومبتخاصمش حد.
حياة : لا بقولك ايه إن كنت بتلمح يعني علشان انزل معاك تحت ف انسى يا حبيبي.
معتز : هههههههههههه
ايمن : طب ما تقول حاجه بدل ما انت قاعد بتضحك كده.
معتز : اقول ايه يعني.. حياة عندك اهي وهي حره.
ايمن : اه هو انت خاسس عليك حاجه.
حياة : يعني عايزني انزل عندك ب أمارة ايه يا ايمن..
إحنا اخوات مع بعض اهو ومبفيش حاجه تخلينا نزعل
من بعض..بس انا مغلطتش في دينا علشان انزل عندها
وكأني يعني بصالحها.
معتز : عايز نصحيتي يا ايمن؟
ايمن : اتفضل يا هندسه.
معتز : زي ما قالت حياة احنا اخوات نتصالح نتخانق مسيرنا راجعين لبعض.
اما مراتي زعلت من حياة وكلام من دا سيبك منه دلوقت..
هيتصالحوا بس بعدين.
خلينا بس في الغدا دلوقت
صحيح جيبت الشاي قبل الأكل
بس سمر قالتلي اتصبر بيه عقبال ما اخلص الأكل.
مش كده يا سمر؟
ههههههههههههه
ايمن : لا غدا ايه انا عندي مشوار مهم لازم انزل حالا.
معتز : اهو الغدا جاهز اهو اقعد بقى.. الأكل مش هيعطلك يعني.
تقوم حياة تساعد سمر ويقعدوا
كلهم يتغدوا.
___________