ذكرياتي.

الحلقة ١٢

الحلقة ١٢
في شقة والد رانيا
حنان داخله بالولاد يجروا على رانيا اللي تاخدهم
في حضنها وتبكي.
حنان : شدي حيلك يا رانيا
ورانيا مازالت مخنوقه ب البكاء.
هيثم / هقعد هنا كام يوم مع رانيا يا ماما
علشان الناس اللي بتيجي تعزي
أسعد / لا يا هيثم روح بيتك علشان مامتك والولاد
هيثم : يحي موجود في البيت.
مش كده يا ست الكل.
حنان : كده يا ابني.. بس معلش عايزة اقولك
على حاجه وعارفه إن مش وقته والظروف يعني مش سامحه بس برضه مش قادرة اسكت.
هيثم : في ايه يا ماما؟
حنان / أنا يا ابني دورت علي الشنطة ملقتهاش تعالي
افتح شقتك يمكن طلعت بيها هناك
دور هتلاقيها.
هيثم بتوتر / لا يا ماما انا فاكر أني دخلت أنام ونسيتها
في الصالة مطلعتش فوق خالص الليلة دي وصحيت
من النوم روحت المستشفى.
حنان / خلاص هدورلك تاني يا ابني
هيثم / لأ أنا جاي معاكي وهرجع تاني
معلش يا رانيا هسيبك بس دلوقت
اروح اشوف الشنطة دي حطتها فين دي فلوس ناس
مش كلها بتاعتي.
أسعد : ارجع البيت ودور كويس يا هيثم.
هيثم : تمام يا حبيبي سلام.
مش محتاجه حاجه يا رانيا؟
رانيا : لأ.. هتاخد الولاد معاك؟
هيثم : له هاخدهم يلا يا ولاد.
_____________

بعد شوية... في منزل والد هيثم.
حنان بعد ما تعبوا من تفتيش البيت علي الشنطة.
حنان / اطلع دور فوق مفيش حل تاني.
قعد هيثم ياخد نفسه / انا متأكد اني مطلعتش.
مش عارف اعمل ايه يا ريتها كلها فلوسي
_________

في الوقت دا كانت ميار
في المستشفي نزفت كتير والجنين سقط
والدة ميار : متعمليش كده في نفسك يا بنتي
المهم صحتك بالدنيا كلها
وبعدين بكره تزهقي عيال.
ميار : كنت محتاجه الحمل دا في الوقت دا بالذات يا ماما.
كده هيثم ممكن يبعيني بسهولة
مش هيتمسك بيه ويسيب ام أولاده
كان نفسي يبقى ليه طفل منه علشان يحافظ على البيت ده.
والدة : هو فين البيت دا يا بنتي
بعد ما ضربك وطردك..
متفكريش غير في نفسك دلوقت محدش هينفعك.
______-_------

رجعنا تاني لمنزل والد هيثم...
يحي / انا قلبت الاوضة جوه ملهاش أثر.
هيثم / انا عارف اني مدخلتهاش جوه ومعرفش برضه
سيبتها فين؟؟؟
هي ميار فين يا ماما؟؟
حنان / معرفش يا ابني مشوفتهاش النهاردة اتلاهيت
في اللي حصل علشان رانيا وقعدت ادور علي الشنطة

هيثم بيتصل ب ميار
والدة ميار / لسه فاكر تكلم بنتي؟!
هيثم / هي ميار فين واتاخرت دا كله ليه وكمان
خرجت من غير ما تقولي
والدة ميار / بنتي راقدة في المستشفى
جالها نزيف والجنين نزل.
هيثم / ايه؟؟؟
امتى وازاي محدش يقولي؟؟
والدة ميار : محبناش نقلقك انت عندك مشاغلك برضه
تتعطل ليه بسبب بنتي.
هيثم : ايه الكلام ده؟؟
طب لو عايز اجي اعرف العنوان ولا مش ضروري؟
والدة ميار : لا تيجي علشان تساعد مراتك
تعالي على مستشفى... (عنوان المستشفى)
حنان / ايه ياابني مستشفي ايه تاني؟؟
هيثم / ميار تعبانه في المستشفى ولازم اروحلها.
حنان / خلاص يا ابني روح ومتقلقش هندور تاني؟
___________
هيثم خرج مش عارف يعمل ايه الفلوس لو ضاعت
هيسدد فلوس الناس منين.
هيثم بيتصل ب رانيا. 📞