أسيرة الماضي

البارت5

#بقلم_خديجه_وليد

#اتنمي_لكم_قرآءه_ممتعه

#فوت_و_كومنت

فى الخارج عشق ركبت السياره وغادرت وبعد خرجت منى ولم تجدها وعادت
رشا بقلق: اى حصل
منى: مالقتهاش
شمس وقمر تنهدوا براحه وليث لاحظهم
منى: هيا غرام اتأخرت اوى فى التوليت كده ليه
قمر: ثوانى هشوفها وتركتهم وذهبت لغرام ووجدتها تبكى بشده
قمر بقلق: مالك يا غرام بتعيطى ليه
غرام ببكاء: ماحدش هايرضى يتجوزنى بعد الى حصل
قمر بعدم فهم: اى الى حصل
غرام تبكى
قمر ظلت معها حتى هدأت وخرجوا وبعد القليل من الوقت ذهبوا وسليم ظل يتصل بعشق ولا ترد

____فى مكان مظلم عشق تجلس فى سيارتها
هو انا ليه قلبى واجعنى كده ليه مضايقه انى اتكلمت كده مايولعوا وانا من امتى بدى حد فرصه يتدخل فى حياتى من امتى .. اكيد بابا زعل منى عشان اتكلمت كده .. انا ليه بيحصل معايا كده امتى بقا اعيش زى الناس

______فى منتصف الليل عادت عشق وكان سليم ينتظرها
سليم: عشق
عشق توقفت وجلست بجانبه: انا عارفه انك مدايق منى عشان الى حصل وانه ماكنش ينفع اتكلم بالطريقه دى بس انت عارف انى بتدايق اوى لما حد يدخل ف حياتى
سليم: بس دول ماتدخلوش فى حياتك
عشق: ولما يسأل اذا كنت بنتك ولا لا ده مش تدخل
سليم: مايخالكيش تنفعلى كده يعنى لو كنتى قولتى جملتك بصوت واطى كان هايبقا اهون
عشق: ...
سليم: كنتى فين طول اليوم وراجعه متنرفزه
عشق: كنت عند ناريمان
سليم بحده: ايييه
عشق قصت له ما حدث
سليم: ازاى تعملى حاجه زى كده افرضى حصلك حاجه ولا كانت شافتك
عشق: ماتخافش عليا انا مش ضعيفه زى زمان
سليم: لو مش ضعيفه زى مابتقولى ماكنتيش خليتى الماضى يسيطر عليكى لحد دلوقتي بس انتى، انتى ضعيفه وضعيفه جدا كمان
عشق: لو انا ضعيفه ماكنتش واجهت الماضى كنت اتهربت منه
سليم: انتى بالفعل بتتهربى منه مش معنى انك عايزه تاخدى حقك منها يبقا بتواجهيه، انتى بتبعدى عن الناس وبتحاولى تنسي كابوس كل يوم ومابتثقيش ف حد ومابتضحكيش دايما مكشره ده بتسميه قوه انسي الماضي وابدئي حياه جديده ماتخليش ماضيكى يسيطر عليكى خدى حقك زى مانتى عايزه بس عيشي حياتك ماتحبسيش نفسك ف قفص دورى ع المفتاح وافتحى القفص واخرجى ..دورى على المفتاح

________بعد اسبوع
شمس تدلف الى غرفة عشق: عشق يالا عشان نمشي
عشق: حاضر جايه
"لا احد يعلم بما يخبأه القدر فى هذا اليوم"
ونزلوا وتحركوا ووصلوا الى قصر احمد الشاذلى

منى: اهلا وسهلا بيكوا اتفضلوا
ودلف الجميع وجلسوا وبعد القليل من الوقت
احمد: كفايا ضحك نتكلم ف الجد شهاب هايرجع امتى عشان نعمل الخطوبه
سليم: مش هايكملوا الشهر كام يوم وهايرجعوا عشان شهاب سايب الشركه لوحدها
احمد: ازاى يسيب الشركه كده
سليم: هو مخلص كل الشغل قبل الفرح ولو فى اى اجتماعات بتيجى فجأه ساره بتحضرها
جاءت الخادمه لتقدم العصير وهى تعطي عشق الكوب وقع بدون قصد
الخادمه بتوتر: انا اسفه والله وقع غصب عنى
عشق: خلاص حصل خير بس عايزه انضف هدومى
غرام: تعالى خدى من عندى هدوم دول اتبهداوا خالص
وذهبت معها الى غرفتها ولكنها وقفت فى منتصف الممر امام صوره كبيره تجمع عائلة غرام تنظر الى طفله بصدمه ما هذا ماذا اتى بهذه هنا لماذا انا فى هذه الصورة نعم،، يا ساده انها نفس الصوره التى كانت تقف امامها منى، عشق ميزت نفسها بسهوله لأنها تملك عدة صور لها وهي صغيره التقطت لها عندما ذهبت للماجأ كأى طفل
غرام: اى وقفتى ليه
عشق تنظر الى الصورة ولا تتكلم ولا تتحرك ولا حتى ترمش
غرام: روحتى فين سااره
عشق افاقت على صوتها: ها
غرام: اى مبلمه ليه كده
عشق: اى الصورة دى
غرام: دى صورة العيله
عشق اشارت الى الصورة: مين دى
غرام: دى عشق
نزلت كلمتها كالخنجر الذى غرز فى قلبها
غرام: توأمى بس اتخطفت وهيا صغيره ومانعرفش حاجه عنها لحد دلوقتي .. تعالى بقا عشان تغيري هدوك
عشق تقف متسمره مكانها لم تستطيع النطق دخلت فى حالة صدمه ولم تشعر بنفسعا الا وهى تركض خارج المنزل وغرام خلفها والكل لم يفهم شئ
سليم: فى اى مالها اى حصل
غرام: مش عارفه لقيتها مره واحده بتجرى على برا
رشا: روح شوفها يا سليم بسرعه
وخرج وراءها بسرعه هو وعمر واحمد ولكنهم لم يلحقوها فكانت اسرع من البرق ركبت سيارتها وقادت كالمجنونه لا تعلم الى اين تذهب ودموعها تنزل كالشلال وظلت تزيد فى السرعه ولم تشعر بنفسها الا والناس تتجمع حولها وينظرون لها بقلق ومنهم من يحاول اسعافها والرؤيه مشوشه ولا تستطيع تميز الأصوات وأخر ما رأته امامها وجه ليث وغابت عن الوعى