ملاحظة : الفصل دا هعرض فيه قصة الملكة جوليانا وحبيبها هارى وموقف الملك تشارل "والد ديڤ " واللى قراء رواية "حبيب من عالم آخر " عارف القصة دى بس انا حبيت انزلها ل اللى مايعرفهاش
للاسف الفصل هيبقى بالعاميه لانه اكثر 9 ألاف كلمة وهياخد وقت كبير لتعديلة فهنزله دلوقتى وان شاء الله هعدلة بعدين ♥
فى مملكة تدعى "جوت لاند " ممكله كانت تحت حكم الملك بطرس كان ملك طيب وبيحب شعبه وكان مهتم ان شعبه يكون متعلم وواعى على عكس باقى ملوك الدول التانيه وفى وسط الناس اللى اتعلمت وعرفت القرايه والكتابه كان شاب اسمه هارى "عمرة 30" كان شاب فقير ماديا لكن عقله غنى بالمعلومات والافكار وكان بيحب القرايه زى عنيه كان بيخلص كتاب فى اليوم من شده حبه للقرايه ...وكان حلم حياته انه يكتب كتاب بس للاسف نظرا لان الورق او المخطوطات زى ما كانوا بيسموها وقتها ووالريشه والحبر كانوا قليلين قوى وقتها ونفس الوقت غاليين جدا وكانوا بيتصنعوا للملك مخصوص معرفش انه يشتريهم ....بس هو مستسلمش وبدات يستخدمت حاجات متوفره قدامه زى حجاره مثلا وألواح خشب حاجات سهل النقش عليها وبدأت بأنه يسجل خواطر واشعار عليها كانت حياته هاديه وبسيطه لحد ما جه اليوم اللى قلبها كليا وهواليوم اللى الاميرة جوليانا تمت فيه 21 سنه والملك قرر انه يعزم كل الملوك والامراء على حفل عيد ميلادها ودى كانت اول مره الاميرة تظهر فيها للملئ على حسب قوانين المملكه الاميرات ماينفعش يظهروا للعامه او فى الحفلات قبل ما يتموا 21 سنه انتشر خبر حفل الاميره ووصل للكل ...وجه يوم الحفل كان هارى قاعد تحت شجره من الاشجار اللى اتعود يقعد تحتها لما يجى يكتب قرب منه صاحبه وهو باين عليه الحماس
جاك صديق هارى : سمعت الخبر
-(قال بعدم اهتمام) قصد حفل الاميرة ؟
=اهاا الخدم بيقولوا انها جميلة وكلنا متشوقين نشوفها واحنا والشباب قررنا نتسلل وندخل القصر عشان نشوفها تيجى معانا
-مش فاضى انا للعب العيال دا ....انا ورايا حاجات اهم من الكلام دا بكتير
=(هتف بسخريه ) اااه شويه نقش فراخ مالوش اى تلاتين لازمه
-(نظر له بغضب ) على الاقل افيد من انى اتسلل للقصر واروح اشوف واحده معرفش عنها غير اسمها
=يابنى دى الاميرة اكيد هتبقى جميله وزى القمر
-والله فى الاخر هتطلع شبهك وتتصدموا كلكم مش معنى انها اميرة هتكون جميله لا عادى
=(تحدت بملل ) تمام براحتك انا ماشى
(تركه صديقه وتوجه الى الحفل ليترك الاخر منشغلا فى كتابته .....بعد فتره تسللت رائحه جميلة لاول مرة يستنشقها فى حياته نظر خلفه ليجد طيف فتاه واقفه على بعد عدة امتار منه ....نهض من مكانه وتوجه ناحيتها كانوا بليل ولكن القمر كان ينير المكان لينعكس ضوئه على وجهها كانت جميلة ببشرتها القمحيه وشعرها الكرلى وعيونها الكحيله كانت تنظر للسماء بشرود اقترب منها بهدوء)
أنت تقرأ
انتقام الأحبة
Lãng mạnتم تغيير الاسم من الوردة السوداء ل انتقام الاحبة الفكرة وحقوق النشر محفوظة للكاتبه كانت ملكة تسير على الأرض مفروشة بالورود كل ما كانت تتمناه موجود اسفل قدميها كان الجميع فى خدمتها وفى لمح البصر تغير كل شئ وسُلبت منها حياتها لتصبح جثة هامدة بلا رو...
