#عشك الصغيرونه
#للكاتبه :الخفاجيه
★★★★★★★★★★
غزل:يمه اسم الله عليج شبيج
اميره بدموع:شفت حلم يخوف
غزل:هاج اشربي مي ارتاحي
اميره:اشربت مي وكمت غسلت وجهي وشفت وجهي اصفر صاير
غزل:اوووف ادري شمسويه بحياتي اني وهيج الله يجازيني ولج يا يمه انسي الولد عيشي حياتج باعي وجهج صاير ليمونه والله تنسي والله يعوضج احسن منه مثل ما عوضني ببوج
اميره بدموع:اهى متوجعه ماما احس نفسي مخنوكه
غزل:اشش كافي امسحي دموعج خاف يجي ابوج ويشوفج ويشك اكو شي عود انتي الفهيمه الواعيه مة توقعتج هيج تبجين على شخص رخيص وابو بنات انتي بنت العقيد فهد لي محد يوصل لمستواج وثقافتج تبجين
اميره:هه شيفيد
غزل:دكومي لا اموتج مسويتها فلم هندي كومي اكلي اتعشي
اميره:اوك
غزل:يله تصبحين على خير ولا تبجين
اميره ببرود:نشالله
فهد:ها شبيها اميره
غزل:شايفه حلم يخوف وكعدت تبجي
فهد:اهاا عبالي بيها شي خفت عليها
غزل:لا ما بيها شي يله حبيبي نام وارتاح
فهد:تصبحين على حب
غزل:هههه ما تكعد راحه جهالك صارو بكدك
فهد:غير انتي مريتي ام جهالي
غزل:يا عمري انته
اميره:رحت للمطبخ فتحت الثلاجه لكيت بيها معكرونه حميتها وصبيت ببسي وكعدت اكل واجه امير
امير:ها سلامتج
اميره:الله يسلمك
امير:شبيج قبل شوي تبجين مثل الخبله.
اميره:خايب انجب شقت حلم يخوف وكعدت ابجي
امير:ههههه مخبله والله
اميره:شكو ماكو
امير:ماكو شي
اميره:اممم
امير:شخبار دموع
اميره بستغراب:وانته شعليك بدموع
امير:هاا هيج بس اسأل
اميره:اسلم عليك وتكول مشتاقه لموري يعني شلونها اكيد زينه
امير:ههههه خرب عرضج
اميره بضحكه:ههه مبين اخوي وكع بل حب موو
امير: والله يا اختي العزيزه ما ادري بعد ما مفكر بل حب
اميره:ضلينه نسولف شوي اني وامير وصعدت لغرفتي خليت كريم لبشتري ومرطب لان بشرتي هاملتها هل ايام لان دراسه وما فارغه ابد مددت بفراشي جنت كل يوم انام على صوته اكيد هسه ناسيني هه
الصبح
امير بنعاس:صباح الخير
فهد:صباح النور
غزل:هلا صباح النور
امير:جوعان
غزل:اكعود اكل لعد
امير:اممم عاشت ايدج
غزل:شعجب كاعد من وكت اليوم جمعه
امير:مدريني حتى اني مستغرب من نفسي
فهد:ديله خلص اكل حتى نطلع لبيت جدك ومناك نروح نزور بيت الشيخ ابو غزوان
امير:نشالله
غزل:شنو شعجب تروح لبيت الشيخ
فهد:البارحه اتصل عليه وعزمنه خطوبت ابنه لي بكد امير
غزل:اهاا
امير:شوفي يا يمه ابن الشيخ راح يزوج لي بكدي واني بعدني
غزل:كمل دراسه ومن عيني اروح اخطبلك
فهد:ايي كمل دراسه واشتغل كون نفسك
امير:هلا هلا بطلت
غزل:اويلي منك
فهد:يله كوم
امير:يله ماما باي
غزل:الله وياكم
ام علي:ها يمه يوسف شلونك
يوسف:زين بيبي وانتي شلونج مشتاقلج
ام علي:ابو حلك مشتاقلي شو مختفي ماكو
يوسف بضحكه:هههه والله يا بيبي من الشغل للبيت ومالي خلك اجي
ام علي:سمعت خطبت بنت فهد صح
يوسف:ايي
ام علي:اممم ما لكيت غيرها شو بنات عمامك يخبلن وكرايبك شنو اله بنت فهد
يوسف:ليش بيبي شبيها البنيه شو عجبنتي وخطبتها ما فد يوم سمعت عليها شي
ام علي:مبينه مو مريحه ما عاجبتني اني اريد ميس
يوسف:بيبي سدي الموضوع ترا مالي خلك لهل حجي
علي:يمه اسكتي لخاطر الله ما اريد ابني يسوي نفس الغلط لي غلطته ياخذ وحده ما يحبها وهم يطلكها
ام علي:انته توصج رحت جبتلي ام اعطوب رند
يوسف بغضب:بيبي ما اسمحلج تغلطين على امي
ام علي:هنيالك يا علي على هل فرخ نفس امه طالع
علي:امشي بويه امشي ما عليك بحجي بيبيتك
يوسف:طلعت من البيت كاره كل الدنيا ما شفت يوم بحياتي راحه كله هم بهم
