عشقي٢ ( MY LOVE 2)

الحلقة مائة واربعة

منزل اومكارا

كانت غوري تجلس تشاهد التلفاز عندما انتبهت لزوجها الأتي من المطبخ وهو يحمل بيده طبقا ممتلئ بالفراولة ، لتنهض من مكانها بسرعة وتقف امامه ...

غوري : واخد الفراولة دي ورايحة بيها علي فين ...

اوم : هكون رايح فين يعني ، هدخل بيها لميشتي ...

غوري : اومكارا يا حبيبي ، انت تعبان والا حاجة ...

اوم : بالعكس ، انا سليم وزي الفل ...

غوري : ولما انت سليم ، ماحدش قالك ان ميشتي امبارح عملت عملية وما ينفعش تاكل فراولة ...

اوم : ليه يعني هي الفراولة هتبوظلها العملية ...

غوري : يا حبيبي ، اللي بيكون عامل عملية مش بياكل الاكل دا خالص ...

اوم : اومال هنقوتها بايه ، هتفضل عايشة علي السوائل ...

غوري : لا طبعا ، هي بتاكل بس اكل مخصوص يعني مفيهوش دهون ولا املاح كتيرة ...

اوم : تمام ، خدي انتي بقي الفراولة وقوليلي اجيبلها ايه اكلهولها ...

لتمسك منه الطبق وتضعه علي الطاولة ثم التفتت اليه ...

غوري : انت مش هتجيب اي حاجة ، انت هتدخل معايا ترتاح شوية ، عشان تبقي صاحي وفايق كدا لما انيكا وشيفاي والعيلة يوصلوا بليل ...

اوم : ما انا هرتاح بس الاول ادخل اطمن علي ميشتي ...

وما ان حاول ان يتحرك والا بيد غوري تمسك بيده ...

غوري : تدخل فين ، بنتك نايمة جوا هي وجوزها ...

اوم : وايه يعني ، هصحيهم ...

غوري : تصحي مين ، تعال هنا ...

لتجذبه معها وتدخل به غرفتهما ...

غرفة ريكارا

اوم : ممكن اعرف انتي جبتيني هنا ليه ...

غوري : عشان امنعك من الجنان اللي انت عايزتعمله ...

اوم : وهو الواحد عشان عايز يطمن علي بنته تقومي تسميها جنان ...

غوري : طبعا جنان ، لما اقولك بنتك نايمة مع جوزها وانت تصمم تدخل عليهم يبقي دا اسمه جنان ولازم اوقفك ...

اوم : غوري ، انتي مكبرة الموضوع ...

غوري : هو انا لما اكلمك عن الاصول ابقي كدا مكبرة الموضوع ، ماشي يا سيدي انا ست اوفر وبحب اكبر المواضيع ، بس عايزة اسأل سؤال ...

اوم : اسالي ...

غوري : لو انا نايمة في حضنك ومقفول علينا باب وفجأة لقيت ماما بتفتح وبتصحينا وتبعدنا عن بعض بحجة انها بتطمن عليا، هتوافق وهتكون مبسوط ...