💕أنت قلبي٢💕

الحلقة ٥٧

#انت_قلبي٢
#بوسي_مصطفى
_____________
الحلقة ٥٧

سهر لسه قايمة..
ملك : طنط سهر لو وجودي هنا مضايقك أنا ممكن اقعد
في اوضتي ومخرجش خالص منها
أو ارجع ل مامي ومتشفوش وشي تاني..
الجميع في دهشه من كلام ملك..
نظرت سهر ل اسر ومردتش على ملك وطلعت اوضتها.
اسر : ملك لما تخلصي أكل ابقى تعالى فوق عايز أتكلم معاكي شوية.
ملك : في اوضة حضرتك؟
اسر : ايوه..
وقام اسر.. طلع اوضته.
على : على فكرة انتي دبش وقلة ذوق  منك إنك تقولي ل مامي الكلام دا..
نظر مجدي ل مليكة والاتنين متكلموش وكل واحد فيهم طلع اوضته.
و علي و ملك لسه قاعدين..
ملك : مين دي اللي قليلة ذوق مش تحاسب على كلامك الأول؟!
علي : انتي عارفه أنا أقصد ايه بالظبط.
مامي مش مضايقه من وجودك بالعكس.
تقاطعه ملك : لا استنى قبل ما تكمل كلامك..
مامي دي بقي تبقى مين؟
علي : فاهم الهدف من سؤالك.
وعلشان اريحك أنا أقصد مامي
سهر اللي ريتنا واحتوتنا وعمرها ما فرقت بينا ولا حد فينا كان بيقول اللي بتقوليه دا يا ملك.
ملك : ولما انت ابن بار اوي ومبتنساش الجميل..
مش كان من باب أولى تزور مامتك وتسأل عليها..
علي : في دي بقي معاكي حق
بس لو روحت أزور مامي ورجعت بالشكل والاسلوب اللي بقيتي عليه ده.. يبقى مش عايز اروح هناك يا ملك.
ملك : ليه يا علي؟
كل دا علشان مامي اتظلمت
من بابي ومن اللي انت بتدافع عنها وتقول ربتنا!!
الأولى كانت تقول ل بابي
يسيبنا نعيش مع مامي.. دا لو كان في قلبها خير وعايزة مصلحتنا.
علي : انتي ازاي كده؟!
ازاي قدرتي تنسي ازاي اصلا بقيتي بالجحود دا؟؟
معقوله يا ملك مش فاكره أي حاجه حلوة؟
ملك : لا فاكرة...
فاكرة لما بابي اتجوز مامي وبعد كده طلقها علشان
طنط سهر مكانتش راضيه عن الجوازه دي ولا فاكر لما بابي اخدنا من مامي ورفض إننا نعيش معاها وطول السنين دي واحنا مخدوعين وفاهمين إن طنط سهر بتعمل كل دا علشان قلبها طيب مش علشان ضميرها
واوجعها بسبب اللي عملته فينا وفي مامي!
علي : انتي متناقضه اوي مع نفسك وبتحبي تصدقي اللي انتي عايزاه يبقى حقيقة وبس
طب كرهتي مامي سهر زي ما بتقولي ما هو بابي هو كان صاحب القرار ليه موقفك هنا متغير..
ولا علشان سمعتي اللي بتقالك وبس..
وأنا مقتنع من جوايا إني مكونتش هبقي افضل من كده لو كنت مع مامي..
وكفاية بقى اتفضلي اطلعي ل بابي وابقى كملي المحاضرة بتاعتك دي فوق..
بس خدي بالك علشان بابي مش هيسكت على الهبل اللي عماله تردديه ده.
_____________

في منزل والد (حمزة)
حمزة : هي قالتلك كده؟؟
سيف : امال هاجي كده من نفسي يا حمزة؟!
حمزة : وغيرت رقم تليفونها كمان علشان معرفش اتواصل معاه؟!
سيف : صدقني انا كمان معرفوش.. انا كنت عند ياسمين اختي وطلعت بالحاجه دي وقالتلي سلمها ل صاحبها.
حمزة : بنت اختك بتبيع في لحظة يا سيف
مش فاهمه أي حاجه.. نسيت الحب اللي كان بينا والأحلام اللي حلمناها مع بعض و..
يقاطعه سيف : شوف يا حمزة انا كمان مش عجبني الوضع بس الحكاية خلصت على كده..
ياريت تلتفت ل نفسك ومستقبلك و لو ليك نصيب في حاجه هتاخدها.. فمتقلقش.
حمزة : يعني عايزني ارجع الاقيها متجوزه وابقى مبسوط يا سيف؟!
سيف : محدش يعرف ايه اللي ممكن يحصل بكره..
فمتسبقش الأحداث.
حمزة : انا بتكلم عن واقع يا سيف.. مدخلتش في علم الغيب.
بس اللي خلاها مش عايزة تستحملني لحد ما اكون نفسي وارجع.. هتستناني ومترتبطش؟!
طب ما كانت تتحمل معايا وخلاص.
سيف : بقولك ايه يا حمزة انسى وشوف نفسك.
حمزة : أنا مش فاهمك يا سيف
انت موافق على اللي بتعمله نادين دا؟
سيف : أوافق أو أرفض النتيجه واحدة.
أنا حاولت معاها كتير علشان بس شكلك مفكر إني عايز اريح دماغي وخلاص بس انا بقولك شوف مصلحتك.
حمزة : شكرا على النصيحه.
سيف قايم : سلام عليكم.
حمزة : وعليكم السلام.
__________