TamTal
...
تيم اليوم ميلادك ويا حظي أنا والدنيا بهاليوم.. بهاليوم أنت انولدت وبديت بهالدنيا مشوراك وحياتك وانكتب من بعدها ميلادك "ميلاد السعادة".. ايه وربك إنك سعادة..
تدري الحمدلله إنك موجود الحمدلله على نعمة وجودك.. تراك سعادة إذا ما كنت تدري وتراك تعني لي الشيء الكثير.. أتمنى لو أقدر اعبر بس كالعادة بهاللحظات يخونني التعبير اصير كأني فقير المعنى وهايم الكلمات ومتشتت الحروف لكن رغم ذلك بحاول ولو شوي اني اظهر لك ان ميلادك ميلاد للسعاده بالنسبة لي..❤
...
تذكر يوم قلت لي ودك تصير مثل الغيمّ.. تراك مثله بالضبط سحابة صيف تمر ولا تضر.. سحابة تحملت الكثير رغم أن رياح القدر ما قصرت معها ظلت تنقلها من مكان إلى الثاني بس هالسحابة ما ملت ولا أشتكت صح كانت تتعب تتمنى لو تظل ورغم كل تنقلاتها هذي والأشياء إلي شافتها إلا أنها ما تغيرت..
تيمّ أنت مثل الغيمّ بالضبط.. أنت شبيه للشيء إلي تحبه..❤
...
شكلي بديت أكثر بالحكي وهذا الشيء أنت ما تحبه أدري بس هالمرة خلني أحكي وأعبر لك وأصدقك القول صراحة أنا مدري وش جالس أكتب بس بأكتب لك كل ما يخطر على بالي لذلك تحملني هالمره..
إيه تدري بشيء ضحكتك حياة وإبتسامتك تختصر معنى السعادة.. الزعل ما يليق على عينك والتكشيرة هذي بعد وربك ما تليق إبتسامتك أجمل بألف مرة لا والله ظنتي أكثر بعد تدري بشيء سبحان من صورك..
إبتسم..
"إبتسَامتُك هِي حكَايةٌ أُخرى مِنْ السعَادةِ"..❤
...
كنت اتمنى تصحى وتلقاني قد جهزتها لك.. لكن عاد حكمة ربك تأخرت حاولت قد ما أقدر إني أخلصها لك ولو إن ودي بمناسبة هاليوم لو اكتب لك ألف جريدة ما ظنتي تكفي.. ما عمرها كلماتي وفت قدرك ومعزتك عندي.. وربك إنك غالي علي بتقول لي هالكلام أنت دايم تقوله لكل من حولك صح كل من أعرفه وترك فيني شيء ترك فيني أثر ولو بسيط ما أنساها له وأعتبره غالي فكيف وأنت تركت فيني الشيء الكثير كنت أتعب قبل ويوم أجي أكلمك يروح تعبي كنت أتضايق ومن أكلمك تختفي ضيقتي.. تمنيت لو أقدر أخذ ضيقتك تمنيت لو أقدر أبعد هالعالم من أنه يتعب عينك ويشقيك بكثرة التفكير تمنيت لو أبعد العنا والشقا عنك.. لكن...
مو كل الأماني تحقق ولو أقدر في يوم أخذ ضيقتك لأجل ترتاح ما ترددت.. إيه هاتي ضيقتك أنا أتحملها بس أنت لا تشقي عيونك بكثر التعب والتمني..
يا ليت لو أقدر أبعد هالضيق عنك لكن مقدر على شيء غير أني أقول نفس ما قال خالد الفيصل..
"لا لا تضايقون التَّرفِ لا تضايقونه
لا لا خلوه يجني من حياته ثمرها
لا لا وحرام من عقب الرضى تزعلونه
لا لا شوفوا عيونه كثر نوحه دمرها
لا لا أغليه لو كل الملا يرخصونه"..
...
في النهاية كل عام وأنت بخير يالخير بكل الأعوام وكل عام وأنت بسعاده يا سعادتي.. وكل عام والفرح والمسرة ما تفارقك.. وكل عام والحزن محرم على عينك.. وكل عام وكل عام وكل عام بظل أنا كل ما شفت الغيمّ ذكرتك يا شبيهه..❤
بأخبرك بشيء عينك أجمل من أنه يتعبها الحزن..
...
الله يسعدك سعادة تغمر قلبك ومن كبرها يضحك وجهك دهر والله ييسر لك ما تعسر ويوفقك ويحقق ما تتمناه ويرزقك أعلى الدرجات دنيا وآخرة والله يريح بالك ويحفظك وين ما كنت..
رسالة أخيرة لك..
"لرُبما كفاك الله شيئًا تُحبه كَي لا يَمسك الضرر"..
