عشق محرم 🧞‍♀️عشيقة العبري 🧞‍♀️

‎ الجزء ١٧ من قصة العشق المحرم

🔯 الجزء ١٧ من قصة العشق المحرم 🔯
🕎 بقلمي أنا ريم 🕎
سمية : يخزيت على تريكة ديال الويل ! خرج نتا بدل بساعة اخرى !
مهدي : (هز جاكيط) ها هو خارج !!!!!
سمية : تفو !
(خرج مهدي و ذخلات سمية لكوزينة لقاتها مخملة مقادة و مافيها حتى وسخة ، كلشي مستف بلاصتو و ريحة التيد عاطية ، بقات واقفة مصدومة و عضات على شنافتها)
عيشة : (بتأسف) أبوية على بنتي لحبيبة جات من المدراسة و خملات ديك الروينة كاملة فاللخر كلات لعصا !
سمية : (حسات بتأنيب الضمير و عينيها غرغرو ، و لكن مابيناتش) صافي أ خالتي حتى نتي ماتزيدينيش !
عيشة : (حيدات جلابتها و دارت تزارة) غي بقاو تحغروا فيها بحال هاكا حتى تهرب ليكم من الدار و توليو ضحكة للعاديو البادي !
سمية : (ماجاوباتهاش و مشات لبيتها) اوووووف !
(بدلات سمية حوايجها و مشات لماريو هزات منو 100 درهم و خرجات باتجاه بيت جميلة ، حلات لباب بشوية ولكن لقاتو مسدود بالساروت)
سمية : (كادق) جميلة !!! هاكي الفلوس سيري شري دوا من الفرماسيان !
جميلة : (لا رد)
سمية : وا حلي سيري شري دوا قبل مايجي باك !
جميلة : (لا رد)
سمية : (بتأسف) لي بغيتي (مشات فحالها)
🧚🏻‍♀️🧚🏻‍♀️🧚🏻‍♀️
(فديك اللحظات كان جميلة متكية فالأرض و الظلام فالغرفة ديالها ، بقات كاتسمع لهضرة مها بدون ماتهضر و لا يحرك فيها شي حاجة ! ناضت بزز من الأرض و مشات شعلات الضو و تقابلات مع المرايا ، شافت فمها المجروح لي كولوا دم و حاجبها لي تجمد فيه الدم بالاضافة لكدمة فجبهتها ، بقاو دموع كايتزلوا بوحدهم بدون صوت ، هزات فوطة و فزغاتها بالما و بقات كاتمسح وجهها بشوية حتى رجعات الفوطة حمرة بلون الدم ، طفات الضو و مشات تخشات فبلاصتها و هي كاتلعن القدر المنحوس ديالها لي خشاها وسط هاد العائلة المتخلفة)
🔯🔯🔯🔯🔯🔯🔯🔯🔯🔯
🧚🏻‍♀️ فمكان آخر بعيد عن جميلة 🧚🏻‍♀️
(ذخل جوزيف لديبو مهجور فالمرصة تابع للأملاك ديال الشركة ، كان الضو خافت بزااف فيه ، و فالذاخل كانوا واقفين الرجال ديالو دايرين بنوفل لي كان مربوط فكرسي)
عمر : (كايحتارم جوزيف لأبعد درجة) سيدي ها هو الشماتة لي غضرنا و سرق ليك الفلوس !!! جبتو ليك بحال الكلب كيما قلتي ليا !
جوزيف : (حل صدافة ديال يدين القميجة و تحنى على ركابيه ، بقا كايشوف فوجه نوفل باحتقار) ها نتا درتي حتى عييتي و فاللخر جابوك لعندي بحال الكلب !
نوفل : (عارف راسو غادي يموت حيت معاشر جوزيف لسنوات و عارف طبعو ، هبط راسو و ماقدرش يشوف ليه فوجهو)
جوزيف : (عينيه حمارو و نبرة صوتو تبدلات) شحال سرقتي ؟؟ 500 مليون ؟ نديروها حنا 600 مليون غاع ؟! شنو ربحتي !؟
عمر : (معصب) هو خسر كثر ما ربح ! هو خسرك أ سيدي و خسر الثقة ديالك !
نوفل : (كايترعد) الطمع عمى عينيا أ جوزيف !
جوزيف : (كايحرك راسو و شعرو كايلعب) لا لا ، ماشي الطمع أ نوفل ! نتا من اللول ماكونتيش صافي معايا !!!! و أنا لي حمار مارضيتش الباب لهادشي من اللول !
عمر : (ماكايحملوش) نتا غضرتي سي جوزيف واخة هو الوحيد لي هزك من الزنقة أ شمكار و دار منك راجل !!!! و لكن لي شماتة كايبقى شماتة ! بعتيه على ود جوج ريال !
نوفل : (هز عينيه بتأسف و شاف فعينين جوزيف لي كانوا حومر و فيهم حزن) سمح ليا أ جوزيف !
جوزيف : (ناض لطبلة و بقا عاطيه بالظهر) نتا عارفني ماكانحملش كلمة سمح ليا (هز موس و زير عليه) لي كايخون كايستاهل حاجة وحدة ! هي الموت !
(دار جوزيف بحال الوحش كايشوف فنوفل بعينيه الحادين و بقا كايقرب ليه شوية بشوية)
نوفل : (خاف و بدا كايترعد) جوزيف عافاك (زراق ليه وجهو) عافاك رحمني و ماتنساش غاع الوقت لي دوزنا بجوج !! ماتنساش العشرة ديال 7 سنين !
جوزيف : (وقف فوق منو و ابتاسم) نسيتها !
(هز يديه حتى هزها و غرز فقلبو الموس حتى غوت نوفل بهستيرية ، بقا كايلوي الموس بشكل وحشي باش يعذب ضحية حتى مات نوفل ببطئ و الدم كايقطر من فمو ! طلعات روحو عند الله و لكن جوزيف كان باقي ماتشفى غلسلو ! خرج الموس و عاود طعنوا بيه مرة مور مرة واخة كان مات ، رجال كلهم تخلعوا و هبطوا راسهم)
عمر : (خايف على جوزيف) سيدي واش نتا بخير ؟
جوزيف : (يديه كلهم ولاو دم) مازال (ضرب بالخنجر جهة قلبو و بقا كايحل ديك البلاصة حتى بانوا الأحشاء الذاخلية ديالو ، لاح الموس و ذخل يديه جبد قلبو هاكاك قطعوا من بلاصتو و ناض وقف مقابل مع رجالو و هو فحال يرتى لها تحت عينيه زرق و شعرو فازغ)
جوزيف : (غوت) شوفوا فيا !!!!!
(هزوا راسهم و هما كايترعدوا و واحد منهم شداتو التقية و الترويعة)
جوزيف : غادي نجبد قلب أي واحد غضرني بحال هاكا (زير على القلب حتى ترش الدم منو على وجهو كامل) سمعتوني !!!!
(كلشي حدر راسو و هما خايفيين منو ، كان فديك اللحظة جوزيف آخر )