ذكرياتي.

الحلقة ١٣

#ذكرياتي
#بوسي
___________الحلقة ١٣___________

هيثم / السلام عليكم
اندهش هيثم من صمت الجميع بعد دخوله مباشرتاً

هيثم ل رانيا / عايزك فوق.

غمزلتلها حنان في إشارة لعدم قول شيء مما قاله أكرم
فهمت رانيا.

في شقة هيثم

هيثم ل رانيا / أنا عرفت بالصدفة إنك عايزة تبيعي ميراثك في أرض والدك مرحبا

رانيا بارتباك / مين قالك؟
هيثم / مش مهم مين قالى أنتي طبعاً حره تبيعي أو تشتري دي فلوسك بس ممكن أسألك سؤال عايزة الفلوس ليه؟؟

رانيا متردده في الإجابة مازالت صامته.
هيثم / آه. ..فهمت كويس إني لحقتك قبل ما تبعيها لاني إستحالة أقبل أني اخد الفلوس دي

ردت رانيا بسرعة / ليه يا هيثم  فلوسك هي فلوسي
هيثم / فعلاً فلوسي هي فلوسك أما فلوسك فمش من حقي يا رانيا انا لما قبلت اول مره أني اخد دهبك كان علشان أفتح

المشروع اللي نفسي فيه ونقدر نتجوز أما دلوقتي الموضوع
مختلف.

رانيا / خد الفلوس وبعدين نبقي نتكلم
وابقى سددهم براحتك.
هيثم / أنا قولت لأ يا رانيا.

ايه الصوت اللي جاي من تحت ده؟

نزلوا يشوفوا فيه ايه.
ميار ل حنان / انتي طالعة تتهميني بالسرقة وعايزاني اسكت؟!
حنان / أنا بقولك وطي صوتك علشان هيثم ميسمعش
وكمان بجحه ومش همك حاجه!!

هيثم بيرن الجرس و رانيا واقفة بجواره

حنان بتفتح الباب
هيثم / في ايه يا ماما ؟!

حنان مرحبا كانت خارجه من الشقة ونازله تحت.
ميار واقفة علي باب الشقة.

ميار ل هيثم / تعالي شوف الست والدتك بقي دي اخرتها تتهمني بالسرقة!!
حنان وهي نازله / انتي مفيش منك فايدة عايزة توصلي لايه يا ميار بكلمك بهدوء علشان هيثم ميعرفش وانتي اللي مصممه أنه يعرف

ميار / انا معنديش حاجة أخاف منها الدور والباقي علي الناس التانية.
قالتها وهي بتنظر ل رانيا
هيثم / هو فيه ايه حد يفهمني؟

ميار / انا اقولك الست والدتك جايه تتهمني بسرقة شنطة الفلوس
اللي انت بتدور عليها شوفوا مين بقي اللي بيسرق وبيكدب هنا في البيت وكان فين امبارح وجاي مع مين.

قالتها ومازال نظرها ناحية رانيا
رانيا / دا انتي مش بجحه وبس انتي قليلة الأدب كمان.
هيثم ل رانيا بصوت عالي / اطلعي فوق.
حنان / وتطلع فوق ليه يعني سرقتنا وكمان مش همها بتبجح فينا كمان أنا اللي غلطت اللي جوزتها ليك.
ميار /ما تصلحي غلطتك وتريحيه.
هيثم / ما هو دا اللي يحصل فعلاً بس قبلها بقي اعرف فلوسي راحت فين؟
ميار / فلوس ايه ملكش فلوس عندي واللي عندكو اعملوه.