جّحًيَمً آلَحًبً

البارت الاول

البطله.. غسق
العمر 16
الطول 156
.. طالبه رابع علمي حنطاويه طولها وسط محجبة صاحبة عيون عسلية شعرها لنص ضهرها لون شعرها ايضا عسلي  صاحبة اخدود عدها غمازه بخدها الايمن صاحبة شفايف كرزيه لا سمينه ولا ضعيفه وصاحبه حواجب مجرورة  وسط

زهراء..اخت غسق
العمر 18
الطول 163
..  طالبه سادس علمي تطبيقي بيضة ورشيقة ايضا محجبه شعرها قصير صاحبه عيون سود وشعر اسود صاحبه اخدود

ام زهراء  .. ام غسق
العمر. 44
العمل.. دكتورة طب عام استشهد زوجها ب الموصل قبل اربع اسنين وماعدها غير بناتها من بغداد

.... نبداء

تبدأ احداث القصه سنة 2019

الساعه 7:12

غسق.. اليوم اول يوم للمدرسه واخيرا كلش مشتاقه للمدرسه لبست زي المدرسه الي هو قميص ابيض وصدريه رصاصي وحجاب رصاصي وكب ابيض وشلت جنطتي ونزلت حتى اتريك طلعت من غرفتي شفت زوزه كاعد تقرة لن هي اخر سنة لازم شد حيلها شفت ماما خلت الريوك على الطاوله رحت بست ايدها

غسق.صباح الخير لاحلى ام بالدنيا
ام زهراء..صباح الورد يكلبي انتي. وحضنتها.. ها متحضر للسنه الجديده

غسق.. اي وبكامل استعدادي
زهراء.. وهي عينها ب الكتاب.. الي يسمعج يكول رايحه لحرب 😂
غسق.. ههههه لا بس حجيتها بحماس
زهراء..ان شاءلله اشوفج احلا دكتورة
غسق ..يعمري انتي الله لا يحرمني منج  وباستها من خدها

غسق تريكنه وكملنه وطلعنه اني وزهراء حتى نروح للمدرسه اجه السايق مالتنه وصلنه للمدرسة رحت وشفت صديقاتي الشله البايخه الي اموت عليها

غسق..هيلاووو يحلويات
زينب..هلا ب الصاكة مالتنه
غسق..اووي خجلت
ماجده..ولا تستقر الكيكه
غسق..هلا عيني كريمه
البنات..هههههههه
ماجده..انجبي عزيزتي
غسق..اوك بس لا تبجين

غسق..دخلنه للصفوف وطبعا هذا اول يوم اكيد راح انكضي تعرف كمل اليوم وطلعنه من المدرسه جنه نمشي اني وزينب وماجدة ونسولف محسينه الة صوت هورن وكع كلبنه اندارينه شفت ولد بسيارته يدك هورن

. ترة جاي تمشن بشارع مو ع الكورنيش امشن حيل

زينب.والله احنه حرات نمشي حيل نمشي على كيف شعليك

.. اي مو شارع الخلفج تمشين على كيف متكولن اكو ناس تريد تعبر

غسق..اعصابك اخويه نعتذر وكفنه بطريق بس تكدر تتطلب باحترام ونوخر مداعي كل هل عصبيه  ..وعفنى ومشينه على صفحه وهو عبر بسيارته

بمكان ثاني

حاط راسة على الكرسي مال مكتب ويفكر ب الي اخذت كلبة وعقلة ويذكر عيونها وضحكتها وينتضر اليوم الي ترجع بي ذاكرتها بعد ما فقدتها بسبب الحادث ويذكر من جانت تبجي بحظنه لن مطلعن الدرجه الي تريدها ب الامتحان لو اذا انكسر واحد من اضافرها الي تضل اشهور تعتني بيهن قاطع تفكيره دكت الباب

.. اتفضل

ام زهراء  .. صباح الخير شيخنة
.. صباح الخير خالتي تفضلي
ام زهراء  .. زاد فضلك يمة شهم  اجيت اريد اكولك اني باجر اجازة حتى اذا اجة المريض مالتي انت استلمة

شهم..صار خالة بس ليش اجازة خوما اكو شي
ام زهراء..لا يمة بس موعد الدكتورة مال غسق باجر

شهم..ها ان شاءلله
ام زهراء..ان شاءلله
شهم..عاد جاي تستفاد شي من العلاج لو لا
ام زهراء..والله لحد لان ماكو شي بس منكول غير الله كريم
شهم..الله كريم

.............................................................
يتبع.........

#مشتاگلك يالـ مبتعد
يا روح تشبه #نيتي
حَتى النفس لمن أريد اتنفسه
بلياك #يجرح_ريتي..