عطور منثورة

البارت الثالث

السلام عليكم :

اتيتك بشتاتي لتجمعها مالي رايتك وشتت اشتاتي!!
________________________
رسل بنعاس:الوو منو

:معجب

رسل:وهذا المعجب هيج ماعنده شغل وعمل داك بنصاص الليالي

:هوا شغلنه بنصاص الليالي عمي ماعلينه مشتاك يابه

رسل:هااا بس انته العصر جنت هنا لحكت تشتاق

مصطفى:شبساع عرفتيني عبالي انصب عليج

رسل:من صوتك عيني من صوتك

مصطفى:وهاي هيج حفظتي صوتي بساع

رسل بخجل:لا ولله مو هيج بس اني اتذكر شويه ذاكرتي قويه هههههه

مصطفى:كتيلي قويه هههههه شنو شعجب نايمه من وكت

رسل:تعبانه ولله كاعده من السته الصبح

مصطفى:ريت التعب بيه ونتي ترتاحين

رسل خجلت ونعقد لسانها وضلت ساكته

مصطفى:الو رسل وياي نتي

رسل: اححم اي وياك

وضلو يحجون فتره وماخلت من مغازلات مصطفى الي تحسهن رسل مبالغ بيهن وهي تكول
رسل:معقوله كل هالغزل مجرد كلام بعدنه اول يوم ولو هوا اول ما شطح نطح ههههههه
صحصحت ونزلت ليجوة اكل ميته من الجوع فتحت الثلاجه لكيت لفات من العشه كعدت على الميز اكل سمعت حركه شلت راسي وشفت

محمد:شدسوين يولي

رسل بلامبالاه:اركص تعال هز وياي

محمد بحدة:تادبي

رسل:ههههه حاضر سيدي اوامر ثانيه

محمد:هههه اي جيبيلي لفه وياج

رسل:تمام جبتله وكعدنه ناكل

رنا:هايشنو هالخيانه غير تصيحوني يا يا

محمد:مو امي اكلت لفتين تعاي اكليني

رنا:ما اكل نعل ههههه

محمد ببعصبيه:حيوانه راح اكوملج شكلتييي

رنا بخوف:كلت ما اكل عسل ولله ولله خاف يصعد السكر وانحمس

محمد وهوا يكعد:هاا كتيلي

رنا:هسه عروستنه ماكو لفه

رسل:بطلي مصطلح عروستكم وروحي لثلاجه اكو

رنا:ههههههه اشغلت الحساسيه  محمد كون تشوفها الناس تبوس بيها وهيه الوجهه يتعجج

محمد: ههههههه ليش ولج

رنا:من التلزك اكو غيرها امداج وامدا هالطبع المابي خير

رسل:نجبي عاد مو بيدي قابل بيدي هالشي نزرع بشخصيتي لتلزكين بالسالفه