عشق محرم 🧞‍♀️عشيقة العبري 🧞‍♀️

‎🔯 الجزء ٢٣ من قصة العشق المحرم 🔯

🔯 الجزء ٢٣ من قصة العشق المحرم 🔯
🕎 بقلمي أنا ريم 🕎
✨🌙 فجناح المخصص للماكلة ✨🌙
(ذخل جوزيف بكل رجولة للغرفة ، حيد الفيستة لي كان لابس و حطها فوق الكرسي ، تمشا بخطوات ثابة باتجاه خالتو لي كانت عاطياه بالظهر و كاتاكل ، إستر امرأة فالأربعينيات من عمرها و زوينة بزاااف ، للإشارة الحوار بالعبرية { עברית } )
جوزيف : (معنقها و كايبوسها فحنكها و عنقها) خالتي !
إستر : أ حبيبي (جراتو لعندها و باستو فحنكو) توحشتك ! علاش مابتيش لبارح فدار ؟
جوزيف : (غلس فالكرسي) كانت عندي شي خدمة (كايغوت) عوزااااا ؟ عوزاااا !
(طلعات عوزا رئيسة الخدم كاتجري لعندهم)
عوزا : (ماكاتهزش فيه العين) نعام سيدي !
جوزيف : جيبي ليا نتعشا !
عوزا : هي اللولة !
إستر : (بابتسامة) إوا كاين شي جديد ؟
جوزيف : (غمزها) من ناحية آش ؟
إستر : وا راك عارفني علاياش كانهضر الباسل !
جوزيف : شتي الا غي زواج غي خرجيه من عقلك !
إستر : أفففففف بغينا أ جوزيف الدار تعمر وليدات (تفكرات) اه حقا غادي تمشي معانا بحال ديما لوازان نديرو لمامونية !
(المامونية احتفال سنوي يهودي بالأولياء الصالحين و كايتقام فوازان)
جوزيف : ضروري وايلي ! شكون غادي يجي هاد العام !
إستر : (كاتحسب ليه) غادي يجيو ولادي من كندا كامليين و غادي تجي خالتك ميجدانا و بناتها بجوج و عاد (سكتات مدة عاد هضرات) عمامك بجوج إسحاق و جاد من إسرائيل 🇮🇱 .
جوزيف : (بدل ملامح وجهو) ماتبقايش أ خالتي تقولي ليا عمامك !!! أنا تبريت منهم كيما تبرى منهم بابا الله يرحموا !
إستر : و لكن علاش أ جوزيف كادير هاكا ؟؟؟ واش كادافع على فلسطين بلاصت مادافع على الناس لي من دمك !
جوزيف : (غوت عليها) خالتي هما باعوا العائلة و مشاو لبلاد ماشي بلادهم !!!أنا ماغاديش نقول ليك بلي القدس ماشي من حقنا ! القدس ديالنا و ديال اليهود من نهار بدات الدنيا و لكن أ خالتي راه هما بناو دولة وسط دولة !!! راه كانوا ناس ساكنيين تما و عندهم عائلاتهمو جاو هجموا عليهم مابين ليلة و نهار !!! واش دابا نتي تبغي لي يهجم على المغرب و يدير دولة بسميتو و كون غير هاكا و سكتوا راه جراو عليهم من ديورهم و لاحوهم فزنقة !
إستر : (بقات ساكتة عاد هضرات) و لكن راه الفلسطينيين لي باعوا لينا الأراضي !
جوزيف : (ابتاسم) أ خالتي راه حتى أنا يهودي و ماغاديش يخفاو عليا هاد القوالب ! هما عرفوا دوك الناس ماعندهمش الفلوس و فقراااااء نيت داكشي علاش لعبوا عليهم و بقاو كايشريو منهم الارض و يسدوا ليهم عينيهم بالفلوس حتى لقاو راسهم باعوا نص لينا غي بالفن !
إستر : (سكتات)
(ذخلات الخدامة و حطات ليه عشاتو و مشات بزربة)
جوزيف : (كاياكل و كايهضر) نتي براسك مشيتي تما سكنتي و ماعجبكش الجو فاللخر !!! ياك ماكملتي تما حتى 5 سنين مقادة و رجعتي كاتجري لمغرب !
إستر : (عوجات فمها) صراحة من واحد الناحية عندك الحق و لكن من ناحية أخرى ماتنساش شنو دوزوا علينا ! كنا منبوذين فالعالم كامل و مشتتين ماعندنا حتى بلاصة نسكنوا فيها مقادة !
جوزيف : غي كاتخربقي ! و شنو زعما لحل كان ضروري يكون إسرائيل ؟  و دابا زعمة فنظارك حنا مجموعين ! راه كلها فين شادها شي فالمغرب و شي فمصر و شي فميركان و شي فألمانيا (قرب ليها) حنا تجار و عمرنا غادي نتجمعوا ! حيث حياتنا هي التجارة و فين ما كان الربح كانكونوا حنا !
إستر : زعما نتا عمرك ماغادي تمشي لإسرائيل ؟
جوزيف : عمري و ماعمري غادي نزطم فبلاد ماشي ديالي ! 
إستر : (شافت فيه) سبحان الله نتا و باك الله يرحموا عندكم نفس الهضرة ! و لي سمعكم يحلف مانتوما يهود !!
جوزيف : (ابتاسم و بقا ساكت)
🧚🏻‍♀️🧚🏻‍♀️🧚🏻‍♀️
(بقاو كايتعشاو هاكاك فصمت حتى وصل جوزيف ميساج ، هز تلفون و هو يلقاه من عند ليلى ، ابتاسم و ناض)
( الحوار كالعادة بالعبرية עברית )
جوزيف : تصبحي على خير (باسها)
إستر : (باستو فحنكو) و نتام من أهلو !
(فالعالم كاينين 15 ميلون يهودي ، 6 ديال المليون فقط لي كايتعتابروا صهاينة و ساكنين فالكيان الوهمي إسرائيل ، أما 9 مليون المتبقية فهي موزعة بين :
قرابة نصف مليون يهودي فالمغرب ، نص مليون آخر بين تونس و مصر و جنوب إفريقيا ! أما الباقي فهم موزعون بشكل مبعثر بين أمريكا و أروبا و كندا !
هادوا كلهم رفضوا الالتحاق بإسرائيل ماشي حيث ماكايبغيوش دينهم لا ، بل لانهم لا يؤمنون بالكيان الوهمي ! أما اليهود العرب و المغاربة خاصة فهم مامشاوش تما حيث كايبغيو وطنهم بزااف و حتى المغاربة المسلمين كايعاملوهم بالمثل ، و عمرهم آداوهم و الدليل هم يهود الملاح بالرباط لي عايشين وسط منا كمسلمين فجو كولوا تسامح و احترام )