🔯 الجزء ٢٤ من قصة العشق المحرم 🔯
🕎 بقلمي أنا ريم 🕎
🌦صباح جديد ممطر 🌦
🛌 فغرفة جميلة 🛌
(بعد المكالمة الهاتفية بينها و بين جوزيف لي كانت بحال الحلم بالنسبة ليها ، ناضت جميلة كالعادة على صوت المنبه ⏰ ، و مع البرد تفارقات بالكشايف مع الكاشة ، مشات بزربة لطواليط غسلات وجهها مزيان بالما بارد باش تفيق و لبسات حوايجها على شكل (سروال و تريكو فالكحل مع جاكيطة فالخزي) ، بقات كاتشوف فوجهها لي برا جزئيا و بقات عندها غي ضربة صغيرة حدا فمها ، قادات شعرها بنايفيا فاليموني و هزات شكارتها ، مع هي غادي تخرج و هي تسمع صوت الهضرة بزااف ! سدات عينيها كاتلعن حيث عرفات شكون جا عندهم ، حلات الباب وهي ماحاملاش راسها)
سمية : وا لاش عذبتي راسك أ ختي !
عيشة : (ابتاسمات) صباح الخير حبيبة شوفي شكون جا عندنا !
(كانت خالتها لطيفة لي فمكناس و ولدها سفيان و بنتها منال)
لطيفة : (بدهشة) تبارك الله تبارك الله على بنت ختي كبرات و ولات عزبة غزالة !
جميلة : (ابتاسمات ابتسامة صفرة) ربي يخليك !
لطيفة : أجي أجي (جراتها) بوسيني يا زين ! ويلي ويلي كبرتي و وليتي عروسة ديال زواج !
جميلة : لا لا أ خالتي شكرا (ببرود) زوجي غي منال و نفرحوا بيها اما أنا بغيت نكمل قرايتي و نخدم !
سمية : (كاتحلف عليها بعينيها) ههه جميلة !!!
جميلة : (خرجات عينيها) شنوووو ؟!
سمية : (ابتاسمات كاتلطف الجو) هههه هانتي كاتشوفي يا لطيفة ختي هاد البنت كي دايرة ! باغة غي تقرى و حلفات لا تزوجات حتى تخدم !
لطيفة : (بقات كاضحك) إوا لا واه حتى زواج صغر زوين !
جميلة : (تنهدات و مشات قبل ماتعصب) ختي منال (سلمات عليها من الوجه) لاباس !
منال : (ساهية فيها) لاباس أختي !
جميلة : (دارت و مدات ليه يديها) سفيان خويا كيداير ؟!
سفيان : (قبط يديها و هو مامتيقش عينيه) لاباس أ جميلة و نتي !
جميلة : أنا الحمد لله (بعدم اهتمام) أنا مشيت أ مي !
عيشة : أويلي و الفطور ؟
جميلة : (لبسات سبرديلتها) صافي بلاش مشا عليا الحال !
{ خرجات جميلة بزربة و خلاتهم ، مشات شدات طوبس بحال ديما باتجاه لافاك 🏫 ، فحين ذخلوا كولهم لصالة من بعد مابدلوا حوايجهم و حطوا القهوة و أتاي و الحلوة (🧁🍰🍪) بالأشكال و هما يعطيوها العيالات لحديث و تقرقيب الناب )
لطيفة : واحد سيدي عزيز فاين هو ؟!
سمية : فالخدمة لقيتوه عاد خرج !
لطيفة : باقي ماخرج تقاعد ؟!
سمية : بقات ليه شي 4 سنين !
لطيفة : ممممممم (دايرة جرل على رجل) إوا تبارك الله جميلة غي ما زادت زيانت !
منال : (بلهفة) بصح أ خالتي و لات كاتحمق !
سمية : (فخاطرها : قل اعوذ برب الفلق) هههه ربي يخليك أ بنتي حتى نتي غزالة !
لطيفة : لا لا تبارك الله زينها هي غير ! دوك العوينات ما شاء الله !
سمية : وا صافي أ لطيفة باركة غادي تعيني ليا لبنت (بقات كاضحك)
لطيفة : (بقات حتى هي كاضحك) حشومة عليك جميلة بحال بنتي !
سمية : عارفة أ ختي الله ودي ! غي ضاحكة !
لطيفة : (شافت فولدها) نوض سير ضرب شي دورة أ سفيان !
سفيان : (ابتاسم) كاتجري عليا (ناض هز حلوة و مشا) الا بغيتيني عيطي ليا بتلفون !
لطيفة : صافي !
عيشة : بنتي مالكي جريتي على دري !
لطيفة : خليه يمشي عليا ! نهضروا على خاطرنا (شافت فسمية بجدية) جميلة ما معرفة على حتى واحد (غمزاتها و دارت ليها بيديها زعمة لاباس عليه)
سمية : ختي نكذب عليك و الله مانعرف ليها ! هي مافيهاش تعاويد و ماتعطيك حتى راس الخيط !
لطيفة : مسخوطة ديك البنت عندك ! ماخطبها حتى واحد ؟!
سمية : جا فيها واحد البوليسي كي داير و مابغاتش ! و لي بقا فيا هو ولد القايد بخدمتو و بدارو و مابغاتش بنت الحرام قالت ليا و الله حتى انتاحر و مشيتو بززتوه عليا و ختي خفت ديرها و انا نقول لراجل يقول لولد راه مابغاتش و الله حتى داك دري غزال مافضلتو على وجهك !
لطيفة : (كاضرب فيديها) أويلي يا ويلي معامن أنا !!! من نيتك أتعطي بلارة لموظف ديال الدولة كولوا كريديات يحرث عليها !!!
سمية : و شنو بغيتيني نزوجها لولد الملك ؟؟
لطيفة : شتي نتي أ ختي من ديما كاتباني ليا مكلخة و لكن دابا عاد تأكدت !
سمية : (بعدم فهم) علاش ؟
عيشة : (غي كاتفرج)
لطيفة : زوجيها يا المكلخة لشي راجل يستاهلها و يبرعها ! زوجيها لشي واحد خانز فلوس ! شي خليجي و لا شي مغريبي نيت كولوا حبة لي يهزها و يهزكم معاها !
سمية : و أنا كرهت ! منين أنجيبو ليها !
لطيفة : ويلي حاي على منين أتجيبيه ليها ! وا نتي غي سادة على البنت ! ماكاتخليها تخرج ، ماكاتخليها تمشي لعراسات فين يشوفوها الناس (تنهدات) كون كانت جميلة بنتي كون جبت ليها سيد رجال !
سمية : (بقات كاتفكر و نطقات بلا ماتحس) عندك الحق !
لطيفة : شتي يا المكلخة نتي عطاك الله البنت لي تنقدك من هاد الفقر ! وا ضيعي الفرصة!
سمية : و شنو ندير ؟
لطيفة : ها نتي شوفي بعدا واش كاتعرف شي واحد ، حاولي تسوليها و لا تسلي ليها لسانها الا كان لا وا نوضي دوري ببنتك ماحدها عاطية لعين !
عيشة : خليو عليكم البنت !
سمية : (كاتفكر و عينيها تحلوا) لا و الله اخالتي حتى لطيفة عندها الحق !
بغيت ١٠٠ كومنت باش نكمل و طلعوا القصة كانضن انها فالمستوى 🥵🖤
أنت تقرأ
عشق محرم 🧞♀️عشيقة العبري 🧞♀️
Romance🔥👑 قنبلة الموسم 👑🔥 أنت أيتها القارئة !!! نعم أنتي !!! ألم تتسائلي يوما عن شعورك إذا أحببتي شخصا غير مسلم ؟ كيف ستكون ردة فعلك تجاه هذا الحب المحرم ؟ هل ستهربين منه بدريعة الدين أم أنك ستواجهين العالم من أجل الشخص الذي أشعرك حظنه بالأمان ! 🔯�...
