"Unicode"
"တောက်...ဖြစ်ပြန်ပြီကွာ...အားတဲ့အချိန်လေးဆော့ပါတယ်ဆိုကာမှ errorကတက်ရပြန်ပြီ"
ထွဋ်လူငြီးတွားလိုက်သည်။ သူဆော့နေတဲ့ဂိမ်းထဲကဇာတ်ကောင်မှာ ရန်သူများကိုတိုက်ခိုက်နေရင်း ထစ်ကာသူ့ဇာတ်ကောင်ချည်းပဲရပ်သွားခြင်း(freeze)ဖြစ်သည်။ထွဋ်လူယခုဆော့နေသောဂိမ်းမှာ Open Worldပုံစံဖြစ်ပြီး ရှေးလူသားမျိုးနွယ်များ၏လျှို့ဝှက်ချက္များကိုရှာဖွေရသောစွန့်စားခန်း(Adventure)ပုံစံဖြစ်သည်။
သူယခုဆော့နေသောMissionကို အလွန်စိတ်၀င်စား၍သာဆက်ဆော့နေခြင်းဖြစ်သည်။ဇာတ်လမ်းထဲတွင် ကုဗတုံးတစ်တုံးကိုလိုက်ရှာနေရခြင်းဖြစ်သည်။ထို ကုဗတုံးမှာ ကမ္ဘာကြီး၏်ဟန်ချက္များကို ထိန်းနိုင်သော၊ပြောင်းလဲပစ်နိုင်သည့်ကြောက်စရာစွမ်းအားကိုပိုင်ဆိုင်ထားလေသည်။ ထိုကုဗတုံးအား အင်အားကြီးဂိုဏ်းကွဲပေါင်းများစွာမှ တန်ခိုးအာဏာအတွက် ဝိုင်းလုရာမှဖြစ်ပေါ်လာသောတိုက်ပွဲများကို ရုပ်ထွက်ကောင်းကောင်း၊ ကျစ်လျစ်သောဇာတ်အိမ်နှင့်တကွဖန်တီးထားခြင်းဖြစ်လေသည်။
သို့သော်...ထိုMission ရောက်တိုင်း
ရန်သူများနှင့်ရင်ဆိုင်တိုက်ခိုက်လိုက်သည်နှင့်တစ်ပြိုင်နက် သူဆော့နေသောဇာတ်ကောင်မှ အထစ်ထစ်အငေါ့ငေါ့ဖြစ်ကာ အမြဲရပ်တန့်သွားလေတော့သည်။ ဂိမ်းတစ်ခုလုံးအကောင်း၊ ထိုနေရာရောက်တိုင်းဖြစ်နေတာဆယ်ခါမကတော့ပေ။ယခုလည်းသူ ထိုMissionကနေရှေ့ဆက်လို့ရမလား ထပ်ကာကြိုးစားဆော့ကြည့်သော်လည်း ဒံုရင်းပါပေ.. ထွဋ်လူစိတ်ရှုပ်လာသည်။
"တော်ပြီကွာ...ပိတ်ရက်လေးကို ဒီဂိမ်းစုတ်နဲ့ အချိန်ဖြုန်းလို့မဖြစ်ဘူး ရိက္ခာလည်းပြတ်တော့မယ်... ဈေးလေးဘာလေးထွက်၀ယ်ဦးမှဖြစ်မယ်"
ပြောပြောဆိုဆိုနှင့် PCကိုပိတ်ကာ ပျင်းကြောဆန့်ရင်း ထရပ်လိုက်သည်။
"အပြင်လောကမှာသာ အဲ့လိုထစ်နေလို့ကတော့ အကုန်ထမင်းငတ်ကုန်မယ်... အဲ.. ငါတို့ဂျာကြီးသာအဲ့လိုထစ်နေရင် အတော်ရယ်ရမဲ့အပြင်နားငြီးလည်းသက်သာမှာ ဟားဟား"
ထွဋ်လူ သူတို့ရုံးက GMကိုဇော်လတ်အကြောင်းတွေးမိကာရယ်လိုက်လေသည်။ GMဆိုသော်ငြားလည်း သူများတွေလိုမဟုတ်၊ဟောက်စရာရှိတာသာေဟာက်ပြီး အလိုလည်းလိုက်တတ်သည့်အပြင် အလွန်ခင်ဖို့ကောင်းပြီး လက်အောက်ငယ်သားများအပေါ် ညီအစ်ကိုမောင်နှမတွေလိုဆက်ဆံတတ် သောကြောင့် သူ့အားချစ်ခင်ကြသည်။
YOU ARE READING
Glitch
Science Fiction" We are all living in a simulation or more like a Matrix, programmed by someone or transcendental organizations beyond our reach"
