عشق محرم 🧞‍♀️عشيقة العبري 🧞‍♀️

‎🔯 الجزء ٢٥ من قصة العشق المحرم 🔯

🔯 الجزء ٢٥ من قصة العشق المحرم 🔯
🕎 بقلمي أنا ريم 🕎
🏫 فجامعة محمد الخامس 🏫
{ فأونفي الكمياء ، كانوا غاع الطلبة ذخلوا تقريبا حتى ذخلات جميلة }
دعاء :(بابتسامة) جميلة (عنقاتها) تخلعنا عليك !
جميلة : انا بخير الحمقة !
لمياء : على السلامة منين هضرتي (عنقاتها حتى هي) خلعتينا البارح و الله !
💐 غلسوا و داروا بيها البنات 💐
جميلة : (كاضحك) سمحوا ليا ! أجي توحشتوني !
دعاء : و الله حتى توحشناك الباسلة !
لمياء : ممممم (تفكرات) ياك الكلبة مصاحبة و انا آخر من يعلم !
جميلة : (دهشراتها) أويلي على مصاحبة !
لمياء : و داك الغزال يا ختي لي جا لعندك البارح !
جميلة : واش جوزيف ؟!
لمياء : (دابت) ويلي ويلي و عاد كملتيها بسمية !
دعاء : (باستغراب) جوزيف ؟؟ ولكن هاد السمية راه ....
جميلة : (قاطعاتها) آيييه يهودي (تنهدات) شتي على زهر عندي !! نهار عجبني شي راجل لقيتو يهودي !
دعاء : (تصدمات) ويلي ويلي على منحوسة !
جميلة : (عوجات وجهها) غي سكتي و ماتزيديش تكملي عليا !
دعاء : (بحزن) شنو دابا مابقيتوش كاتهضروا ياك !
جميلة : لا باقيين كانهضروا عادي بحال الا ماكاين والو !
دعاء : (بتعجب) من نيتك أ تبقاي مصاحبة مع يهودي ؟
لمياء : (نقزات) و من بعد سوقك نتي فيهم ؟؟؟ إلا هي عاجبها سيد و حتى هي عاجباه خليهم يعيشوا (قبطات فيد جميلة) ماديهاش فهاد البهلة راه حاسداك على داك البوكوص !
دعاء : (ضرباتها فكثفها) عقلي فيها الحمارة أنا حاسداها !!! و الله أجميلة حتى خايفة عليك تعذبي ! راه يهودي مايمكنش تكونوا بجوج !
لمياء : و علاش مايمكنش ؟!
دعاء : راه حرام الحمارة المسلمة تزوج بيهودي و لا مسيحي !
جميلة : (تنهدات و بقات كاتفكر)
لمياء : (جرات ليها وجهها لعندها) شوفي و سمعيني أنا لي عندي تجارب فهادشي و ماديهاش فهاد الفقيه !
جميلة : (ابتاسمات) مممم  ؟
لمياء : شوفي غادي تكملي معاه عادي و حاولي تخليه يبغيك (بدات كاتغوت) ماشي تخليه غي يبغيك خاصو يولي كايتسطا عليك ! خاصوا يذوب فهاد العينين لي عندك !
جميلة : أ ويلي هضري بشوية !
دعاء : (بعدم فهم) شنو كاتخوري راه غي كاتزيدي تعقدي الموضوع عليها !
لمياء : (خنزرات فيها) نتي بالضبط سكتي (شافت فجميلة) شوفي فيا مزيان ، الا ولا داك العسل كايبغيك غادي يدير اي حاجة باش تكوني ملكو وما ياخدك حتى واحد منو ! و هاكا غادي يسلم على ودك (دارت صبعها فحاجبها زعمة راني ذكية) كي جيتكم !
دعاء : غي كاتخربقي ! و إلا كان هو معكس و مابغاش يسلم ؟
لمياء : ديك ساعة تفارق معاه واخة صعيبة لفراق مع داك الغزال منو راجل !
🧞‍♀️🧞‍♀️ بقاو لبنات كايدابزوا بجهد على شكون عندها الحق فيهم فحين جميلة كانت ساهية فعالم آخر كاتفكر فجوزيف لي ذخل حياتها بدون سابق إنذار و خربقها ، و لا شاغل تفكيرها بالكامل ، مايمكنش مايمكنش ، هي ماتقدرش تفارق معاه ماتقدرش ، على المريض يقدر يتفارق مع الدوا ديالو ، رغم أنها المدة لي تعرفات بيها على جوزيف هي 5 أيام إلا أنها كاتحس بحال إلا كاتعرفوا من شحال هادي ، فيه غاع داكشي لي مالقاتوش فعائلتها الباردة و الجافة ، زعمة يكون هادشي لي كاتحس بيه  من جهتو مجرد إعجاب ؟؟ 🧞‍♀️🧞‍♀️
لمياء : (جراتها من شعرها) وااااا جميلة !!!
جميلة : (فاقت) مممم ؟؟؟
لمياء : جبدي دفتار تكتبي !
{ دورات جميلة وجهها لقات البروف ذخل ، استغربات حيث ماحساتش غاع بالوقت لي دوزاتو و هي كاتفكر فجوزيف ، جبدات كتوباتها و بقات كاتقرى بفكر مخربق حتى وصلات 12 }
البروف : (كايشوف فال pc) جميلة الخالدي !
جميلة : (هزات يديها)  !! oui prof 
البروف : نتي لي عندك ل exposé سيمانة جاية !
جميلة : واخة اووف (دارت شافت فالبنات) لي معندوا هم تولدوا ليه حمارتو !!!
(لمياء و دعاء بقاو كايموتوا عليها بالضحك ، المهم جمعوا البنات شكاراتهم و مشاو غلسوا فالمطعم ديال لافاك فبن خدات جميلة كاس ديال القهوة ☕️ أما البنات خداو شيبس و بقاو عاطيينها لحديث )
دعاء : الله كانحماق على الجمعة !
جميلة : علاش ؟!
دعاء : (بفرح) حيث ماكانقراوش العشية !
جميلة : هاء !!
لمياء : ياع على حامضة ! اجي جميلة دابا شنو درتي فداكشي ؟!
جميلة : (خدات ليها شيبسة و عوجات فمها) غادي نخلي هادشي غادي راسو حتى نشوف فين أنوصلوا !
دعاء : ماتخافيش غادي يسلم على ودك !
لمياء : وا صافي غي ضحكي راه مايقدرش يفرط فهاد العوينات !
جميلة : (ببرود) غطستوني فكولورادو (شافت فهد جاي) صاحبك جاي !
لمياء : (دارت شافت فيه) ماتبقايش تقولي ليا صاحبي تفووو شبغا ؟
(وقف فهد عليهم و معاه جوج دراري)
🧚🏻‍♀️🧚🏻‍♀️🧚🏻‍♀️
للإشارة حبيباتي ، ففهد ناصري هو زميل للبنات فلافاك غي هو شعبة فيزياء ماشي كيمياء و بعد المرات كايتجمعوا كاملين فصال وحدة إلا كان الدرس مشترك ! فهد شاب طويل ببنية رياضية و ملامحو زوينين و تندو شعبية كبيرة فلافاك، هو كان فأول سنة جامعية معجب بزاااف بجميلة و دار المستحيل باش يتصاحبوا و لكن هي فكل مرة كانت كاتنخلوا بل ماكاتهضرش معاه !
🧚🏻‍♀️🧚🏻‍♀️🧚🏻‍♀️