عشق محرم 🧞‍♀️عشيقة العبري 🧞‍♀️

‎🔯 الجزء ٢٦ من قصة العشق المحرم 🔯

🔯 الجزء ٢٦ من قصة العشق المحرم 🔯
🕎 بقلمي أنا ريم 🕎
دعاء : (باستهزاء) ها المشاكل جاو !
فهد : (خنزر فيها) ماهضرتش معاك !
دعاء : كي داير على لصقة ! ياك تفارقتي مع لمياء شبغيتي ؟!
فهد : (كايشوف فالبنت لي محمقاه) و شكون قال ليك جيت على ود لمياء ، أنا جيت على ود جميلة !
(لمياء دورات وجهها و هي كاتلعن راسها و غبائها لي خلاوها تتصاحب معاه أما جميلة دارت راسها ماسمعاتوش و بقات كاتلعب فتلفونها)
فهد : (غوت بجهد و هو كايغلي) جميلة أنا راه كانهضر معاك !
جميلة : (هزات راسها فيه ببرود) بحال إلا سمعتك كاتغوت عليا ؟!
فهد : (كايترعد) شكون هاداك لي كاتمشي معاه فطمبيل ؟
جميلة : (صدمها) السؤال هو شكون نتا لي تسولني معا من كنت ؟! يكما ضارب بيا العقد و أنا مافخباريش ؟!
فهد : جميلة (بنفاد صبر) شوفي راه شافوك دراري صحابي لي كايعصروا حدا الباب كاتمشي مع شي واحد زعر (كايترعد) راه شافوك كاتركبي فطمبيلتو ! واش هادشي ماشي بصح !
دعاء : حشومة أ قليل الآداب صاحبتك القديمة غالسة و نتا كاتهضر معا صاحبتها هاكا !!!
فهد : ديها فكرك نتي !!! لمياء عارفة شنو كاين ! انا تصاحبت معاها غي باش نقرب من جميلة !!!
جميلة : (تعصبات) غادي تمشي دابا فحالك و ماتورينش كمارتك و لا غادي نعيط لحارس !
فهد : (كايتحلف عليها) واخة أ جميلة ! وااااخة !!!
(مشا فهد و غلس فبلاصة بعيدة و لكن مقابلة مع جميلة و بقا كايشوف فيها)
فهد : (عاض على سنانو) واخة أ جميلة ! واخة أنا نوريك تركبي مع زوامل فطمبيلات !!!! و الله حتى نغتاصبك و نخليك تبوسيلي رجلي باش نتزوجك !
🧚🏻‍♀️🧚🏻‍♀️🧚🏻‍♀️
جميلة : (قبطات للمياء فيديها) ماديهاش فداك الحمار !
دعاء : تفووووو على لصقة !!
لمياء : (مسحات دموعها) أنا لي حمارة تصاحبت معاه و انا عارفاه كايبغيك !
جميلة : شمن كايبغيني الله يهديك ! راه غي بقات فيه شوكة حيث قلت ليه لا !
لمياء : مانعرف (ضحكات) الله ينعل دين مو كي نكدها علينا !
جميلة : واييه خلينا منو !
دعاء : شنو غادي ديري أ جميلة فالبروجي د سيمانة جاية !
جميلة : أنبدا اليوم فليل نوجد ليه يمكن (سمعات تلفون ، هزات ساكها و جبداتو) ناري جوزيف !!!
لمياء : جاوبيه !
جميلة : (بلعات ريقها) ألو !
(ناضوا البنات داروا بيها كايسمعوا صوتو فخين كان واحد الشخص مراقبهم من بعيد و هو كايغلي)
جوزيف : (بصوت هادئ) جميلتي !
لمياء : (ذابت) أححححح !
جميلة : (ابتاسمات و هضرات حشمانة) نعام !
جوزيف : قارية ؟!
جميلة : لا يا الله خرجت !
جوزيف : نجي عندك نتغداو بجوج !
(البنات كايديروا ليها إشارة بوجههم زعمة قولي آه)
جميلة : صافي واخة !
جوزيف : (ابتاسم) يا الله خرجي عندي !
(قطع جوزيف و جميلة بقا كاتشوف فالبنات لي حاليين فمهم)
لمياء : ختك أنا أ جميلة !  وا شوفي واش عندوا شي باه و لا خوه باغيين زواج عافاك !
دعاء : حتى أنا حتى أنا معاها !
جميلة : (شداتها ضحكة) لمياء !!!!
لمياء : حرام عليك نتي غي سوليه شفيها !
جميلة : واخة واخة (كاتشوف راسها فالمرايا ديال تلفون) مقادة ؟
دعاء : هي هاديك غي خرجي عندوا !
جميلة : يا الله باي باي (باستهم فحنكهم بجوج)
دعاء : وا سوليه !
لمياء : لعار عليك !
جميلة : ويلييييي على بهلات !
(خرجات جميلة حدا الباب ديال لافاك لي كان تقريبا خاوي حيث أغلب طلبة مجمعين فالمطعم ، و بقات كاتسنى العبري بفارغ الصبر و هي كاتعض شنايفها بقوة التوتر)