My Demon (When Childish Meets Badboy)

Ch. 71

My Demon [Ch. 71]

 

Sobra-sobra ang pasasalamat sa'kin ni Tita Juliet kasi daw napauwi ko si Demon. Sa totoo lang, sa tingin ko, hindi ko deserve ang Thank You ni Tita. Kasi dahil naman sa'kin (ayon kay Jia), kaya daw nagkakaganito si Demon.

Nasa living room kami. Si Demon nasa kwarto niya. Nandoon din si Tito Romeo at mga nurse. Ang taas ng second floor nila pero rinig na rinig hanggang dito sa baba ang sigaw ni Demon. Nag-iinarte na naman ang bruho. Puro kasi, "Don't you dare!"

 

Siguro kung wala lang yung tatay niya doon sa taas, malamang kasama doon ang murang fuckin'. Maya-maya, lumitaw si Tito Romeo malapit sa railings sa second floor. Nakatingin siya sa'kin at nag-gesture na umakyat ako.

Nagkatinginan kami ni Tita Juliet. Ngumiti siya, hinaplos ang buhok at tumango. Sabay kaming tumayo at magkasamang umakyat papunta sa kwarto ni Demon.

Habang papaakyat kami, palakas ng palakas ang sigaw ni Demon. Nagwawala.

Sinalubong kami ni Tito Romeo nang marating namin ang second floor. Nasa likuran ko ang mag-asawa. Nag-uusap sila tungkol sa kaartehan ni Demon. Kahit pala noon na bata palang siya, ayaw na ayaw na niyang may ibang taong lumalapit sa kanya. Lalo na kung strangers. At lalo na kung hahawakan siya.

Napakaarte ng mokong na yun. Mas maarte pa sa babae. Daig pa si Chloe ng I Revenged On A Playboy.

Nakabukas ang pinto ng kwarto ni Demon. Nakahiga siya sa magulong kama (dahil siguro sa pagpupumiglas niya). Yung comforter nakalaylay na sa sahig. Tapos yung isang unan nasa sahig na talaga. Ang mga nurse ay hindi makalapit sa kanya. Pa'no, sinasamaan niya ng tingin.

Mukhang naramdaman niya ang presence namin. Mula sa mga nurse, naglipat ang tingin niya sa'kin pagkatapos sa mga magulang niya na nasa likuran ko. Nag-iwas siya ng tingin tapos sumandal sa headboard. Nagkakaroon na blood stain yung bedsheet mula sa sugat niya sa braso.

"Keyr," nandito na naman ang ma-authority-ng boses ni Tito Romeo. Lumapit siya kay Demon. "Ipagamot mo na 'yang sugat mo. Wag matigas ang ulo."

De javu. Ganito ring ang nangyari noon. Yung na-injure yung braso niya dahil hinarang niya ang kahoy na dapat ay tatama saakin.

Hindi kumibo si Demon. Nakatingin lang siya ng diretso. Seryoso pero magkasalubong ang mga kilay.

Nilingon ako ni Tito Romeo kaya lumapit ako sa kanya. Salitan kaming tiningnan ni Demon. Ako, sa Daddy niya, tapos ako, tapos sa daddy niya na naman. Parang may sinasabi siya sa tatay niya kaso hindi ko maintindihan kung ano.

"Siya nalang ang gagamot sa mga sugat mo." Nanlaki ang mga mata ko sa sinabi ni Tito Romeo. Haluh, ano namang alam ko? Basic lang ang alam ko sa panggagamot ng sugat. Yung lalagyan ng betadine tapos hihipan. "Let's see kung itutulak mo rin siya palayo."

Kitang-kita kong nginisian ni Tito Romeo ang anak pati ang palihim na pagtaas ng sulok ng labi niya. Waaah! Ang kyoot! Para siyang si Demon kapag gumaganun. Like father like son.