أسيرة الماضي

البارت 6

#بقلم_خديجه_وليد

#اتنمي_لكم_قرآءه_ممتعه

#فوت_و_كومنت

قمر: بلاش تكون متأكد، العشم فى حاجه شبه مستحيله نهايته وحشه
ليث: وانا بحبها وعارف ان فى حاجه واجعاها وهاحاول اداويلها الوجع ده
قمر: كلنا حاولنا بس فشيلنا
ليث: احكيلي عنها
قمر: ساره من النوع الطيب طيبه جدا ومخلصه ممكن تضحى بحياتها عشان شخص بتحبه ومش بتتعرف ع ناس وولا بتحب التجمعات جديه ف كلامها ومش بتهزر دايما بتبان قويه ومش بتبين ضعفها فى حاجات مش بتحب تبينها لحد وبتخبيها عن الناس مش عارفه اى السبب مع ان الحاجات دى بتخليها شخص مميز بس بتخبيها ساره شخص رياضى جدا واكيد باين على جسمها لما بتتعصب بتلعب رياضه وفى كابوس ملازمها من صغرها كل يوم بتصحى مفزوعه منه .. ماقدرش اقولك حاجه تانى
ليث: كابوس اى؟!
قمر: مابتحكهوش لحد ماحدش فينا يعرف اى هو ده بس الى نعرفه انه كابوس واحد بيجيلها كل يوم
ليث: اى الحاجات الى بتخبيها
قمر: ماقدرش اقولك

__________فى المساء
لاتستطيع عشق النوم وتتقلب على الفراش ولكن بدون جدوي فاتقوم بهدوء لكى لا توقظ شمس وتخرج من غرفتها وتنزل للأسفل وتشعر بجوع وتدلف الى المطبخ وتقترب من الثلاجه ولكنها شعرت بأحد خلفها واكد شعورها عندما وضع يده على كتفها ولكن خلال ثانيه كانت ممسكه بيه وتضغط على رقبته وتجده ليث وتشعر بغضب فهو لم يهتم بتهديدها ولا تعلم كيف فعلها ولكنه افلت يدها وجذبها الى حضنه وامسك يدها بطريقه لا تجعلها تستطيح الحراك
ليث: طلعتى قطه بتخربش
عشق بنبره مخيفه: هتندم على الحركه دى
ليث وهو ينظر لعينها: قدرتى تخبى الوجع ده كله عن الناس بس انا شايفه وبوضوح
عشق بإستهزاء: وشايف اى
ليث: كره خيبة امل وجع حزن شعور بالإنتقام مش عارف اى الى وجعك وسبب الشخص الى انا شايفه قدامى ده ودفن الشخص الحقيقي الى هو جواكى بس متأكد انك هتقدرى تعدى ده، انتى باينه انك قويه بس نظرتك فيها ضعف وانا متأكد انك هتتخلصى من الضعف ده وتواجهى كل احزانك بس عايز اقولك ان بعدك عن عالم البشر وعدم ثقتك بحد وكرهك لكل الى حواليكى مش حل، انتى شايفاه الصح بس انا بقولك انه مش صح، انتى ممكن تضيعى نعم كتير ربنا بعتهالك بالقفص الى انتى حابسه نفسك فيه فكرى واحسبيها صح وماتخليش ماضيكى يأسرك 
عشق بغضب: وانت بقا جاى تقولى الكلام ده واى غرضك، اى الى هتكسبه
ليث: الى هكسبه انى اشوفك مرتاحه ولو فضلتى على حالك ده مش هترتاحى لو انتى شوفتى اذى من ناس وسببلك الكره ده لكل البشر فاحب اقولك ان صوابعك مش زى بعضها مش معنى ان فى ناس اذتك يبقا كل الناس وحشه وتكرهى كل الناس
عشق وهربت دمعه من عينها ولم تشعر بها: انا اتأذيت من اقرب ناس ليا لو كانوا بس اهتموا ولاقونى ماكنش حصلى ده كله ووصلنى للى انا فيه ده
ليث: يمكن تكونى ظلماهم
عشق بغضب: انا الى اتظلمت الدنيا كلها جت عليا زى الحمل على قلبى انا بكره كل شخص اتسبب فى دمعه نزلت من عينى، اتسبب فى حزن ووجع حاوط قلبى
ليث: وده بقا الى هيدمرك، الكره مش حل
عشق بدموع لم تعتد ان تريها لأحد: انت عايز منى اى
ليث: عايز اخد بإيدك للصح الغضب والكره عامى عنيكى ومش مخليكى تشوفى طريقك الصح وانا جاى اساعدك
عشق: واى الى هتستفاده
ليث: مش معنى انى عايز اساعدك يبقا فى افاده ليا بس الى هستفاده انى اشوفك فرحانه ومرتاحة دى افادتى
عشق بغضب: انا حذرتك قبل كده وانت جاى تلعب
ليث مقاطع: اكبر مثال لإثبات كلامى انك ساعدتى غرام رغم انك مش هاتستفادى حاجه ربنا حطك فى طريقها عشان تنقذيها، مش يمكن يكون ربنا حطنى فى طريقك عشان اساعدك
عشق ترددت فى اذنها "ليه ماتحطش حد فى طريقى انا يساعدنى ليه انا اساعد وماحدش يساعدنى"
ليث: موافقه انى اخد بإيدك
فى هذا الوقت معدت عشق اصدرت صوت يدل انها جائعه
ليث بإبتسامه: قولت اكيد انتى ماكلتيش من الصبح فاجبتلك معايا بيتزا .. اكيد بتحبيها
وتركها بهدوء وامسك بيدها واقترب من المنضده الموضوع عليها علبة البيتزا وفتحها وكانت ساخنه
ليث: كلى
عشق شعرت بجوع شديد عند رؤيتها للبيتزا ولكنها نظرت لليث ببرود
ليث اخد قطعه واكلها وقال بضحك: مش حاطتلك سم ماتخافيش وترك باقى القطعه واقترب من عشق وهى تراجعت وتنظر له بعين حاده ولكنه جذبها وطبع قبله على وجنتها جعلتها تقف متسمره ولا تتحرك ونظر لها وابتسم
ليث بإبتسامه: بالهنا والشفا وبعد ماتكلى تنامى واحلام سعيده واقترب وطبع قبله خفيفه على انفها وخرج وهى شعرت بشئ غريب ووضعت يدها على انفها ثم وجنتها وابتسمت دون ان تشعر ورائحه البيتزا سيطرت على حاسة الشم خاصتها وجلست وظلت تأكل
وكان ليث يقف بعيدها يراقبها بإبتسامه الى ان انتهت وذهبت الى غرفتها وخلدت الى النوم