عشق محرم 🧞‍♀️عشيقة العبري 🧞‍♀️

‎🔯 الجزء ٣٤ من قصة العشق المحرم 🔯

🔯 الجزء ٣٤ من قصة العشق المحرم 🔯
🕎 بقلمي أنا ريم 🕎
🏠 فمنزل جميلة 🏠
(وصلات جميلة لحومتهم لي كانت عامرة بدراري صغار كايلعبوا 🏃🏻‍♂️ ، حلات الباب بشوية و هي رجليها ماهازينهاش ، مابغات حتى واحد يشوفها و خاصة عنقها لي كان مفروش ، غي هي حلات الباب و بغات تذخل و هي تلاقا مهدي)
جميلة : (بتعجب) نضتي ؟!
مهدي : (شاف عنقها مزيان ولكن ميك) بحال إلا هادشي مهم عندك !
(خرج ببرود وهي ذخلات بزربة لبيتها كاتجري و سدات عليها الباب بالساروت ، لاحت شكارتها و حيدات حوايجها كامليين حتى بقات كيما ولداتها مها ، جمعات فاللول شعرها شفنجة و لبسات سليب و سوتيامات نقيين عاد تقابلات مع المرايا فين شافت الفضيحة !!! عنقها كان زرق بشكل معيييق بزاااف و العما غادي يعييق ، بعد تفكير طويل خدات بيطادين و مسحات بيه المصات ديال الوحش مزيان عاد خدات لصقة و دارتها عليهم غطاتهم ، مشات لماريو و غلسات كاتقلب على تريكو هو لي غادي ينقدها من هاد الوحلة ، بقات كاتقلب فكل قنت و والو تقول غبر ليه الأثر ! طلعات فوق ناموسية كامحاولة أخيرة و بقات كاتقلب فصاك لي فالسدة عاد بان ليها (كان تريكو كول مونطي ديال صوف يعني هاداك لي كايغطي العنق بشكل كامل) ، خداتو حطاتو و لبسات بيجامتها عاد زادتو هو من الفوق ، غلسات جميلة فوق من ناموسيتها و عقلها كايفكر غي فجوزيف و علاش دار معاها هاكاك : بقات كاتفكر نهار قاليها غادي نقتل أي واحد قاصك ! و نهار جا خوها مضروب حالتو بحال إلا كان فحرب ، جات فبالها الجملة لي قال ليها مهدي عليه (المهم حضي راسك منو ! داك الراجل ماشي طبيعي !) ، و عاوتاني شنو دار ليوم لفهد غي بمجرد أنه قال ليه كلمات عاديين مايستاهلوش داكشي كامل ! ماكانش طبيعي بمرة ، عصبيتو فايتة الحدود ! عاد فاش شدها فالطواليط ، كان شخص آخر ، علاش منين قالت ليه حبس ما حبسش ؟! (قلبها بدا كايضرب يضرب) لا ، جوزيف فيه شي حاجة غريبة ! هو عندو جوج وجوه ! خدات جميلة تلفونها و بقات كاتقلب فغوغل على أسباب هادشي حتى طاحت فتطبيق طب نفسي اسمو (تعرف شخصية شريك حياتك) بلعات ريقها و بركات على ابدأ 🔴 ، عطاوها هل أنت أنتى أم ذكر ؟ اختارت 🚺 و بدات الأسئلة)
جميلة : (كاتشوف بتمعن فتلفون و كاتقرا بصوت شبه مسموع) هل شريك حياتك رومانسي ؟ (بركات على نعم) هل يتذخل غالبا في حياتك ؟ (بركات على نعم) ما هو تقديرك لعصبية شريك حياتك ؟ (اختارت مفرطة) هل هو عنيف ؟ ( اختارت : يبدوا انه كذلك) هل هو متسلط ؟ (اختارت : لا اعرف) هل يغار من أي شخص يتقرب منك ؟ (اختارت : نعم) هل سبق لشريك حياتك الاعتداء شخص بشكل مخيف ؟ (نعم) هل يتعاطى المخدرات ؟ (اختارت نعم) هل سبق و أن جرحك بكلامه (اختارت لا)
(جاري تحميل نتيجة بحثك الطبي ...)
جميلة : (كاتقرى بعينين واسعين و فم كايترعد) حسب تحليل أجوبتك فإننا نعتقد أن شريك حياتك : سادي !
جميلة : (طاحت ليها قطرة عرق من جبهتها حتال ذقن) سادي ؟؟؟؟؟؟
(ذخلات نيشان ليوتوب و كتبات سادي ، خرجوا ليها بزااااف ديال الفيديوهات و اختارت واحد (غادي نحطوا ليكم لتحت ⤵️) بقات كاتسمع الفيديو و قلبها كايضرب يضرب يضرب ....)
الفيديو : هل قابلت يوما شخصا سادي ؟ و ما هي السادية ؟ السادية هي احد الاضطرابات النفسية الشخصية و يظهر من خلال تمتع الشخص و تلذذه بتعذيب شخص ما ، و هذا الامر يثير رغبته الجنسية و يحفزها ، سميت السادية بهذا الاسم نسبة إلى {ماركيز دي ساد} الروائي الفلسفي الذي أزال الستار عن هذا الاضطراب و الذي كان بدوره يعاني من هذا المشكل و كتب عدة مؤلفات عالج فيها هذا الموضوع بطريقة اثارث ضجة كبيرة !
إذا أصابك القلق عزيزتي حيال شريك حياتك و تريدين معرفة إن كان سادي أم لا فإليك المؤشرات التالية :
1.  شدة التدقيق و الوسواس القهري .
2. لا يؤمن بمبدأ المسامحة .
3. حب السيطرة و الهيمنة .
4. إجبار الناس على القيام بما يريد .
5. الاستمتاع بصراخ الأنتى أثناء العلاقة الحميمية .
6. الشخص السادي لا يستسلم أبدا حتى يرى في عينيك الخوف و الذل !
غالباً السادية هي نتيجة صدمة نفسية فالطفولة و هي من الإضطرابات النفسية الجد معقدة و غالبا يصعب علاجها إلا أنه يمكن التذخل النفسي لتخفيف حدة هذا الإضطراب و منعه من التطور من السيء إلى الأسوء ... كمل الفيديو بجملة غريبة خلات جميلة تذوب بالخلعة : (بعد مشاهدتك للفيديو ، لا أظن أنك ستحاوليت التودد لشخص سادي بعد الآن 🚫)