عشق محرم 🧞‍♀️عشيقة العبري 🧞‍♀️

‎🔯 الجزء ٣٨ من قصة العشق المحرم 🔯

🔯 الجزء  ٣٨ من قصة العشق المحرم 🔯
🕎 بقلمي أنا ريم 🕎
(جميلة واخة تعيا توصف شعورها حتى واحد ماغادي يقدر يحس بالصدمة لي حسات بيها ، كانت كلها كاترعد و هي كاتشوف فيه ، الطولة و العرض ديالو كانوا عاطيينوا منظر أكثر من مخيف ، لأول مرة تلاحظ هادشي ، فين كان عقلها منين تصاحبات مع راجل قد السخط و كانت كاتخرج معاه راس فراس عادي بدون أي خوف ، لا يمكن هادشي عاد بان ليها دابا حيث عرفاتوا سادي ، بقات كاتفكر داكشي لي تفراج فيه و هي كاتخايلوا كايطبق داكشي بصح ! حسات بخوف سرى ليها مع ذاتها و هي كاتشوف فعينيه المخيفين و نظراتوا الغريبة ليها !؟ كأنه كايقول ليها نتي بين يدي دابا أ جميلتي ! حسات براسها تلفات و كولشي مشا ليها ، مابقات عاقلة على حتى حاجة ، تزيرات و النفس مابقاش باغة طلع ليها ....من جهة أخرى ، جوزيف قرى ليها عينيها بهدوء ، عرفها تصدمات منين شافتوا أو بالأحرى خافت منو ، وحدة صغيرة فالعمر و بريئة بحالها ماتقدرش تلعب على واحد شيطان بحالو ... ابتاسم منين شاف وجهها كيفاش ولا حمر و شاف فالبروف بكل هدوء !
جوزيف : (هضر ببرود) موسيو الزويني كملوا الكور عادي ، ديروني بحال إلا أنا ماكاينش !
البروف : (بابتسامة) واخة أسيدي ، تفضل أجي ترتاح و غلس حدايا !
جوزيف : واخة !
(داز جوزيف من حدا جميلة بكل ثقة و هو عينيه على عينيها بحال إلا كايتحداها ، غلس فكرسي بشوية و دار رجل على رجل بشكل رجولي ، كان مقابل نيشان مع جميلة لي مزال مامتيقى هاد الدراما لي كاتوقع ليها ، وجودو خربقها ، نظراتو ، حركاتو و كلشي حتى من ريحتو المجهد لي غطات القاعة وتراتها )
البروف : (شاف فجميلة) جميلة تقدري تبداي يا الله أبنتي !
جميلة : (لا رد)
البروف : (بتعجب) جميلة !!!!!!
جميلة : (فاقت) آه واخة (كاترعد) صافي ها أنا (كاتقلب بزربة على الورقة و هي كولها كاترعد) و لكن فين هي ديك الورقة (تعصبات) فين يا ربي !
البروف : (مافهمش علاش توترات هاكذا) جميلة ها هي الورقة أبنتي حداك ؟!
جميلة : ناري ماشتهاش (بصوت كايرجف) سمحلي ! صافي أنا غادي نبدا !!!
البروف : (قرب ليها) جميلة relax أبنتي ! تيقي فراسك راه نتي اللولة فلونفي كامل (ابتاسم) نتي قد هادشي و كثر !
جميلة : (عضات شنايفها و شافت فجوزيف)
جوزيف : (زير على الكرسي بيديه المعرقيين و هو كايشوف فحركاتها المغرية)
جميلة : (تنهدات) واخة أ موسيو !
البروف : مزيان !! يا الله قول بسم الله !
(مشا البروف غلس حدا جوزيف لي كان حاضي بعينيه كل جزء من جميلة ، كأنه كايغدي عينيه بجمالها لي شتاق ليه أسبوع كامل ! )
جميلة : (كاتهضر فنفسها) جميلة جمعي راسك ! مالكي خفتي هو مايقدر يدير والو ؟! جوزيف دابا غي واحد غريب بالنسبة ليك ! نتي نسيتيه و محيتيه من حياتك !!! هو دابا مابقاش داك الراجل لي كان كايعجبك هو مدير شركات زيماك و هادي هي الفرصة ديالك باش تبيني ليه أنك ماشي بحال هادوك الرخيصلت لي كايمارسوا معاه داك العفن ، خليه يعرف بلي نتي ماتصلاحيش ليه ! و هكذا أيبعد عليك !