حبيبه

#البارت الحادي عشر

.‏اللهم حين تواجهني الحياة بما لا أحب حبب إلي ما أخترت لي وعلمني الرضا، ومرر الأيام بحيث لا أدرك أذاها ولا أشعر بعتمتها 🤲🏻💖

محمد كان قاعد فجنبي ومنسند ع الكرسي خشت عليه نفس الممرضه لي جت ونجوى قاعده
الممرضه ،، دكتور محمد ياريت اتريح على السرير مش باهي عليك الكرسي
محمد ،، لا متدورش متعود عليه
الممرضه ،، متخافش عليها اختك صح
محمد ،، اها اختي
الممرضه ،، انت تريح ونا كل شوي انجي ا نشوفها وطلعت

نا ،، كلامها صح انت بكره عندك عمل اهو السرير الثاني فاضي ارقد عليه
بعدين انت تبي تدفع حق الغرفه كامل ونحسب ان معاي مرافق
محمد ،، نا مدفعت شي
نا ،، باهي من لي دفع
محمد ،، باتي هو لي دفع ابروحه كان باين عليه خايف عليكي
نا ،، ربي يخليه لنا
محمد ،، امين
وفرحت لما عرفت بابا جاء وكان خايف عليا أكثر من فرحتى انه خلص المستشفى وشال هم من على اكثوف محمد

محمود ،، ياامي كان فيه حاجه ناقصه قوليلي نطلع انجيبها فالصبح مع صافي قالي تو اتجيك
ماما ،، شوف سلمى اتشوف شن ناقص وتعال نعطيك لفلوس من تو قبل ما ترقد
محمود ،، ربي يخليكي لنا ياغاليه بس نا معايا
ماما ،، من وين عندك
محمود ،، معتز دارلي راتب لاني بديت امعاها وجبتله كم ارض ولقيت حوشين عربيات موقعهن سمح واعجبن عمي عبدالله
ماما ،، ربي يفتحها فوجهك
بس اسمع يا محمود نبيك كيف خوك اتكمل اقريتك وتحصل شهادتك
محمود ،، بس نا نبي نقعد مهندس كيف معتز ولد عمتي
ماما ،، ان شاءالله نشوفك كيفه يارب ونفرح بيك
صبا محمود وجاء عند البنات في دارنا
محمود ،، سلمي يا سلمي
سلمى ،، خش يا حوده مافي حد
محمود ،، شوفي شن لي ناقص فالحوش عشان انجيبه لكن فالصبح قبل ما نعدي للعمل
سلمى ،، باهي خليها فالصبح
محمود ،، لا نا طالع مع صافي عندنا كم حاجه برا البلاد نبو ننهوها
ايه وسلمى ههههههه
محمود 😁 ، ، كنكن يا فرخات
سلمى ،، رايح تحكي كيف معتز و و
محمود ،، ومن
ايه ،، وليد
سلمي عشان اتغير الموضوع قالت تو نسأل اعميمه فاطمه شن يبو غداء بكره
وهربت سلمى من محمود لانها خافت اتقول صافي

سلمي ،، اعميمه شن تبو بكره غداء عشان حوده ايجيبه فالصبح بدري
اعميمه ،، اليوم تغدو كسكسو شن رايكن بكره في
رز بالتقليه ومحشي وسلطه ومصير
ماما ،، لا خليه ايجيب دوارتين ولله مصارين بقر حشاكم ونديرو عصبان
اعميمه فاطمه ،، عليش اتكلفي على روحك يامرومه نحن موش برانيه حتى محشي فلفل اكويس
ماما ،، لا كلفه ولا شي ماهوش قدركن وبيكم وبلاكم مسويين
سلمى ،، باهي تو نكتبله الحاجه لي ناقصه ايجيبها

نا ،، بحتت فمحمد كان راقد هو ومقمعز

🌸وجود احداهم في حياتنا كريشة رسام تضيف الوان الي حياتنا الشاحبه وتجعلها تبدو جميله 🦋