💕أنت قلبي٢💕

الحلقة ٦٠

#انت_قلبي٢
#بوسي_مصطفى
_____________
الحلقة ٦٠

في فيلا اسر...
اسر : كويس إنك جيتي.
ملك : ليه يا بابي هو حضرتك كنت مفكرني مش هاجي ولا ايه؟؟
اسر بينظر ليها من فوق لتحت..
ملك بتبلع ريقها..
ملك : اظن اللبس كويس اهو مفيهوش حاجه.
اسر : لا هو مش وقته نتكلم في الموضوع اياه ده..
نعدي الليلة علشان خاطر اختك.
ملك تنظر ل مليكة ببتسامة.
ملك : بعد إذن حضرتك يا بابي ها بارك ل مليكة.
اسر : اتفضلي.
ملك تقرب تسلم على مليكة وتحتضنها.. مبروك يا ملوكه.
مليكة : ايه اللي اخرك يا ملك؟
ملك : مبروك يا دكتور.
سيف : متشكر.
مليكة : اتأخرتي ليه بقولك؟
ملك : الطريق كان زحمه وبعدين ما تخليكي مع خطيبك وسبيني بقى... سلام يا عروسة.
سيف : في حاجه يا مليكة؟
مليكة : لا مفيش.
سيف ببتسامة : طب ما تقعدي يا حبيبتي هتفضلي
واقفه كده.
مليكة : اوك.. حاضر.
سيف : هههههههههههه
ايه مالك؟
مليكة : مفيش يا سيف.
سيف : أنا فرحان اوي.
مليكة ببتسامة : وانا كمان.
سيف : أخيراً بقى كتبنا الكتاب
ههههههههههههه.
مليكة : كان مهم بالنسبالك للدرجادي؟؟
سيف : طب مهم جداً كمان.
كتب الكتاب يعني نخرج مع بعض يعني امسك ايدك
زي كده مثلاً.
يعني نرغي في التليفون براحتنا
واقولك حبيبتي وروحي وقلبي
وكل حاجه هههههههههههههه
من غير ما تضايقي ولا تقفلي
وتخاصميني.
مليكة : طب سيب ايدي.
سيف : هههههههههههه
دا لا يمكن ابدا
انا لسه دافع مبلغ وقدره دلوقت
وتقوليلي سيب ايدي.
ههههههههههههه.
__________

اسر : يعني انا المفروض اعمل فيك ايه دلوقت؟!
هشام : هههههههههههه
معلش بقى يا اسر ما انت عارف
النهاردة اجازة وراحت عليه نومه بصراحه.
ههههههههههههه
اسر : انا قولت مش هتيجي.
هشام : طب كويس إني معملتهاش بقى..
اهو اجي متأخر احسن ماجيش خالص.
اسر : طب كنت اعملها شوف ايه اللي كان هيحصل.
هشام : مقدرش مجيش.
مليكة دي بنتي وسيف كمان.
امال فين وليد؟؟
اسر : جه شوية واستأذن و خرج
اصل طنط سعاد تعبانه شوية.
هشام : ألف سلامها عليها..
________

سهر : حصل امتى الكلام دا يا سلمى وليه محدش قالي؟؟!
سلمى : بصراحه يا سهر مكونتش عايزة اقولك..
اللي حصل دا كان امبارح..
كنا لابسين وخارجين زي ما انتي عارفه رايحين ل عمار..
وبعدين لاقيته ب يكلمني وبيقولي إياد تعبان وراح المستشفى..
سهر : هي وصلت كمان ل المستشفى؟؟!
علشان كده ملمحتوش خالص في الفرح.
سلمى : لأ جه هو ومنه بس خمس دقايق كده سلم على ياسمين وجوزها ورجع البيت يستريح.
اللي حصل بقى خليني اكملك.
إياد كان في المحلات بتاعته زي كل يوم..
هو راح بس يراجع بضاعه جايه ومكانش ينفع حد يستلمها غيره وكان هيرجع البيت على طول
علشان يلبس ويروح ل عمار.
جات بقى حماته وعملت مشكلة كبيرة واتخاتقت معاه كمان في قلب الشارع.
ما هي هدى وفيروز اخوات سيف كانوا موجودين وشافوا اللي حصل.
سهر : اه وبعدين.
سلمى : قعدت بقى تشتم وتقوله هو انت كنت تطول تتجوز جوازة زي دي يا ابن معرفش ايه
ووصله بقى من الشتايم والإهانات إياد حاول يدخلها جوه
علشان الناس اللي كانت واقفه تتفرج وانتي عارفه بقى في ناس تفرح في الحاجات دي قوي وإياد مش عايز حد يشمت فيه..
لسه بيمسك ايدها يدخلها قعدت تصوت ولمت عليه الدنيا وقالت اعتدى عليه وضربني وانا هوديك في داهيه.
سهر : يا خبر!
سلمى : قالها اعملي اللي تعمليه
وسابها تصوت في الشارع ودخل جوه أتصل ب منه قالها تعالي خدي مامتك علشان مش عايز فضايح اكتر من كده.
لسه بيقفل مع منه كان في ظابط
واتنين عساكر واقفين فوق دماغه جم امتى منعرفش..
وكانت معاهم.. راح إياد معاهم
القسم وهناك بقى كملت بقى وصلة الشتايم بتاعتها
والموضوع انتهى على تعهد بعدم التعرض..
خرج إياد من القسم وقع قدام العربية بتاعته ملحقش حتى يفتح الباب كانت منه وعمار عنده..
واخدوا على المستشفى وهناك الدكاترة قالوا دا اشتباه في جلطه وكويس إنكم لحقتوا لاننا مكناش هنقدر نعمله حاجه.
سهر : كل دا حصل يا سلمى وانا معرفش.
سلمى : صعب عليه قوي انه يتكسر بالشكل دا ومن مين
من حماته.
شوفتي وليد بيقول ايه ل اسر
انا رايح ل ماما أصلها تعبانه.
كان نفسي اقوله تعبانه من ايه
و لا ضميرها هو اللي واجعها علشان الظلم والافترا اللي افترته على اخويا.
سهر : حسبنا الله ونعم الوكيل.
سلمى : اسمعي يا سهر انتي ملكيش دعوة بالحوار دا خالص
علشان منه مش طايقه حد يكلمها خالص.
سهر : هي اكيد زعلانه على جوزها يا سلمى وموقفها حساس كمان يعني هي ملامه من ناحيتين مش هتقدر تسمع حد بيهين مامتها لإن هتبقى اهانه ليها كمان..
سلمى : انتي عارفه لو كنت وقتها هناك كان زمانها بتجري
في الشارع من اللي كنت هعمله فيها.
سهر : المهم إياد عامل ايه دلوقت؟؟
سلمى : بقى احسن شوية
دا مكانش قادر يمشي على رجله
ومع كل دا صمم يروح يبارك ل ياسمين علشان متزعلش.
سهر وهي مدمعه : طول عمره صاحب واجب يا سلمى.
سلمى : اهو اللي زي اخويا ده
مبيعرفش ياخد حقه في الدنيا دي..
حضرتها علشان عارفه ناس هناك
ظبطوا ليها محضر تمام.. يعني لو حصلها حاجه هتتهم إياد
إن هو اللي عملها.
أنا مكونتش عايزة اقولك بس لما سمعتك بتقولي زعلانه منه.
مقدرتش اسكت.
سهر : ما انا مكونتش أعرف.
سلمى : هو كان يقدر يجي بس مش عايز يتصدم ب وليد
وقولنا كمان ممكن تكوني عازمه الست سعاد وتحصل مشكلة
قولت ل منه متجيش وابقى كلمي اسر وقوليله إن إياد تعبان وخلاص.
سهر : هنروح نطمن عليه.
إن شاء الله.
سلمى : بس اوعي تقوليله حاجه من اللي قولتهالك
ولا حتى ل منه.
أنتم رايحين تطمنوا عليه علشان منه قالت إنه تعبان..
وبس ماشي.
سهر : حاضر يا سلمى.
هروح بس أسلم على أمل.
سلمى : ماشي يا سهر روحي.
____________
داليا : هههههههههههه
أم العروسة مشغوله ومحتاره
ههههههههههههه
ولا بيقولها ازاي يا ياسمين؟؟
ياسمينه : انا اعرف يااختي.
أمل : هههههههههههه
سهر جايه ناحيتهم ببتسامة : حاسه ان الكلام عليه.. صح؟؟
أمل : دول مقطعين فروتك من ساعة ما جم.
ههههههههههههه
ياسمينه : قال يعني انتي كنتي معانا ساعة ما جينا انتي
لسه جايه يا امل هنستعبط
ههههههههههههه
امل : هههههههههههه
داليا : ايه يا أم العروسة مالك تايهه كده؟؟!
ههههههههههههه
سهر : بتقولي فيها يا داليا دا انا حاسه إنه كتب كتابي
أنا ههههههههههههه.
ياسمينه : هو ايه حكايتك انتي وأمل..
امبارح برضه تقولي حاسه إنه فرحي أنا
وانتي تقولي كتب كتابي.
ايه يا سهر عايزة تخلعي ولا ايه؟؟
ههههههههههههه
سهر : اخلع دا ايه يا حبيبتي.
أنا مش هخلع الا إذا خلعت من الدنيا بقى.
داليا : بعيد الشر عنك ليه الكلام دا بقى؟؟
سهر : عقبال البنات ومروان يا داليا.
داليا : حبيبة قلبي عقبال ملك والولاد خليكي تخلصي بقى
ههههههههههههه.
سهر ببتسامة : بالحق يا جماعه
فريدة أخبارها ايه؟؟
داليا : صحيح انا مش شايفها.
ياسمينه : تلاقي بنتها مغلباها لما اروح هبقي اكلمها اطمن عليها.
امل : يمكن نلاقيها جايه.
سهر : اهي بتتصل.
ياسمينه ببتسامة : شوفتي بقى.
سهر : الو.. الو.. يا ست هانم.
فريدة : شوفي بقى سلام عليكم الأول.
سهر : وعليكم السلام.
فريدة : انا عارفه إنك زعلانه مني بس قبل ما تقولي أي حاجه
انا هشرحلك ظروفي.
سهر : معنى كده انك مش جايه صح؟؟
فريدة : أولا انا بعتذر تاني حاجه هشرحلك اللي حصل
احنا كنا تمام اوي.. لحد امبارح
صحيت بقى الصبح لاقيت جميلة تعبانه وطول اليوم اهو على دراعي.
سهر : حبيبتي ألف سلامة عليها مالها يا فريدة؟
داليا : فيه ايه مين تعبان؟؟
ياسمينه : جميلة تعبانه يا فريدة؟
فريدة : ياسمين اللي جنبك دي؟؟
سهر : ايوه ياسمين وداليا وأمل
هنادي اعتذرت وانا طبعاً عارفه ظروفها ومش هقدر اقولها حاجه
بس انا زعلت انك مجتيش مكونتش أعرف إن جميلة تعبانه
مالها يا فريدة؟؟
فريدة : قومت الصبح لاقيتها حرارتها أربعين ومش قادرة تتنفس.
سهر : يا خبر وعملتي ايه؟؟
فريدة : جريت بقى عملت كمادات واخدت الدوا وطول اليوم شايلاها لإنها بتعيط ومش عايزة تبقى لوحدها..
سهر : حبيبتي ألف سلامة عليها بوسهالي يا فريدة
وانا هبقي اجي اشوفها.
فريدة : حبيبتي يا سهور تشرفي وتنوري وانا لما جميلة
تخف هبقي اجي ابارك ل مليكة.
ياسمينه : هاتي التليفون يا سهر.
سهر : اتفضلي.
ياسمينه : فيه ايه عندك يا فريدة؟
ياسمينه : متقلقيش يا ياسمين احنا كويسين جميلة بس تعبانه شوية.
ياسمينه : ألف سلامة عليها يا قلبي خدي بالك منها..
بتسنن ولا ايه؟؟
فريدة : تقريباً كده بس تسنين مع برد عامل شغل جامد اوي.
ياسمينه : يا حبيبتي دي كانت فرحانه اوي امبارح وعماله ترقص
وانا وداليا قعدنا نقول البنت دي طالعه ل فريدة.
ههههههههههههه
فريدة : تقصدي ايه يا ياسمين؟؟
داليا : هههههههههههه
انتي بتقوللها ايه
الف سلامة على جميلة يا فريدة.
فريدة : دي داليا؟؟
ياسمينه : ايوه داليا بس راحت مع أمل يفتتحوا البوفيه.
فريدة : هههههههههههه
ياسمينه : مش مصدقاني.. اصورهوملك؟
فريدة : لا يااختي صادقه من غير صور.
ههههههههههههه
ياسمينه : الجو عندك هادي يعني.
فريدة : الولاد ناموا وجميلة نايمه على رجلي وكريم بايت الليلة في المستشفى.
ياسمينه : يا حبيبتي معلش
ههههههههههههه
فريدة : معلش ايه
ههههههههههههه
خلاص يااختي اتعودنا.
سهر بمزح : انتي لسه بترغي يا ياسمين؟؟
ياسمينه : دي فريدة اللي عماله ترغي..
فريدة : بقى كده يا ياسمين
ماشي.
ياسمينه : هههههههههههه
اصل سهر عايزة تليفونها.. اتفضلي يا اختي.
فريدة : طيب يا سهر اسيبك بقى علشان تقعدي مع المعازيم بتوعك.
سهر : اوك.. يا حبيبتي مع السلامة.
____________