🌼الحلقة 22 : القســـ2ـم🌼
❇⚫⚫❇
ضحك اركان وهو يحل ذراعاتو على كبرهم ...ومقابلو عبد الجليل نحى ليناتو وعمل كيفو ...على باب ناز تقابلو ...كيما تفاهمو بالضبط ...عنقو بعضهم وهوما يضحكو
اركان " وقتاش جيت... تطلعش فرد طيارة معانا !؟ "
قهقه عبد الجليل وهو يميل بيه ناحية الباب البلار باش يدخلو " طيارتي امس في الليل "
عقد اركان حواجبو يحاول يخدم مخو في الحكاية "امس في الليل !؟...نتفكر ساهر معايا ..."
ضربلو راس بفذلكة "هاذي مايفهموهاش ال سويدي ..."
ضحك اركان وهوما يتعدو قدام المرا ايلي في الرسبسيون ...تلمست مراياتها مليح وثبتت فيهم قبل ما تاقف وتناديلهم "ماي مسيووووو "
خزرو لبعضهم ووقفو على بلاصتهم ...دارولها يحبو يتأكدو ..تحكي معاهم هوما ...والا مع غيرهم ...طقطقت بالطالون وتعوجت بيه وهي تقرب منهم "سامحوني انجم نعرف شكون انتوما ...ممنوع تدخلو من غير ما نثبت في هوياتكم "
هز اركان حواجبو "قداش عندك تخدم هوني "
تلعثمت " تلاثة سنين "
اركان ببلادة " اه...عندك حق...ماتعرفناش ..."
تلمست مراياتها بتوتر ...زعمة شكون ها الزويز ايلي بكلهم ضخامة و ريحت البرفان متاعهم تضرب على بعد كيلومتر ...لازم تعرف شتحكي وبذكاء والا تباسط مع العروفات الكبار اذا طلعو ناس مهمين (شفتو المظاهر قداش مهمة 😖) " اذا عندكم موعد قولولي وانا نثبت منكم ...هكا بروتوكولات الخدمة واذا كليونات عاديين ...دار الازياء موش من هوني ...هاذي الادارة واستوديوات التصوير "
من الظاهر انها بنت باب الله و على نيتها ويادوبك المسكينة شدت خدمة ايلي ريقها لاث باش تلقاها ...ماحبش عبد الجليل يزيد يدخلها بعضها ويربثها ،جبد بطاقتو ومدهالها
"انت تعرف ناز مليح ماهو ؟!"
استغرب من سؤالو...قصدو موش واضح ..اما خلي تجاوبو...هزت راسها بمعنى ايه وخذات بطاقتو ..خزرت لاسمو وقراتو ...كيف ايلي تصب عليها سطل ماء بارد تربثت ووجها حمار طمطومة ...خزرتلو وشفايفها يرعشو وهو تبسم وخذى منها البطاقة رجعها لمكتوب الفاست متاعو "عبد الجليل بالرجب ...كان تعرف ناز مليح ...اكيد تعرفني شكون "
مط اركان شفايفو ومد كفوفو الفارغة "ماانجمش نعطيك بطاقتي ...اما انجم نقلك اسمي ...اركان سويدي ..." حب يقلد عبد الجليل " وكان تعرف ناز مليح ...اكيد تعرفني شكون "
عدت غصتها بالسيف وخلقت تبسيمة خوف "س...سامحني سي عبد الجليل ..ما ...ماعرفتكش ..."
حرك راسو بمعنى موش مشكل ،كملو طريقهم للاصونصور وهي جرا ت للبيرو متاعها تتعوج تلعن ع النهار ايلي لزمو فيه عليها هاك الصباط..طول للتاليفون ،طلبت السكريتار الخاصة بفاضل لقاتها مشغولة ...طلبت السكريتار متاع احمد يصوني ماتهزش ...عضت شفايفها بخوف ورعبة ...كيفاش باش تنجم تخبرهم قبل ما اركان وعبد الجليل يوصلو لغادي ...
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
