الفصل التاسع

699 59 29
                                    

  _______بين الوعي واللاوعي  ______

بعض الحقائق تكشف عن نفسها بنفسها فلا نحتاج إلى البحث عنها ،كل ما يلزمنا لمعرفتها القليل من النباهة فحسب ..

لا تعرف (بهار )لما تشعر بالألفة مع (حاتم) ، كانت له شخصية قويّة وخفيفة الظل بآن واحد ، تعجبها نباهته وبراعته في أداء عمله ، ظاهريا كانت تقرأ كتابا أما عقلها دائما في مقارنة ببن( ماجد وحاتم)،
  أتى (حاتم )يحمل أكواب القهوة ووزعها عليهم فوجدها شاردة تنظر إلى الكتاب بين يديها فقال :

_ واضح أنه كتاب مهم وواخد كل تركيزك ..

فقالت :
_ هااا ، أه هو حلو ..الكتاب !

فقال :
_ بيكلم عن إيه بقى ؟

طوته لتنظر إلى عنوانه ..فأردف :
_ شيليه من وشك دا إنتي ماقلبتيش صفحة من ساعة واضح إنك ماقريتيش حرف ..

فقالت بتذمر وهي تضع الكتاب جانبا :
_ ياسلام إنت بتراقبني بقى ؟

فقال :
_ إنتي غضبانة ليه طول الوقت كدا ، دي شغلتنا لوحدها تخلي الواحد عصبي ، فكيها عن نفسك شوية ..

فقالت بحزم :
_ أنا جيت هنا عشان أشتغل مش أفك ..

تقدم نحوهما فى تلك اللحظة(حسام ولؤي )فقال( لؤي) وهو يقدم ل(بهار )علبة صغيرة :

_ دي كاميرا بمكروفونات عالية التقنية ، مهمتك تزرعيها بأي مكان يتواجدوا بيه .

فقال (حاتم )بسخرية قبل أن تقول( بهار) شيء :

_ عندهم جهاز تشويش ماتتعبش نفسك ..

حك (لؤي) لحيته ثم غاب قليلا وعاد إليهما وقال :

_خد الجهاز دا ياباشا ، إلزقوا بضهر جهاز التشويش وأنا ههكروا وكدا يطمنو أنه شغال بس متاح لأجهزتنا ..

ليقول (حاتم) :
_ تعجبني دماغك يا لؤي ..الله يحميها يابني !

استقامت (بهار) وهي تقول :
_ هعمل كدا أنا إزاي ؟ هحطها فين الكاميرات دي ؟

قال (لؤي) :
_ البيت ، العربية ، الجنينة ..فى أي مكان تقدري توصليلوا ..

لتقول :
_ هوصلوا إزاي بقى ؟

إبتسموا جميعا وهو يطالعون بعضهم البعض فأردفت :
_ إبتديت أخاف منكم إنتوا كمان ..بتضحكوا كدا ليه ...

ليقول (حاتم ):
_ الخواجة طبعا ! إنتي فاكرة أنه مش هيلاحقك ياقطة ..

جحظت عيناها وقالت :
_ هتسبوني معاه ...لوحدنا !؟

ليقول( لؤي )مطمئنا لها :
_ متخافيش هو هيحاول يتودد ليكي الأول ..

_ الأول ؟!!!!

قالتها وهي تنظر إليهم بهلع ، فقال( حاتم ):

_ ياستي سبقي الخير ، هو أخرته تودد إطمني !

الخامس والعشرون من أيلولحيث تعيش القصص. اكتشف الآن