💕أنت قلبي٢💕

الحلقة ٦١

#انت_قلبي٢
#بوسي_مصطفى
_______________
الحلقة ٦١

في فيلا وليد ..
سعاد : وهو اللي باعتك تقولي الكلمتين دول يا منه؟
منه : إياد مبعتنيش يا ماما انا جايه من نفسي.
سعاد : طب وكلفتي نفسك وجايه تقوليلي الكلمتين دول ليه
كنتي قولتيهم في التليفون وخلاص.
منه : ماما إياد ميستاهلش من حضرتك كل اللي حصل ده.
سعاد : جوزك دا قليل الادب وكان لازم يتربى في القسم بس أنا اللي مارضيتش يتهان .
منه : كل دا وما تهانش يا ماما وليه اصلا كل دا يحصل؟؟
عمل ايه إياد خلى حضرتك تكرهيه بالشكل دا؟؟
سعاد : شايف نفسه على ايه تربية الحواري ده؟؟!
منه : كل دا علشان عنده كرامة يا ماما.
حضرتك مفروض يتهان ويسكت يعني؟؟
على العموم هو سكت علشان خاطري انا ياريت حضرتك بقى
تسبيه في حاله.
سعاد : تصدقي انك بقيتي نسخه منه.. اكيد طبعاً لازم تاخدي من أطباعه.
منه بتبكي : إياد تعبان علشان خاطري يا ماما متروحيش المحلات تاني ولو عايزانى كلميني وانا هاجي لحضرتك.
سعاد : لا كتر خيرك يا بنت علي
ما انتي اصيله وطمرت فيكي تربيتي ليكي زي ما هو هان عليه العشرة بالظبط.
منه : وانا ذنبي ايه يا ماما؟؟
حضرتك وبابا كان فيه خلاف ما بينكم انا وإياد بقى ذنبنا ايه؟
سعاد : إياد.. إياد يكونش له قيمه وانا معرفش؟!
منه : بس له قيمه عندي وعند ولاده يا ماما..
علشان خاطري بلاش  إياد هو معملش حاجه لكل دا.
مخطفنيش منكم ولا اجبرني إني اتجوزه علشان كل دا يا ماما وحضرتك زي ما شايفه إن إياد مكانش يحلم يتجوز جوازة زي دي
مع إني معرفش ايه الميزة اللي فيها يعني لو متجوزنيش مكانش هيتجوز خالص على العموم انا كمان مكونتش احلم اتجوز واحد زي إياد.. مش مكابره ولا عند ابدا بس دي الحقيقة..
سعاد : خلاص اتفضلي روحيله علشان تخدميه هو و ولاده.
منه : حاضر يا ماما بعد إذن حضرتك.
___________

في المستشفى في مكتب د. كريم..
دكتور عامر : انا قولتلك كده يا دكتور؟؟
دكتور مؤمن : ايوه انا يعني هكدب ليه؟؟
دكتور عامر : اوك بس اكيد سألت على نوع تاني بما إنك بتقول الدوا دا كان موجود
انا بقى هكدب واقولك مش موجود ليه؟؟ .. ما حضرتك هتعرف.
دكتور مؤمن : السؤال دا ممكن تجاوب عليه الدكتور كريم ودكتور هشام.
كريم : ايه رأيك في كلام دكتور مؤمن؟؟
دكتور عامر : محصلش حضرتك يعني انا ليه هكدب عليه وايه مصلحتي اصلا؟؟
دكتور مؤمن : على فكرة انا بحكي موقف حصل متهمتكش ب أي حاجه.
دكتور عامر : لا ما هو واضح!!
كريم : اوك حضراتكم ممكن تتفضلوا تشوفوا شغلكم.
يخرج الدكاترة...
كريم : ايه رايك يا هشام؟؟
هشام : بصراحه الموقف محير يا كريم رد فعله وكأنه بيحاول يبقى طبيعي.
كريم ': هو دا اللي كنت منتظر انك تقوله.
هشام : يعني انت كمان شكيت فيه.
كريم : طبعاً لازم أشك فيه.
هشام : طب سيبته ليه؟؟
كان ممكن تحوله ل التحقيق وهناك بقى نعرف الحقيقة.
كريم : لو اخدنا الخطوة دي معاه في يبقى بنقطع الخيط اللي هيوصلنا ل باقي.. الناس اللي بتدبر  تدمر المستشفى.
هشام : وجهة نظر برضه بس هو انت هتعين اتنين يراقبوا علشان نعرف بيروح فين وبيقعد مع مين.
كريم : اكيد لأ طبعاً بس مسيرة يوقع.
هشام : انا مش عارف انت هتشتغل رئيس مباحث ولا دكتور
ههههههههههههه
كريم : هههههههههههه
هم يبكي وهم يضحك.
هشام : استأذن انا بقى.
كريم : ليه ما انت قاعد.
هشام : هههههههههههه  هتعشيني.
كريم : يا سلام... نطلب عشا حالا.
هشام : لا انت بتعمل ايه؟؟
بهزر معاك.. انا اصلا مروح البيت..
كريم : نتعشا مع بعض وبعدين روح زي ما انت عايز.
هشام : مينفعش ههههههههههههه
انت كمان لازم تستريح شكلك تعبان اوي.
كريم : شويه كده وهروح.
هشام : اوك .. سلام عليكم.
______________