سجينه الضابط القاسي 🔞

البارت الثاني

السلام عليكم

نغم ...شنو
أحمد...ماريد اسمع صوتج يله يمه
نور ....ماشي يمه كومي لج كضتها من شعرها
نغم...اااااي عوفيني
نور... كوووميي لججج بربو""" كحب"""كومي
نغم استسلمت وكامت  اخذتها للغرفه وقفلت الباب عليها

نغم كعدت تبجي وتلعن حضها الخلاها يمهم راحت طلعت صورت أمها إلي أبوها اطاها إلها علمود تذكر شكل أمها اكيد بطلب منها بلكوه وافق واطاها الصوره كعدت تحاجي أمها ....شفتي يمه شاجي يسوون بيه شفتي شلون يعاملوني يمه فدوه ارجعي اني السبب بموتج اني لو ما اني جان هسه انتي عايشه تمنيت نفسي
نفس كل  بنيه تكعديني بصوتج الحنون تمشطيلي ومن اتمرض اداريني وضلت تعاتب بامها

..في مكان آخر

إيهاب ...يله عمي اني اترخص
رحيم...وين بويه بعد وكت
ايهاب ..غير مره عمي عندي شغله
رحيم...انشالله.بويه وصله لباب
ايهاب...مع السلامة
رحيم...الله وياك وليدي

أحمد ...ها  يمه وينها
نور...بغرفتها حابستها
أحمد ...أطيني المفتاح
نور...هاك ربيها زين
أحمد...مو من هاي العين (عمه بعينك )
نور...تسلملي عيونك بعد أمك

رحيم...شهل غزل هاذ شنو نسيتوني
نور...ههههه لا حبيبي مانسيناك انت الأصل
أحمد....وأني شنو اكسباير 
رحيم ...هههههههه اي
نور...يو كافي ثنينكم عسل على كلبي
محمد ...وأني
نور...بسم الله منين طلعت
محمد...من الباب غير خلصت الإمتحان واجيت
رحيم...شلونك بالامتحان
محمد...تمام
رحيم...خوش
محمد...خوشات لعد نغومه وين (محمد الوحيد باخوانه يحب نغم )
رحيم ...مادري يمكن بغرفتها
محمد ...لعد أروح اشوفها
أحمد ...محمد
محمد...نعم
أحمد...ماكو صعده
محمد...ليش عيوني
أحمد...كلت ماكو صعده وخلص
محمد...اصعد وغصبن عليك
أحمد...متكدر تفوت حتى لو صعدت ويفر بالمفتاح
رحيم...أحمد بس لا لبالي. صح
محمد...حبستها يل نذل
أحمد ...أي تستاهل
رحيم...احمددد منو سمحلك تحبسها
نور. ..اني سمحت اله تستاهل لعد شلون تقبل تصعد وي واحد متعرفه

رحيم....نورر احترمي نفسج لا والله اموتج بتي مربايه أحسن تربايه فهمتي
محمد ...أحد يفهمني شكو
أحمد...اني افهمك أختك المحترمه او بت أبوك صاعده وي رجال غريب
محمد...شنوووو
أحمد...مثل مسمعت وشفناها اني وابوي بعيونه ناازله من سيارته
محمد...مستحيلل نغم متسويها جيب المفتاح
أحمد....هاك

رحيم. ..أيا ما مرباي تتهم أختك ولك عيب عود انت اخوها لو ما هي متخربطه بالشارع وهو مساعدها وماخذها للمستشفى جان هسه ولد الشوارع الله ليستر  منهم

محمد ...صدك ما مرباي جان لازم تكعد  وياها تكللها شبيج خيتي شيوجعج شنو بيج مو تتهمها تهمه باطله وأخذت غيبت الرجال وهو مساعدها وماخذها للمستشفى .مع كل الاسف
نور ...محمددد عيب أحترم هاذ أخوك أكبر منك

رحيم ...هو منو طيح حضه غيرج كل يوميه تملين برأسه عبالك رأس بيتنجان وتحشينه وي الدولمه عالعشه
محمد ...ههههههههه
نور...كبر تضحك على أخوك
محمد...هههههه اني صاعد
نور...كلعه
أحمد عافهم وطلع وهو متوعد النغم أكثر 😠😠😈

نور...احمددد يمه أحمد هسه ارتاحيتو
رحيم. ..استغفرالله أروح أنام احسلي
نور...روح روح

في مكان آخر ...

محمد صعد فتح القفل وفتح الباب دخل شافها تبجي  هي من شافته باوعت علي وتبجي

محمد...افاا ليش  هاذ البجي كله
نغم ... ____ساكته وتبجي
محمد...يحياتي انتي مسويتي شي مجرد تخربطتي واخذج للمستشفى لا أكثر مالج  ذنب هو مجرد ساعدج
نغم ...ليش احمد مو مثلك ليش يتهمني ليش أمك تكرهني هااا ليش شنو سويت بحياتي حتى هيج يعاملون

محمد...مسويتي شي بنيتي وحضنها
نغم...اوعدني متعوفني
محمد...وعد يروح اخوج  اكو واحد يعوف روحه
نغم...شلونك بالامتحان
محمد...تمام وانتي
نغم...تمام بس تعبانه كلش
محمد ...ليش
نغم...تدري منايمه بس ساعه وحده وبالمستشفى  مااعرف  شكد نمت
محمد...بيش الساعه من حليتي
نغم...رحت ب7وحليت ب8ونص ومن رجعت من المستشفى ب9ونص وهسه ب10اله ربع
محمد..يعني نمتي بس ساعتين بس ليش البارحه منمتي
نغم بتعلثم...ها  مو تعرف لازم أقره لأن الاسله صعبه وأخاف انسه سوال أو  شي
محمد بشك ...ماشي

نغم...أريد أنام بحضنك نفس قبل
محمد..مو تدللين
نغم ..ابتسمت هو حضنها ماطولت بسرعه نامت هو هم نام وياها عالواهس

في مكان آخر

اول شي السلام عليكم

اسمي إيهاب عمري 30اشتغل ضابط  طبعي عصبي متملك غيور وماريد ارتبط لان اعرف بنفسي اي وحده اتزوجها راح اضلمها لذا لك عايش حياتي
شكلي

اسمر عيوني خضر شعري اسود فاحم خزرتي قويه خشمي  مثل لسيف معضل لأن ألعب حديد طولي 194(تيل ماشاء الله الله يزيد طولك ويحفضك )

يتيم الأب والأم أهلي ماتو بحادث وي اخوي على طريق البصره. عايش وي أختي الوحيده

سلام اسمي وهج عمري 23دكتوره ماريد ارتبط طبعي عصبيه شوي ما حب اشوف أحد يتعذب كدامي صبوره
شكلي
بيضه عيوني زرك على والدتي شفايفي صغار شعري اسود وطويل مامتحجبه حواجبي  ورموشي
ثخان ومرتبات كلش حلوه
طولي 164وزني 50ضعيفه
..
إيهاب رجعت البيت شفت وهج كاعده ..صباح الورد
وهج ...صباح الياسمين شعجب رجعت من وكت
إيهاب..صارت شغله وماكدرت أروح
وهج ...شنو
إيهاب ...شوفي وحجه كلشي

وهج. ..خطيه بس مبين اخوها مراح يسكت إلها
ايهاب ...اففف شسوي
وهج. ..هي حلوه
إيهاب تذكر شكلها وبتسم ...اي
وهج ...مناوي تزوج
إيهاب ...شسوي بالزواج
وهج...إيهاب حباب تره اني أريد أصير عمه وتصير عندي صديقه واخت
إيهاب. ..أفكر
وهج ...مو طول بتفكيرك اليوم أحد الجمعه أريد الجواب
إيهاب.... الله كريم

.....
يتبع