Meet Me In Clark High (Reistre Series #1)

Chapter 48

Chapter 48: Love

“Tabi tayo,” bulong ni Jace nang lumabas na kami para mag-dinner.

Inirapan ko siya. “Ayaw ko. Umupo ka sa dulo, ’wag malapit sa akin,” pagtataray ko.

Humalakhak siya at mapanuyang hinawakan ang baywang ko. “Why?”

Hinampas ko siya sa braso. “Nahahalata ka, ano ba!”

Napataas siya ng kilay. “Ano naman? I like it that way.”

Umiling na lang ako sa kalokohan niya.

“Let’s eat, guys!”

Hindi tumabi si Jace sa akin dahil iyon ang utos ko. Ayaw kong kantiyawan kami dahil magkatabi kami kaya ang nasa tabi ko ay si Trisha at Chesca.

Nagdasal muna kami bago nagsimulang kumain. Puno ng tawanan at biruan ang hapag. Kaliwa’t kanan din ang ‘congratulations’ nila para kay Jace.

“Paniguradong inspired ka talaga, hijo...” Nagsimula nang humirit si Lolo.

Magkatapat lang kami ni Jace at nang sumulyap ako sa kaniya ay ngumisi siya sa akin. “Oo nga po, e.” He smirked at me.

Napansin iyon ng mga tao sa hapag kaya halos masamid ako.

Nanunuya naman ang tingin ng mga kaibigan sa akin kaya mas lalo akong nahiya.

“May girlfriend ka na ba, Jace?”

Napalingon ako kay Mama nang tanungin niya iyon. Sumulyap siya sa akin bago kay Jace, naghihintay ng sagot.

“No, Tita. May hinihintay po ako,” tugon naman ni Jace.

Naghiyawan ang mga kaibigan namin.

“Sino naman ’yang hinihintay mo, anak?” si Tita naman, nang-aasar ang boses.

Siniko ako nang bahagya ni Trisha. “Yie.”

Bumuntonghininga ako saka palihim na sinamaan ng tingin si Jace.

Nang matapos ang dinner ay kinuha ko kay Kuya ang itim na paperbag na regalo ko para sa kaniya at ipinagbilin na lang kay Tita dahil nahihiya akong ibigay iyon sa kaniya. Gladly, she agreed.

Naligo na kami sa pool pagkatapos ng isang oras. Naka-swim suit ang mga babae habang topless naman ang mga lalaki. Nagbatuhan ng bola, at nagpaunahan lumangoy. Halos sumakit iyong tiyan ko sa kakatawa sa mga pinaggagawa namin.

“Mahuli pangit!” sigaw ni Archie.

Nagpaunahan silang lumangoy papunta sa dulo samantalang ako ay nagpahinga muna sa sidepool at pinanood na lamang sila.

“Kahit mauna ka, pangit ka pa rin!” sigaw pabalik ni Kent.

“Mga baliw!” tawa ni Trisha.

“Baliw sa ’yo!" tugon ni Sam.

Humagalpak ako sa tawa. Walang hiya, ang cringe. Nagpatuloy pa sila pag-aasaran.

Umihip ang hangin kaya nilamig ako nang husto. Habang pinanonood sila ay hindi ko namalayang nasa malapit na pala si Jace.

Bahagya pa akong napatili nang hawakan niya ako sa binti. He frowned. “You’re cold, get dressed.”

Umiling ako. “Mamaya na, KJ mo naman,” sabi ko at bumaba para magbabad na ulit sa pool.

Isinandal ko ang dalawang siko sa sidepool habang pinagmamasdan sa harap si Jace na nakahalukipkip.

“Ang lamig, but you made it hot,” sabi niya, natatawa.