____ إذا أمسكت بيدي ...سأتغير ! _____
كل ما في الأمر أن الإنكسارات التي يعيشها الإنسان تشكل بداخله ملامح جديدة يجبر على التعايش والتعامل معها ، وبذلك ليس بالضرورة أن يكون شخص سيء لأنه يريد أن يكون سيء إنما هناك عثرات لها ندوب بداخل قلبه الذي عجز هو الآخر أن يستقيم فلجأ إلى أي طريقة تجعله يواصل دون أن ينتعش جرحه مرة أخرى ...
هكذا كانت( ألق )، معدنها طيب.. لكنها وجدت نفسها في منتصف النيران دون منقذ ،صهرتها الحرارة لتتحول إلى شخص آخر لاتكاد تعرفه وبالكاد تتعامل معه ..
كانت تنام بغرفة (فردوس وفيروز )، فقد أحضر لها (ماجد)سريرا ثالث يتوسط أختاه ، جلست إليها (واهبة) حيث كانت تمشط شعرها المبعثر بإهمال فقالت لها (ألق ):
_ يعني كدا بيكون حنان الأم ..صح ؟ يعني تلاقيها فى ضهرك تدعمك وتمسك بإيدك عشان ماتوقعيش ، تسرحلى شعري وتسألني عن حالي ، الأم بيقولوا ليها حضن دافي ..أنا عمري ماأفتكر إني حضنت أمي ...
فقالت (واهبة )بحزن وهي تحتضنها من الخلف وتجمع يدي( ألق) بين يديها :
_ أنا هكون أمك وهحميكي من أي حد ، بس إنتي اللي لازم تمسكي إيدي ياألق ، إللي كنتي بتعمليه فى حياتك بيغضب ربنا جدا ، لازم تبتدي حياة جديد وتقربي من ربنا عشان ينور قلبك ، أنا هفضل في ضهرك وهسحبك من البير اللي واقعة فيه ..
ماتضيعيش إللي باقي من شبابك يا ألق ، تعرفي أنا ليه وافقت تدخلي بيتي مع إني عارفة تصرفاتك ؟ ..
معدنك الطيب يابنتي ، عارفة إنك كنتي وحيدة جدا ماحدش مسك ايدك وحاسبك على الصح والغلط ، عارفة إنك كنتي بتدوري على الحب والحنان بس في مكان غلط وبقلوب ناس غلط ..
بدأت دموع (ألق) تنهمر على خديّها وهي تمسك بيديّ( واهبة) ثم قالت من بين دموعها :
_ أرجوكي ماتسبنيش لوحدي أنا خايفة جدا ..خايفة من نفسي ، أنا مش هقدر أرجع زي ماكنت بعد ماحبيت ماجد بس لو سابني مش هقدر أعيش ..أنا عايزة أتغير أرجوكي ساعديني ياطنط ..أرجوكي !
عانقتها( واهبة )بقلب أم وقالت :
_ إنتي قومي بالسلامة وهعملكم أحلى فرح ، بس عايزين نتفق ماتجبيش سيرة الموت تاني ، اللي جاي هيكون حياة ..حياة و بس ! ..اتفقنا !
وبينما هما كذلك دخلت (فردوس وفيروز) متتابعتين وقالتا معا:
_ عايزين نطلع ..وهناخد ألق معانا !
نظرت (واهب)ة إليها كأنها تسألها لكن الفتاتين سحبنا (ألق )من ذراعها وقالت إحداهما :
_ تعالي معانا هنجيب حاجات لخطوبة فيروز وعايزينك تختاري معانا ..
ابتسمت بوهن فقالت( واهبة) :
_ رايحة فين بفستانك القصير دا ، لالالالالا ماينفعش يابنتي كدا ، البسي تحته بنطلون ..
ابتسمت الفتيات على كلام (واهبة )ثم قالت ألق:
_ هغيرو ياطنط ماتقلقيش !
خرجت الفتيات فقصد (ماجد )أمه التي جلست وراء آلة الخياطة وقال بامتنان :
_ متشكر أوي ياأمي على اللي بتعمليه مع ألق ربنا يديمك لينا يارب !
طول عمري بحلم بيكون ليا أخ أتسند عليه بعد وفاة أبويا الله يرحمه بس إنتي زي الجبل في ضهري ياأمي ..إنتي بس ومش عايز من الدنيا حاجة !
أنت تقرأ
الخامس والعشرون من أيلول
Lãng mạnفى نفس الليلة من كل عام تخفى وجعها خلف ستار من المجون.. فقط هو من يسمع إستغاثة خافقها التى تصرخ..من ينقذنى من هذا الجنون؟ ليقرر أن يكون بطلها ..ويلبى نداء العيون .. لم يكن يتخيل أن يعشق فتاة مثلها ولكن رغما عنه قد صار بها مفتون فهل يصبح الخامس والعش...
