خمسة اغسطس
البارت الرابع والعشرون
فاتن بصدمة:ادهم!
ادهم:ازيك يا فاتن
فاتن بجمود:عايز اية
ادهم:انا عارف اني ضايقتك كتير بس انا جاي دلوقتي علشان اعتذرلك عن اللي حصل
فاتن ضحكت:بجد!!جاي تعتذر بس تعتذر على اية ولا اية يا ادهم!!تعتذر على شتيمتك ليا!!ولا شتايم صحابك ليا!!
ادهم:عارف اني غلط بس كلنا بنغلط وانا عايزك تسامحيني
فاتن:لا يا ادهم غلط عن غلط يفرق....كنت عايزة اعمل عيد ميلادك وافرحك وفي الاخر رايح تجيب صحابك ورايح تجيب ريهام علشان تتخانق معايا بعدت عنك بهدوء وجاء اخر يوم امتحانات ريهام اتخانقت معايا وبعدين انا قولت اكلمها ونتصفى انا وهي ومغلطتش في حاجة بس حضرتك جيت تتصل بيا وتشتمني برغم اني مغلطش فيها ولا فيك مش تسكت على كدا!لا حضرتك اتصلت بيا وفتحت الاسبيكر وشتمتني انت وصحابك باوحش الشتايم جاي بكل برود وتطلب مني اسامحك!!لا سوري يا ادهم مش مسمحاك
ادهم:عارف أن صعب تسامحيني بس صدقيني انا لما عرفت أن ريهام اتخانقت معاكي بهدلتها
فاتن بتريقة:هي فين صح مجبتهاش لية؟
ادهم بهدوء:سبنا بعض
فاتن:تؤ تؤ خسارة زعلتني
ادهم: لية؟
فاتن بقرف:علشان انتوا الاتنين لايقين على
ادهم بصلها:مش انتِ كنتِ بتحبيني؟
فاتن:زي ما انت قولت كنت
ادهم ببرود:ولسة لحد دلوقتي على فكرة
فاتن ضحكت:تؤ تؤ مسكين يا ادهم....عارف انا لما بفتكر الايام اللي كنت بحبك فيها كنت بقرف من نفسي كنت بجد متخلفة يا ادهم بس بعدها فوقت وكرهت كل حاجة تخصك كرهت الشوارع اللي كنا بنمشي فيها كرهت الشارع بتاعك كرهتك إنت شخصيآ....انا بحمد ربنا انك بعدت عني انا كنت مخدوعة فيك يا ادهم بس الحقيقة ظهرت...عارف عجبني غرورك وانت بتقول اني لسة بحبك صعبان عليا انك فاكر نفسك مهم بالنسبالي وفاكر نفسك محور حياتي ومن غيرك العالم هينتهي عارف انت بتفكرني بجزمة كدا كانت عندي لما رحت جيبتها كانت عجباني وكان شكلها اصلي بس لما جبتها اكتشفت انها مش اصلية رحت رميتها في الزبالة انت بالظبط كدا انت صفحة قديمة واترميت في الزبالة
ادهم كان واقف مصدوم من كلام فاتن!معقول دي فاتن اللي كانت بتحبه وبتموت فيه!ازاي بقت قاسية كدا!!دي كانت بتحبه وعندها استعداد تعمل اي حاجة علشانه!
فاتن استغربت نفسها واستغربت كلامها!ازاي قدرت تكلم ادهم حبيبها كدا!!بس هو دلوقتي مش حبيبها!!هو ممكن الإنسان يكرهه حد كان بيحبه في يوم!
فاتن بعد ما قالت كلامها حست بانتصار حست أن كرامتها رجعت تاني وفرحت من نفسها وقررت تمشي وتبعد عن كل دا وتبدأ من جديد وحياة جديدة برا مصر....جريت بسرعة من قدام ادهم وخرجت برا المكان كله وقررت تسافر وتبعد عن الكل
ليلى رجعت تاني القاعة وهي فرحانة لرحيل ومن وجود مالك في حياتها وراحت ترقص مع رحيل وهي فرحانة
الخطوبة خلصت والكل روح هو فرحان
مراد:انا مستغرب من فاتن ومن قوتها ازاي دي فاتن اللي كانت بتعشق ادهم انا توقعت أنها أول ما تشوف ادهم هتنسى كل اللي حصل
ليلى ابتسمت:ساعات كتير بنكون بنحب ناس بس الناس دي بتيجي علينا وبتستغل حبنا غلط يا مراد وحتى لو كنا لسة بنحبهم مينفعش نرجع لأن الرجوع بيبقى دمار لينا ولكرامتنا
مراد:فاتن كانت بتحب لسة بتحب ادهم!!
ليلى:مش عارفه بس فاتن اتغيرت فاتن لما رجعت كان كلها جبروت حكاية ادهم أثرت في قلب فاتن...فاتن شخصيتها قوية بس حب ادهم خلاها ضعيفة فلما ادهم بعد هي رجعت لقوتها بس بقت اقوى من الاول بمراحل واي حد يجيي عليها مش بتسكت فعلا الضربة اللي مبتموتش بتقوي وفاتن بقت قوية
مراد:العلاقات دي غريبة اوي كل علاقة في حياتنا غريبة
ليلى:كل حاجة في العلاقات متبادلة
مراد:يعني اية
ليلى:كلنا حبينا واتحبينا سيبنا واتسابنا كنا مستنين ناس معينة ومجتش وناس كانت مستنيانا ومجناش عملنا بلوك واتعملنا بلوك كلنا حبينا البدايات والاستعباط اللي في الأول كلنا راقبنا اخر بوست واخر ظهور واخر صورة كلنا انبهرنا بناس وناس انبهرت بينا كلنا كان عندنا صحاب وبعدوا عننا بسبب ناس واحنا بعدنا عن صحاب بسبب ناس كلنا اتجرحنا وجرحنا كلنا اتصدمنا في ناس وناس اتصدمت فينا كلنا عيطنا بسبب ناس وناس عيطت بسببنا كلنا اتخذلنا وخذلنا
مراد:عندك حق يا ليلى دا ملخص كل اللي في حياتنا
ليلى:بالظبط احنا كلنا بنلف في دائرة مقفولة هتعمل حاجة حلوة مع حد هتلاقي اللي بيعمل معاك حاجة حلوة ولو عملت حاجة وحشة مع حد هتلاقي اللي يعمل معاك الوحش كما تدين تدان واحنا ماشين بكدا
مراد:عندك حق...كملي
ليلى بتعب: كفاية النهاردة
مراد:طيب
مراد مشي وتاني يوم راح عند ليلى
مراد:كملي
ليلى:طيب
أنت تقرأ
خمسة اغسطس
Acciónليلى:لا طبعا هو مش غبي هو معندهوش صحاب معندهوش حد يبقى معا فعلشان كدا بيعزم الناس دي يمكن حد يصاحبه بس للاسف الناس بتستغله وتستغل طيبته...متحكمش على حد يا مراد من غير ما تعرفه لأن هتلاقي جوا كل واحد قصة حزينة مراد:ما ممكن الناس دي بتحبه بجد ويمكن ه...
