هديت اشيخ

مقتطفات

هدية_الشيخ_

القصه جديده ولساتها دتنزل لحد اليوم واصله ١٤ تحكي عن ...
شيخ يتزوج من ارملة اخوه حتى يحتوي اولاد اخوه....بس وين راح تقودهم هالحاله...قصة مستوحاه من الواقع...ماهو حجم المشاعر عندما يلتقي رجل اربعيني مع ذات ال17 سنة....

#altmeme313
#البداية

بسم الله

مرحبا بكم بهل الكتاب😊❤...

طبعاً هل القصة تحجي عن شيخ فقد اخوه وعزيز روحه الي هو صديقه اكثر من ما هو اخوه...

وهو يتزوج ارملة اخوه الشهيد بس حيكون زواج عالورق بس وحتى يحتوي اولاد اخوه من التشتت ويربيهم بنفسه وهي ياترا شنو موقفها...وهاي الزوجة راح تكون سهلة او صعبة😉...

وهو متزوج بس زوجته مريضة بفشل كلوي والله مارزقه غير ولد واحد...وشكثر يكلوله تزوج خصوص زوجته المريضة بس هو قانع بأبنه...

وهو راضي قانع...

شيخ طيب واخلاقه طيبه تشهدله الناس...
تجي صدفة وينطوه بنية هدية بنت شيوخ وهي فرق عمر عنه كلش كبير...

القصة بيها... سحر...صدمة...ظلم...غيره...مراهقة على نياتها...شهيد...عشك...

جبتلكم مقتطف حتى تتحمسون للقصة شوي 😍

#مقتطف 1....

احتارت شسوي وظلت تحوس وهي بردانة وبطانيتها متدفيها وماتعرف ليش تستحي تروح تجيب بطانية ثانية من بره...

تكورت على نفسها من البرد وهي تتأمل السرير والي نايم عليه...كامت كعدت ظلت تباوعله وهو غافي ومامتغطي ومستغربة منه برغم البرد ما متغطي...

كامت بهدوء وهي تقترب من السرير والغرفة مو ظلمة تيب لمبة مشتعل لأن تخاف من الظلمة لذلك هشام يخلي واحد مشتعل...

راحت كعدت بهدوء كباله وهو نايم..باوعت لعيونه المغمضة ولخشمه وحواجبه ابتسمت وباوعت لحيته حلوة عليه..كلبها دك حيل...

همست لنفسها:الدنيا كلها تحله بعيني من اشوفك وانسه كلشي حوالي..وكأنه ما موجود غيرك بهالكون..خليتني احب الحياة ياشيخ..دخيل الله شيصير بكلبي المريض من يشوف ابتسامتك.. كلهم مجرد تراب بالنسبة الي بس انته قطعة ذهب

فتح عيونه..وهي فزعت وكامت من كباله بسرعة وهو لزمها بسرعة...وهي رجفت كل خلايا جسمها..وجهها صار ازرك من الخجل...

سحبت ايدها تريد تروح ماكدرت لازمها قوي..وتحس بحرارة دمه ودفو ايده على ايديها...

حجت بتوتر:أ أ أسفة ج ج جيت اغطيك

هشام كعد وهو بعده لازم ايدها:وليش تعتذرين بويه وشبيج خايفة وترجفين

اختفه صوتها:ب ب بردانة ما ما ب ب بيه شي

هشام ابتسم:تعاي بويه انه ادفيج..واخذها لحضنه وهي ظلت ادور بيها الدنيا وكلبها تحسه طلع من خواصرها من الخجل والمشاعر الشايلتها بين ظلوعها...............

#مقتطف 2.......

تباوعله بكل عشك وشلون يحجي ويه ابنه وامه...

بينها وبين نفسها:ياترى وحدة مثلي يحقلها تعشك شخص مثل هشام..هيبة وجمال وحكمة وعقل وطيبة واخلاق...

ظلت صافنه بوجهه وشنو يحجي وكل كلمة تطلع منه تكعد ترن براسها وتخلي كلبها ينبض حيل...

وتباوع حتى على حركة عيونه ونظراته وحتى رمشاته..وحركته المعتادة من يحك اطراف خشمه..ومن يلزم لحيته..ومن يبتسم ويشاقه ويه الحجية امه...

فززها من صفنتها صوته الرجولي...كلها شبيج بويه...

حجت بفهاوة:هااا..صحتني

هشام ضحك:صارلي ساعة اكلج وين الجاي

كامت بسرعة: ياربي نسيته..احترك هسة...وراحت بسرعة للمطبخ...

وصدك صاير الجاي اسود ليل..كامت سوت جديد...

تأففت:اففف شكد اكره كلمة بويه من يكلي اياها..ياربي شبيه هاي عود من صدك حبيته انه وهو معتبرني زعطوطة وما معبرني..يالله شصارلي..اي شبيه واذا حبيته زوجي مو عيب ولا حرام

ايمان اجتها:هاي شبيج خبلة...

بعدها ما كملت فزعت وطاح منها قندول الشكر وتطشر بالارض....

ايمان:الحمدلله والشكر شبيج اخترعتي..وهو انتي تحاجين نفسج مثل المخابيل

تكول بكلبها:من كبر حتى الاحلام ممنوع عليه..وطلعتلي هل الحية هسة شرد عليها بالله..احسن شي اتجاهلها هاي علاجها ولسمها الاناكودة..الارملة السوداء تففف اي والله.........

وهلو من جديد برجعة التميمية 😁

القصة تجنن ومو بس تحجي عن حب بنت ال17 لشخص اكبر منها ب23 سنة...تحجي عن معانات بنت من ظلم القدر الها وتحجي عن قضية نهب...