ف الصباح
زينب نائمة و فونها بيرن
زينب بنوم : الوو
ندى : نهارك انتي لسه نايمة
زينب : عايزة اي بقى
ندى : قومي يختي احنا لسه هننزل أبو طالب علشان نجيب باقي الحاجة بتاعتنا اللي ناقصة
زينب : ليه
ندى : الله يرخبيتك ي بت انهاردة حنة نادر ابن خالتك و لازم نجهز
زينب : هى رحمة هتيجي
ندى : رحمة و نورا مع إيمان ف الكوافير
زينب : اه صح .... طيب هقوم ألبس و انزل
ندى : بسرعة
زينب أغلقت الهاتف و قامت لبست و جهزت و نزلت تحت عند ندى و طماطم و شهد و مريم ف الشارع و وقفوا ميكروباص و مشيوا
ف الميكورباص
زينب : بقولكوا اي احنا هنخربها انهاردة مفيش واحدة تيجي تقولي لا مش هرقص
ندى : طب انتي و هترقصي مع ابن خالتك و رحمة و نورا كذلك احنا بقى نرقص ليه
زينب : مش انا هرقص معاه يبقى ترقصوا معايا و يسمى ولعنا الفرح
شهد : انا هرقص مع ايمان طبعا
زينب : اه ما انتوا الاتنين حبايب اوي
شهد : يعني انتي مش بتحبيها
زينب : بحبها والله انا بس اقصد احنا اللي نولعها مش رحمة اختي و صحابها
طماطم : عندك حق انا هرقص طبعا مش هقعد
زينب : مفيش حد فيكو شبهي ف تصرفاتي زيها والله
ندى و شهد : كتكم الارف
زينب : أهو انتوا الاتنين بقى شبه بعض
مريم : طب انا شبه مين
زينب و طماطم : شبهنا طبعا 😂😂
زينب بصوت عالي : ع جنب ي سطى
وصلوا عند أبو طالب .. و هو عبارة عن كذا شارع جنب بعض فيه ناس بتبيع هدوم و شنط و ميكب و حاجات من دي يعني
ندى : كده احنا جيبنا الطرح ناقص اي تاني
طماطم : الميكب
زينب : و البندانات
ندى : طب يلا هنجيب البندنات بردو من عند رامي
شهد : طب يلا بقى انا تعبت
مريم : اه انا تعبت بردو
زينب بضحك : يلا ي مكسحة منك ليها
مريم و شهد : كتك الارف
زينب : 😂😂😂 يلا بقى من عايزين خناق
اشتروا كل شئ ناقصهم و زينب اتصلت ع سارة و اكدت عليها أن تأتي و بالفعل اخيرا خلصوا تسويق و ذهبوا إلي منزل ندى ليجهزوا فيه لأن منزل زينب موجود بيه الضيوف و منزل شهد بعيد شوية عن الزفة و المعازيم
طلعوا عند ندى و لبسوا و جهزوا و انزلوا
