نضت رحت ديراكت لشمبرتي ماجاوبتهمش
بدلت حوايجي ومسحت المكياج وتكسلت في فراشي رقدت ديراكت عييت من البكا والهم
فطنت فالليل جوايه 1 رفدت تلفوني لقيت 10 ابال من رقم مجهول
عاودتلو..
شهد: الو..
ياسين: الو وي
شهد: شكون معايا
ياسين: ياسين
شهد: شكون ياسين
ياسين: خطيبك
اااه يا ربي زاد لحقني حتى فالتليفون
ياسين: بلعتي لسانك
شهد: شكون عطاك رقمي
ياسين: يماك
شهد: وشنو هاذي يماك هذايك مرت بابا ماتزيدش تقولي يماك
ياسين: بالعقل وانا وين عارف
شهد: المهم راك عرفت
ياسين:شوفي شهد انا وين نعرفك حتان نتزوج بيك الله يسترك ختي راه عندي حبيبتي وفرقوني عليها ماتقبليش الله يسترك
هنا قلبي تقسم فوق اني راح نتزوج بواحد مانعرفوش زاد خرج بلي عندو حبيبتو
شهد: مانقدرش
ياسين: كيفاش هاذي ماتقدريش، ماتقدريش تقولي لالا!
شهد: وش حاب مني
ياسين: حابك تقولي لباباك مانتزوجش بيه
شهد: مانقدرش
ياسين: اووووه ماتهبلينيش غدوة يسموك تقولي
شهد: ماتفرضش عليا رايك نتا مام انا ماشي ميتة عليك ومانيش راح نقول صافا كومصا
كوبيت عليه وبكيت حتى شبعت😭
