ما ذنبي انا

الجزء الاول

اين أنا وماذا حصل بي من هم اين امي الى اين ذهبت (امي كلمه عظيمه) ،،،،،

مااامه ووينج تعاااللي شووفي الشطوره شكد آخذيت بالكيمياء ههه

امي*هلا بيج تعاي تعاي اكلي رحتي بدون اكل هسة توكعين

اني*اوك اوك بس لحظه شوفي يله يله حضري باجر اروح وياج مااشي

امي* هسة تعاي اكلي واخذج وياي بس هاا مو اجي اكعدج وانتي ما تكعدين تره اعوفج واروح

اني* مااشي

كعدت اكل وفرحانه باجر اروح ويه مامه لنجف ازور اخوي الله يرحمه
طبعا مامه كالت إذا نجحتي بالامتحان اخذج وياي واني اخذيت درجه كامله 😏 ههه باجر الفجر نروح اني واختي هم تجي اكلت و كملت ركض للغرفه بدلت روحت شمرت روحي على الفراش يماااي العشق هههه نمت وهل نومه نومه
ماحسيت على نفسي كعدت وحدي عجييب محد كعدني كعدت وحدي هاي اول مره اكعد وحدي
نزلت على أطراف أصابعي جني حرامي هههه رحت للمطبخ لكيت بابه
يتوضه صبحت عليه ورحت غسلت وتوضيت و صليت كملت رحت لمامه
لكيتهة متحضره صعدت للغرفه اويلي اختي بعدهي نايمه هههه لازم اخبث شوي رحت قريب يم اذنهة وعطت

اني*بشررررررررررى كووووومي

ما احس الة واختي كمزت من الجربايه و مبين عليهة الخوف هههه

بشرى*من لا رضه الله عليج خرب بيج شبيج تره والله اكعد بساع مو مثلج لو اطك قنبله يمج ما تكعدين
بسيطه والله الة أطلعهة بيج

اني* يله يله بلا حجي زايد روحي احضري روحج تره نعوفج ونروح

كمت من يمها نزلت لكيت مامه مسويه ريوك وبابه هم كاعد يأكل رحت كعدت اكل ونزلت اختي هم كعدت تاكل كملنه كمت شلت المواعين على المغسله واختي غسلتهن رحت ركض فوك اللمسات الأخيرة ههه واخلص لبست وكملت نزلت رحت وكفت بالباب شويه وطلعت مامه واختي طلع بن جيرانه هم السايق رحنه للسياره ركبنه وطريق كله خلصته نوم

بشرى*ايووته اكعدي ولج وصلنه ايووو

اني*اوهفف شلون يعني ما انام

بشرى*ولج يا نوم كومي الولد يريد يروح

اني * ياا عزاا اني بالسياره كمت على السريع نزلت واني مستحيه خرب هيج حض ههه رحنه للإمام علي (عليه السلام) زرنه ودعيت الستر و العافيه و ورها رحنه للمقبره اني لهناء احتلتني الرجفه كلش اخاف من المقبره رغم اعرف هذا مكانه بالاخير
بس اخاف منهة كلش كضيت أيد مامه و مامه عرفتني ضلت اطمن بيه ⁦
رحنه يم قبر اخوي اني لهناء نفجرت بجي كعدت يم القبر ودموعي ينزلن
اسولف ويه خويه يا بعد حيلي وين رحت وعفتنا يا خوية سوده علية بعدك بعز شبابك وغطك الترااب
تتذكر من جنه نعلب ونتعارك مو لولا جنت ما تخلي دمعه من عيني توكع
هسة دموعي كلهن منك ليش ما تحملت واني اتذكر ايامي ويه اخوي المات بنفاجر اووف كمت واني دايخه
ومامه واختي بعدهن يمه و يبجن ضليت صافنه وابجي كامت امي بس
اختي ضلت تبجي سوده بوجهي يا خويه اختي كامت و رشينه مي ورد على القبر وشغلت شموع رغم الدنيا بارده وبيهة هوة ضليت لحد ما خلصن الشموع ما خليتهن يطفن كملنه و ودعنه اخوي وطلعنه من المقبره رحنه للكراج لكينه السايق منتضرنه خطيه هواي ضلينه ركبنه وهم رجعت نمت بس بنص الطريق وكعدت هه اخاف تأخذني النومه
واتفشل مره ثانيه ضليت صافنه على الطريق دخلنه بغداد افييش يا ريحه
ولايتي اموت عليهة من اني وصغيرة حب بغداد ،،

وصلنه نزلت من السيارة نعسانه كلش اول ما طبيت البيت العصر وصلنه امي كالت ماكو هسة نوم يله يله كومن باجر بيش ساعه دكعدن ضليت كاعده كمت رحت للمطبخ اسوي كيكه وكلت اختي تسوي عصير البرتقال طبيعي سويت وخليته بالفرن رحت لغرفه بابه و مامه صحت لهم يكعدون بالحديقة كامو كعدو ضلينه نسولف تذكرت الكيكه كمت ركض للفرن اوف همزين لحكت عليهة طلعتهة هية وعصير من الثلاجة ورحت للحديقه ضليته ناكل بابه كال

بابه*شنهو بويه بنياتي كبرن وكامن يعرفن يطبخن هههه

بشرى*لا والله بويه انته تعرف اني كولشي اعرف اطبخ بس ايوته متعرف

ايه* اي مو اني بعدني عنونه بس هاي صارت عجوز ههههه

بشرى* شنوو ههه تره اني عمري ٢٠سنه واني اكبر منج بستنين

ايه* المهم منو الاكبر يا عجووز النار ههههه

امي*ولك حمودي شوف شكبر الوحده و يتناكرن

بابه* اي والله وحده شكبرهة و جنهن جهال

ايه*اووف انتم مصرين انو تكبروني فابااااي هههههه

رحت لغرفه بعد وكت للاذان ضليت اراسل زهرة صديقتي بالمدرسه

زهرة*ولج ايوو ضل بالي عليج اليوم ليش ما مداومه

ايه*ياا نسيت اكولج جنه بالنجف نزور اخوي

زهرة*ياا عوبه غير دكولين المهم راحت ادزلج الواجبات وهاا باجر متحان رياضيات

ايه*اووهف هم متحان يله انتضرج دزي على مود أقره

دزت الواجبات وضليت أقره خلصت كمت باوعت على الساااعه يممما فاتتني الصلاه كمت نزلت توضيت و صليت كملت رحت لمطبخ اسوي عشه اني و بشبش ضليت اسوي زلاطه وكذا وهية تگلي نواشف خلصت كمت
فرشت السفره و ودعيت الاكل صحت بابه و مامه كعدنه ناكل واني و بشبش بس نتناگر احب اغثهة ههه
وبابه يضحك علينه يكول جهال كمت وضحت

ايه*سفررره دااايممه

بشرى* وجع حته وجع شبيج تخبلتي

ايه*هههه عاتي عاتي وجع عليه هههه

رحت غسلت وبشبش جابت المواعين
اوهفف عليه مواعين العشه كمت جبت فوني وشغلت (هم غسل مواعين مامه صدك تحجين...)هههه
كل ما اغسل مواعين اشغلهة خلصت ورحت كعدت بل استقبال يم بابه ومامه ضلينه نتذكر ايام قبل شلون جان اخوي ويانه اووف كمت من يمهم ركض للغرفه شمرت روحي على الفراش وضليت ابجي ومشتاقه لاخوي كوومه اجت بشبش يم راسي وضلت تحاجيني

بشرى* ايو حبيبي ترا هيج والله ميصير اخوي يتعذب بس يشوف دموعج يا عمري البجي ما يرجع ولا يقدم يلا نامي نامي باجر انتي صبحي

.............،&&

قراءه ممتعه،,,,

والله عذرني ما اكدر اطول البارت نشاء الله البارت القادم اطوله
تصويت 💔💔

في أمان الله 🙋🙋