💕أنت قلبي٢💕

الحلقك ٦٢

#انت_قلبي٢
#بوسي_مصطفى
______________
الحلقة ٦٢
في فيلا مراد
...
امل : ممكن تهدي بقى.
نورهان : انتي مش سامعه بتقول ايه
يا امل؟!
ليلى : انا غلطت في ايه يا خالتو؟
بقول لحضرتك مش هينفع و عبد الرحمن معايا اهو
حضرتك ممكن تسأليه بنفسك.
نورهان : ما هو من كلامك يا ليلى لازم يرفض.
ليلى : مش فاهمه يعني ايه من كلامي.. على العموم هو حر
لا انا بضغط عليه ولا ليه مصلحه اصلا في كل دا.
امل : ليلى يا حبيبتي انتي وعبد الرحمن مينفعش تقعدوا في الشقة لوحدكم.. الدنيا مش امان انتم هنا معانا مطمنين عليكم.
ليلى : ياريت ينفع يا طنط بس انا بحاول اقول ل خالتو إن مينفعش مش قادرة تفهمني.
نورهان : الموضوع له علاقة بشادي يعني؟
وخصوصا بعد ما اتخطبتوا؟؟
ليلى : حضرتك شايفه إن دا وضع طبيعي
اني افضل قاعدة هنا.. انا عن نفسي شايفه اني لازم امشي حتى لو هقعد في الشقة لوحدي دا الأمر الطبيعي
لان مامي وبابي مش موجودين.. بس انا مش هعيش لوحدي هيبقى َمعايا اخويا كمان.
نورهان : ايه ونسيتي وحيد اخوكي كمان؟
امل : وحيد مين؟
نورهان : ابن حسن يا امل ايه نسيتي انه كان متجوز على وعد وخلف منها ولد
امل : ايوه هي كانت جات هنا بالولد فعلاً
بس ليلى شافته فين مش فاهمه؟
ليلى : راحت سألت خالتو وعرفت إني بعد وفاة مامي قعدت هنا في بيت خالو.
امل : طيب يا حبيبي شوفتيه؟؟
ليلى : شوفته بس معرفش احساسي بيه غير عبد الرحمن خالص و دي حاجه مضايقاني.
امل : علشان بس لسه متعرفوش كويس
اكيد لازم عبد الرحمن يبقى أقرب ليكي لإنكم عايشين مع بعض بس دي فترة مؤقته وبعد كده هيبقى احساسك بيه عادي جداً.
نورهان : احنا مش في الاحاسيس دلوقت يا امل..
الأستاذة عايزة تاخد اخوها وتروح تعيش هناك لوحدها.
ليلى : هو انا مش من حقي اختار اعيش فين يا خالتو؟
نورهان ' مش لما تبقى عارفه انتي عايزة ايه الاول.
فيها ايه لما تقعدي هنا هو انتي وشادي قاعدين في الفيلا لوحدكم؟!
ليلى : حضرتك مش عايزة تفهميني برضه.
نورهان : مش عايزة افهم حاجه يا ليلى
خالك بقى يبقى يتصرف معاكي علشان انا تعبت.. سلام.
امل : استنى يا نور رايحه فين؟
نورهان : هروح يا امل.
امل : طب اقعدي اتغدى معانا.
نورهان : لا معلش مش هقدر علشان الولاد.. سلام.
امل : مع السلامة.
امل : قومي بقى اغسلي وشك ده وتعالى معايا ساعديني
في المطبخ.
ليلى ساكته.
امل : ما هو اسمعي انتي لازم تتعلمي الطبخ انا ابني مبياكلش بره غير لو مضطر وكمان مبياكلش من ايد حد غيري
بس بكره بقى ياكل من ايدك فأنا هعلمك وانسى حكاية إنك تروحي تقعدي في الشقة دي لأنك هناك مش هتلاقي حد يعلمك الطبخ.
ههههههههههههه.
فوكي بقى وتعالى ورايا.
ليلى : حاضر يا طنط.
______________

في المساء...........
في فيلا اسر.. وفي المكتب.
كان معاه مكالمة تليفونية من هايدي والأولاد قاعدين بره على السفرة متتظرينه.
📞
اسر : من غير غلط لو سمحتي.
هايدي : هو انا لسه غلطت يا اسر بيه.
بقى مليكة تطرد بنتي انا من بيتها؟؟!
ليه كانت مفكراه بيتها لوحدها واحنا منعرفش؟!
اسر : ملكيش فيه ومتدخليش فيه هما اخوات مهما يحصل هيرجعوا لبعض.
هايدي : اه ما انت لازم تقول كده.
ما هو لو كانت اللي غلطانه بنت هايدي كنتم علقتولها المشانق لكن اللي غلطانه دلوقت بنت سهر بنت حبيبة القلب يا سي روميو.
اسر : محدش بيعمل فتنه ومشاكل في البيت دا غيرك انتي يا هايدي.
الولاد كانوا كويسين مع بعض. وملك كانت بتحب سهر حب
معرفش من وقت ما جات عندك  والبنت تغيرت خالص حاسس وكإنك بدلتيها بواحدة تانية.
هايدي : كرهت بنتك علشان عرفت سهر على حقيقتها ولا علشان مزعلاها حبتين.. ملك
تعالي يا حبيبتي اسمعي بابي بيقول ايه.
اسر : هي وصلت للدرجادي؟!
انتي مستحيل تبقى أم.
هايدي : خلاص يا حنين اقفل وروحلها طيب بخاطرها.. مش متخاصمين برضه؟!
اسر : ميخصكيش في حاجه.. وانا غلطان إني فتحت المكالمة دي.. كان مفروض اقفل اول ما شوفت رقمك.. اللي مخليني قادر ابلع كلامك هي بنتي اللي عندك
ياريت تخلي بالك منها.
هايدي : ميرسي على نصايحك الغاليه دي.. سلام.
وقفلت هايدي وخرج اسر من المكتب.
كانت سهر قاعدة والأولاد وجنبها مليكه.
سهر لما لمحت اسر..
سهر : كلي بقى يا مليكة علشان تلحقي تنامي يا حبيبتي.
وانتم يا ولاد يلا.
قعد اسر ونظر ليهم وبدأ ياكل..
طبعاً مبيكلمش مليكة اللي قامت..
سهر : ايه يا حبيبتي مكملتيش اكلك ليه؟
مليكة : شبعت وبعدين لازم أنام
حضرتك عارفه عندي جامعه الصبح.. تصبحو على خير.
يرددوا : وانت من اهل الخير.
على : طيب يا جماعه استئذن أنا كمان ميرسي اوي على العشوة اللذيذة دي.
نظرت سهر ل علي ببتسامة.
اسر : انت لحقت تاكل؟
علي : ما هو انا بقالي حوالي ساعة إلا ربع قاعد هنا منتظر حضرتك وكل دا محسوب من وقتي.
عندي مذاكرة وجامعة الصبح ولازم أنام كمان علشان اصحى فايق.
مجدي : ايوه اهم حاجه تفوق كده علشان متخبطش العربية زي ما حصل النهاردة.
علي يغمز ل مجدي : اششش انت بتقول ايه؟
مجدي : ايه هتكدب؟
علي نظر لوالده : دا خدش بسيط يا بابي العربية سليمه مفيهاش أي حاجه.
اسر : المهم يا حبيبي إنك كويس.
علي : الحمد لله.
ويهمس ل مجدي : ياااه على كسفتك يا حازم.
مجدي : بس انا مش حازم.. ابعد ايدك دي.
علي : يا سلام و ادي ايدي اهي.
مجدي : انت مش كنت طالع تنام
اتفضل يلا..
علي : اوك.. تصبحو على خير.
مجدي : استنى جاي معاك.
علي : طب استني كده هشوف العربية.
مجدي : هتشوف العربية ليه يا ابني؟!
علي : مش عايز تيجي معايا
هبص بس اشوف العربية فيها مكان علشان تركب.
مجدي : يا سلام على الظرافه اللي انت فيها.
علي : ظرافه ولا غزاله.. حدد علشان بس نبقى متفقين.
مجدي : يا باي على تقل دمك.
سهر و اسر ينظروا لولاد ببتسامة وبعدها اسر عينه توقع على سهر وهي مبتسمه ل الولاد.
لمحته وهو بينظر لها.
اخدت الطبق ودخلت المطبخ وبعدها رجعت اخدت باقي اطباق الولاد.
و اسر متابع كل حركاتها.. وهي واخده بالها لكن متجاهله.
طالعه أول سلمه..
اسر : رايحه فين يا سهر؟
سهر : طالعه انام.. في حاجه؟
اسر : كنت عايز اتكلم معاكي شوية.
سهر : معلش مش قادرة اسهر خليها ل بكره.
اسر قام وقرب منها : هو ايه اللي بكره؟!
انا لما اقولك عايز اتكلم معاكي يبقى لازم تقعدي وتسمعيني.
وجذبها ليه وبعدها يتفاجيء إنها بتبكي.
اسر : ليه كل دا يا سهر؟
سهر بتمسح دموعها : اسأل نفسك.
اسر : اوك انا عارف إن الموقف في تفاصيل كتير انا معرفهاش بس دا مش هيدي ل مليكة المبرر برضه إنها تكلم اختها ب الأسلوب ده.
قوليلي بقى ايه اللي دار بينهم؟
سهر : وم سألتش مليكة ليه؟؟
اه نسيت انت مبتكلمهاش صحيح.
اسر : علشان غلطت يا سهر.
سهر : تمام.. يبقى انت عايز تتكلم معايا في ايه؟!
اسر : انتي ليه مش عايزة تفهميني؟؟
سهر : تعبت من كتر ما فهمتك
سكت وعديت حاجات كتير علشان البيت دا يفضل واقف زي ما انت شايفه كده.
سكت علشان ولادي يكبروا ويوصلوا ل المرحلة دي
تعبت وانا بحمعهم واخدهم في حضني واحس إنهم كلهم ولادي من غير ما افرق بينهم.
هل بعد كل دا استاهل منك كده؟
اسر : حبيبتي انتي تستاهلي كل خير.
قوليلي بس ايه السبب الخناقه من الأول؟.
________