غربال الروح

البارت الواحد والعشرين

الروايه "غربال الروح "
بقلم /رحيل القوافي....
Ghadeer-1997
ضاع العمر حسرات،، ماصاحبت زين
طاحو من الغربيل رفكان السنين....
..........

... هو منا جان ملجوم من الحب ويكره طاريه وبعد الصار ويا بتهال وجانت هاي عزيزت كلبه كره بالزيد صار ينتقم منه ..

كتله ..زين شنهي صاير ويا عمك قبل ابتهال حتى يكرها الحب ويلجم منه
كال .... ماعرف آنه محد يعرف بالسالفه غير ابوي وابتهال ومات السر وياها

عاينت عليه وكلت ...زين انت ليش دوم حنين ويانه وساعدنه بسب خواتك موش صح
ضحك وكال ...بصراحه آنه احبج والج معزه بكلبي كلش جبير وهم بسبب خواتي انحرمت منهن وردت اعوض بيج ..

ضحكت وكتله... شمالك جنك عرس الواوي تحجي بساع.

...بقينه نسولف وسالفه اجر سالفه كتله حتى يعلمني شلون اسوي الصيده
كال ...اي مدام تتعلم الحجامه بروس اليتامه.

رديت عليه ...هجم بيتك كون انت يتيم اي بعد كول فقير وذليل وتتعشئ ماتتغدا عمت عيني كسرت خاطري هساع شلون آنه ابجي الطم ..

ضحك وكام كال ...آنه اروح احسلي عبن ماتجيني منج غير المشاكل

...مشئ وآنه ادردم عليه كمت دشيت للبيت جانت ريحان ازهب العشئ وعباس كاعد بالحوش صفنه اجيبه وصفنه تودي كعدت يمه

_ خير عبيس بيش صافن بس لا عاشك
_ اكول ليش ماتولين من خلقتي احسن ما ادفرج
_ خاب روح شحدك وعلي ، هساع عوفك من هاي السالفه وكلي شمالك

_ حاير بأمي وين معغوله ماعرفت بالجرالي ماأجت خافن صاير شي عليه
_ تف من حلكگ بيش طالبه انشالله نلگاها
_ خايب ماخليت مچان مادروت بيه عليه صرت مثل اليحفر بير بأبره
_ الله كريم ياخوي يصير خير

..... اجت ريحان وياها صينيت الاچل جانت طماطه محتركه وبتيته مشعوطه سمينه واچلنه .

فرشنه بالحوش كلنه ونمنه واحله نومه صالي هواي
مامرتاحه مثل هساع مامش مثل البيت راحه ويمك
التحبه بس ناقصني مظهر هم ارجع اعاينه مثل كبل ....؟؟؟

لو نظرتي راح تتغير عبن الموقف ويا الحد هساع من اذكر جسمي كله يقشعر ويصير احاسيس وخدر بجسمي موش طبيعي ..!!

... معغوله هاي تكون هي نفسه الغريزه والنشوه الصير عد بن ادم
تخلي الجسم كله يرجف من يذكر هيج مواقف حساسه ..؟؟

اااخ منك بن كلبي شسويت بيه جنت فقيره وبس السان وهساع اهيس خربت برائتي ...

... نمت وآنه عقلي كله عد مظهر كعدت الصبح على صوت كامل يحجي وياعباس كمت لفيت شعري عاينت ريحان بعدها نايمه.

خليت العبايه عله متني وطلعت صبحت وردو عليه ثنينهم عاين شيخ كامل بوجهي وبتسم وكال ... هاا وچ شتاكينه السانج الوكح شلونج